Нийслэлийн Улаанбаатар чуулгын байранд 12 дугаар сарын 25-нд 11 цагт “Hero&Cool” харшийн сүлд модны наадам болно.
Энэ жилийн сүлд модны наадамд хотын захын сургуулийн 11-17 насны, хичээлдээ амжилт гаргасан 800 гаруй хүүхдийг оролцуулахаар болжээ. Жил бүр хичээл сурлагадаа амжилт гаргаж, бусдыгаа манлайлсан нийслэлийн хүүхдийг оролцуулан “Hero&Cool” харшийн сүлд модны наадам зохион байгуулдаг уламжлалтай.
Уг наадмыг хүүхдүүдэд урам зориг өгөх, бусдыгаа манлайлан онц суралцаж байгаа хүүхэд багачуудаа урамшуулж, хамтдаа шинэ оноо угтаж, баярлуулах зорилгоор НИТХ-ын төлөөлөгч Ц.Баатархүү, дуучин А Cool нар санаачилсан бөгөөд энэ жил дөрөв дэх удаагаа зохион байгуулж байгаа юм.
Хүүхдүүдийн хүсэн хүлээдэг болсон тус наадамд өвлийн өвгөн, цасан охид, хөгжилтэй алиалагчид байхаас гадна хамтлаг дуучдын тоглолт, циркийн үзүүлбэр үзүүлж, хүүхдүүдэд бэлэг гардуулна.