Буудлагын Дэлхийн цом Герман улсын Мюнхен хотод үргэлжилж байна. 88 орны 738 тамирчин оролцож буй тус тэмцээнд манай улсаас үндэсний шигшээ багийн ахлах дасгалжуулагч Л.Ундралбат, дасгалжуулагч Ж.Ганхуяг нарын удирдлага дор “Рио-2016” олимпийн эрх авсан тамирчид болох Хөдөлмөрийн баатар О.Гүндэгмаа, ОУХМ Ц.Мөнхзул, Г.Нандинзаяа нар оролцож буй.
Гурван байдлаас 60 сум буудах дасгалд өрсөлдсөн Г.Нандинзаяа 579 оноогоор 29 дүгээр байрт шалгарлаа. Энэ дасгалд 70 тамирчин өрсөлдсөн юм.
Харин 25 метрийн спорт гар бууны дасгалд 86 тамирчин өрсөлдсөнөөс Ц.Мөнхзул 575 оноогоор 36, О.Гүндэгмаа 570 оноогоор 45 дугаар байрт оржээ.