Цагдаагийн Ерөнхий газрын Эрүүгийн цагдаагийн албанаас өнөө өглөө Алтайн хүдэр ХХК-ийн Ерөнхий захирал, Тээвэр хөгжлийн банкны нөлөө бүхий хувьцаа эзэмшигч Р.Базарааг түр саатуулжээ.
Түүнийг улс төрийн сонгуулийн санхүүжилт болон авлигын асуудалтай холбон барилчилсан гэх албан бус мэдээлэл байна. ЭЦА-аас одоогоор ямар нэгэн албан мэдээлэл өгөөгүй байгаа юм.
Түүнчлэн, Р.Базараагийн хамаарал бүхий компаниудад ЭЦА-аас шалгалт хийж байгаа аж.
Хэрвээ ЭЦА-аас Р.Базарааг үргэлжлүүлэн шалгах, гэмт хэрэг дахин үйлдэх үндэслэлтэй гэдгээр прокурорт хандвал прокурор шүүхэд цагдан хорих саналыг гаргана.