Монголын анхны мэс засалч В.Ичинхорлоогийн мэндэлсний 100 жилийн ой, Монголд дурангийн мэс засал үүсч хөгжсөний 20 жилийн ойн хүрээнд Монголын мэс засалч эмч нарын Х чуулганд өнөөдөр эхэллээ.
Мэс заслын эмч нар салбарынхаа алдаа оноог дүгнэн, шин технологи, олон улсын чиг хандлагын талаар зөвлөлдөхөөр хоёр жил тутам энэхүү чуулганг зохион байгуулдаг. Энэ удаагийн чуулганд Улсын Их Хурлын гишүүн Д.Батцогт, Эрүүл мэндийн дэд сайд Ж.Амарсанаа, Монголын мэс заслын эмч нарын нийгэмлэгийн ерөнхийлөгч, Академич Н.Баасанжав болон албаны бусад хүмүүс оролцсон. Түүнчлэн мэс заслын дэлхийн чиг хандлагын талаар мэдээлэл солилцохоор АНУ, ОХУ, БНСУ-ын эмч, мэргэжилтнүүд, нийслэл, орон нутгийн төлөөлөл болох 300 гаруй эмч оролцож байна.
Манай Улсын мэс засалч эмч нар өнөөдрийн байдлаар 10 гаруй орны мэс засалчидтай хамтын ажиллагаагаа өргөжүүлээд байгаа ажээ.
Тэгвэл Улсын Их Хурлын гишүүн Д.Батцогт, С.Одонтуяа гишүүнтэй хамтран хамтран эрүүл мэндийн тусламж үйлчилгээ, зохион байгуулалтын тухай хуулийн төслийг санаачлан боловсруулсанаа энэ үеэр танилццуулсан байна. Энэ хуулийн төсөлд эрүүл мэндийн салбарын бүтэц, зохион байгуулалтыг боловсронгуй болгож, үйлчилгээний чанарыг дээшлүүлэх, эмч мэргэжилтнүүдийн сургалтын тогтолцоог олон улсын нийтлэг чиг хандлагын жишигт нийцүүлэн цогцоор нь өөрчлөх зохицуулалтыг оруулжээ. Бодлогын шинэчлэл хийх зорилгоор зарчмын томоохон өөрчлөлтүүд оруулж байгаад ойрын хугацаанд Улсын Их Хуралд өргөн барих юм байна.