Нийслэлийн хэмжээнд цэцэрлэгийн бүртгэлийг наймдугаар сарын 25-28-ны
хооронд явуулах шийдвэрийг нийслэлийн Боловсролын газраас гаргаад байгаа
ч энэ асуудал олон хоногийн өмнөөс эцэг, эхчүүдийн санаа зовоож,
маргаан дагуулсан сэдэв болоод байна.
Өнөөдөр өглөө гэхэд Баянзүрх дүүргийн иргэд цэцэрлэгийн бүртгэл явуулж
буй хэлбэрийг эсэргүүцэн, дүүргийнхээ Засаг даргын тамгын газрын байранд
цуглажээ.
Яг одоо Баянзүрх дүүргийн ЗДТГ-ын байранд арав гаруй цэцэрлэгийг
төлөөлсөн эцэг, эхчүүд ирээд байна. Тэдний дийлэнх нь “Ардын хүүхдүүд
сугалааны хонжвортой биш” гэхчлэн бичсэн лоозон барьсан байх бөгөөд
зарим нь “Хүүхдээ цэцэрлэгт бүртгүүлэх гэж 10 гаруй хоног хонон өнжин
дугаарлаж байхад сугалаагаар бүртгэх шаардлага тавилаа” хэмээн бухимдаж
байгаа аж.