Аргентиний цагдаа нар өнгөрсөн долоо хоногийн сүүлчээр 12 настай охины цогцсыг олжээ. Улмаар охин фэйсбүүкээр танилцсан эрэгтэйнхээ гарт амиа алдсан болохыг нь тогтоосон байна. Сэжигтэн амиа алдсан охин болон түүнтэй ижил насны охидын зургийг хадгалж байсан гэнэ.
Тус улсын Бахиа Бланкад амьдардаг Жонатан Луна гэгч 26 настай эр охины амийг бүрэлгэсэн байжээ. Хэрэгтэн хуурамч хаяг нээж, хохирогч охинтой найз болон удаан харилцсаныхаа дараа бэлгийн хүчирхийлэл үйлдэх сэдлээр гэртээ авчирсан гэдгээ өөрөө хүлээсэн байна. Үүгээр зогсохгүй фэйсбүүк хаягт маш олон өөр нууц нэрээр хаяг нээсэн болох нь илчлэгджээ.