УИХ дахь МАН-ын бүлэг хуралдаж Ерөнхийлөгчийн сонгуулийн тухай хуулийг буцаах шийдвэр гаргаж Төрийн байгуулалтын байнгын хороонд саналаа хүргүүлж, УИХ-ын чуулганаар хэлэлцэн хуулийг төслийг буцаахыг дэмжсэн билээ. Харин энэ долоо хоногт Ерөнхийлөгчийн сонгуулийн товыг зарлах юм. Тодруулбал, энэ сарын 24-ны мягмар гаригт Төрийн байгуулалтын байнгын хорооны хуралдаанаар “Монгол Улсын Ерөнхийлөгчийн 2017 оны ээлжит сонгуулийн санал авах өдрийг тогтоох, сонгуулийг товлон зарлах тухай”, Монгол Улсын Ерөнхийлөгчийн 2017 оны ээлжит сонгуульд техник хэрэгсэл хэрэглэх тухай” УИХ-ын тогтоолын төслийг хэлэлцэнэ. Мөн пүрэв, баасан гаригийн чуулганы нэгдсэн хуралдаанаар дээрх хоёр асуудлыг хэлэлцэх аж.