Олон улсыг хамарсан “COVID-19”-ийн цар тахлын хорио цээрийн нөлөөллөөр дэлхийн аялал жуулчлалын урсгал хумигдсантай холбоотойгоор “Говь” ХК-ийн бүтээгдэхүүний дотоод борлуулалтын орлого 57 хувиар буурч 18.8 тэрбум төгрөг болжээ.
Хэдий тийм ч тус компани олон улсын зах зээлд цахим, шинэ дэлгүүрүүдийг нэвтрүүлж БНХАУ, Герман, ОХУ, Польш, Их Британи, Францын зах зээлд үйл ажиллагаагаа явуулж эхэлжээ. Ингэснээр гадаад зах зээлд гурван тэрбум төгрөгийн борлуулалт хийв. Энэ нь өнгөрсөн оны мөн үеэс 15 дахин өссөн үзүүлэлт болжээ.Энэ талаар тус компанийн Санхүү, стратеги төлөвлөлт хариуцсан захирал Б.Өнөболд болон ТУЗ-ийн нарийн бичгийн дарга Б.Нарантуяа нар “Говь” ХК-ийн энэ оны эхний хагас жилийн санхүү, үйл ажиллагааны тайланг олон нийтэд танилцуулах үеэр мэдээллээ.
Тайлант хугацаанд компанийн нийт борлуулалт 37.5 тэрбум төгрөг буюу 45 хувиар буурчээ.
А.МӨНХНАРАН