Өнөөдөр долдугаар сарын 10-ны өдөр. Нөгөө талаасаа Монгол Улсын Төрийн далбааны өдөр билээ. Монгол Улсын Ерөнхийлөгч Ц.Элбэгдорж Төрийн далбааны өдрийн арга хэмжээнд Монгол Улсын Ерөнхий сайд нарын хамт оролцож байна. Өнөөдөр 11.40 цаг буюу морин цагт Ерөнхийлөгчийн сонгуульд нэр дэвшин өрсөлдөж ялалт байгуулсан Халтмаагийн Баттулга Төрийн ордны Их танхимд Ерөнхийлөгчийн тангараг өргөж албан ёсоор ажлаа эхлүүлнэ. Тэгвэл найман жил Монгол төрийг тэргүүлсэн Цахиагийн Элбэгдорж өнөөдөр тамга тэмдгээ шилжүүлэх учиртай. Түүний хувьд олон улсын байгууллагад ажиллахгүй гэдгээ мэдэгдээд байгаа билээ. Тиймээс цаашид Төрийн тэргүүний юу хийх нь хамгийн сонин байгаа юм.