Жүдо бөхийн насанд хүрэгчдийн ДАШТ Азербайжаны нийслэл Баку хотноо үргэлжилж байна. Өнөөдөр эрэгтэй 90 кг, эмэгтэй -70 кг-ын жингийн барилдаан бол байгаа бөгөөд манайхаас ОУХМ Г.Алтанбагана, ОУХМ Ц.Наранжаргал нар барилдаж, тэмцээнээ дуусгалаа.
ОУХМ Г.Алтанбагана гуравдугаар тойрогт Японы бөх Кента Нагасавад цэвэр ялагдаж тэмцээнээ дуусгалаа. Манай бөх эхний тойрогтоо гоц мөргөж, хоёрдугаар тойрогт Польшийн бөхийг ялаад байсан билээ.
70 кг. ОУХМ Ц.Наранжаргал В хэсэгт эхний даваанд Филиппиний эгч дүү жүдочдын нэг Мария Такахашиг ялсан ч Голандын Санне ван Дайкт ялагдсан байна.