Манила хотод зургаан настай хүүг унтаж байхад нь эцэгтэй нь хөнөөсөн аймшигт хэрэг гарчээ. Энэ нь тус улсын ерөнхийлөгч Р.Дутертэтэй холбоотой бөгөөд тэрээр сонгогдсоноосоо хойш хар тамхитай холбогдсон хүмүүсийг толгой дараалан буудан хөнөөж байгаа билээ.
Зургаан настай хүүгийн эх 29 настай Елизабет Наварро юу болоод байгааг ч сэхээрч амжаагүй байхад нь хоёр удаа буун гарчээ. Тэрээр хэдий залуу ч таван хүүхдийн эх аж. Филиппиний Ерөнхийлөгч Р.Дутертэ саяхан өөрийгөө хүн алж байсан талаар ярьсан юм. Тэрээр төрсөн хотынхоо захирагч байхдаа хар тамхитай холбогдсон хүнийг алж байжээ. Түүнийг улс даяар хар тамхитай тэмцэх аян явуулснаас хойш 5900 хүн амь үрэгдээд байна. Өдөрт 2-3 хүнийг хүмүүсийн нүдэн дээр гудамжинд буудан хөнөөдөг байна. Мөн 40 мянган сэжигтэн баривчлагдан шоронд хоригдож байгаа юм байна.
Зургаан настай бяцхан хүүг хөнөөсөн ил хэрэг гарснаас хойш ард түмэн нь түүнд дургүйцэж эхэлсэн бөгөөд эхэндээ дэмжиж байсан ч одоо айж эхэлж байгаа гэнэ. Гэвч түүнийг огцруулахад парламентийн 2/3 нь дэмжсэн байх хэрэгтэй. Гэтэл ихэнх хувь нь түүний сонгогдсон намын гишүүд байгаа учир түүний огцрох магадлал тун бага гэнэ.
О.ӨНӨР