Өнгөрсөн баасан гарагт буюу есдүгээр сарын 1-нд цэцэрлэг болон ерөнхий боловсролын сургуулиуд хичээлийн шинэ жилийн нээлтээ хийсэн бол өнөөдөр их, дээд сургууль, коллежууд хичээлийн шинэ жилийн нээлтээ хийлээ. 2017-2018 оны хичээлийн шинэ жилийн нээлтийн өдөр нийслэлийн автомашины ачаалал, түгжрэлийг бууруулах зорилгоор нийслэлийн Засаг дарга С.Батболдоос ирүүлсэн хүсэлтийн дагуу БСШУСЯ-ны Төрийн нарийн бичгийн даргын үүргийг түр орлон гүйцэтгэгч Т.Ган-Эрдэнэ ийнхүү их, дээд сургууль, коллежийн захирлуудад хичээлийн нээлтээ гурван хоногоор хойшлуулж, есдүгээр сарын 4-ний өдөр эхлүүлэхийг үүрэг болгосон юм.