УИХ-ын чуулганы нэгдсэн хуралдаанаар ҮХЦ-ийн гишүүний томилгоог хэлэлцлээ. Бүрэн эрхийн хугацаа нь дуусгавар болсон Д.Ганзориг гишүүнийг УИХ-аас санал болгон томилуулсан юм. Тиймээс УИХ-ын дарга Г.Занданшатар түүний оронд Засгийн газрын Хэрэг эрхлэх газрын тэргүүн дэд дарга Г.Баясгаланг томилуулахаар нэр дэвшүүлсэн бөгөөд УИХ-ын чуулганы хуралдаанд оролцсон гишүүдийн олонх нь Г.Баясгаланг Үндсэн хуулийн цэцийн гишүүнээр томилохыг дэмжлээ.