“Single Ladies” инээдмийн киногоор дэлгэцийн урлагт нэгэн шинэ өнгө нэмсэн жүжигчин Г.Ундармаа удахгүй ээлжит уран бүтээлээ дэлгэх нь ээ. Тэрээр энэ удаад монголын балетын урлагийг дэлгэцнээ мөнхлөхөөр “Тютю” киног бэлэн болгоод байгаа юм. Жүжигчин, продюсер, найруулагч Г.Ундармаагийн бүтээж буй “Тютю” кинонд балетчин бүсгүйн амьдралын жаргал зовлонгийн талаар өгүүлэх бөгөөд гол дүрд ОХУ-д балетын чиглэлээр суралцдаг Б.Билгүүн гэх бүсгүй сонгосон байна.
“Prime Pictures”, “U Film”, “Black Zebra”-гын хамтын бүтээл “Тютю” киноны найруулагчаар жүжигчин Г.Ундармаа ажилласан бөгөөд гол дүрүүдэд Гавьяат жүжигчин Б.Жаргалсайхан, жүжигчин О.Гэрэлсүх, Г.Золбоот, Л.Гантулга нар тогложээ.
Түүний энэхүү бүтээл нь 300 сая төгрөгөөр бүтэж байгаа бөгөөд шинэ оны дэлгэцийн анхны бүтээл болон ирэх 2015 оны нэгдүгээр сарын 9-нд нээлтээ хийхээр товоо зарлаад байгаа юм.
