Нийслэлийн Залуучуудын хөгжлийн газрын дэргэдэх Мэдээллийн технологийн төвийн фотошоп программын сургалтад 8 иргэн хамрагдан амжилттай төгсөж, сертификат гардан авлаа.
Энэхүү сургалтыг БНСУ-ын Олон улсын хамтын ажиллагааны байгууллага “КОИКА”-ийн санхүүжилттэй төслийн гүйцэтгэгч “Эм Кэй Ай Ти” сургалтын төвтэй хамтран зохион байгуулдаг бөгөөд фотошоп программын сургалтаас гадна компьютерийн үндсэн хэрэглээ, мэдээллийн технологийн чиглэлийн 7 төрлийн нарийн мэргэжлийн сургалтуудыг үнэ төлбөргүй зохион байгуулж байна.
Тус төв нь 76 компьютертой 4 сургалтын танхим, Инкубатор төвөөс бүрдэх бөгөөд 2017 оны 3 дугаар сараас хойш 1825 орчим залуучуудыг мэдээллийн технологийн чиглэлийн сургалтад үнэ төлбөргүй хамруулж, 20 иргэнийг инкубатор төвөөр дамжуулан бойжуулж, 45 залууг ажлын байранд холбож ажилласан юм.
Сургалтад хамрагдахыг хүсвэл 9712-5557, 7012-2999 дугаарт холбогдоно уу.
