Олон улсад үйл ажиллагаагаа явуулдаг хакерууд хамгийн багадаа 81 мянган хэрэглэгчийн фэйсбүүк хуудсыг нь хакердсан талаар “Ройтерс” агентлаг мэдээллээ.
Хакерууд хэрэглэгчдийн хувийн гэрэл зураг болон хувийн чатаар бичсэн зурвас зэргийг гартаа оруулсан ба тун удахгүй нэг нэгээр нь нийтэд дэлгэх болно хэмээн сүрдүүлжээ.
“Бидэнд 120 сая гаруй хэрэглэгчийн мэдээлэл бий. Тун удахгүй шоу эхэлнэ” хэмээн тус хакерын баг ОХУ дахь ВВС агентлагт мэдэгдсэн байна.
Уг асуудлаар “Фэйсбүүк” компани “Манай аюулгүй систем хэвийн ажиллаж байгаа. Бид хэрэглэгчдийнхээ мэдээллийг хамгаалж байгаа. Хакерууд хэрэглэгчдийн хувийн мэдээллийг хакердсан гэдэг нь худлаа” гэж мэдэгдэв.
Хакерууд ихэвчлэн олны танил эрхмүүд, улстөрчдийн мэдээллийг хакердсан гэнэ. Эдгээр мэдээллийг зарах зорилготой байгаа аж.