Энэ хичээлийн жилд ерөнхий боловсролын
сургуульд 539 818 сурагч суралцахаас 50,3 хувь нь бага ангид, 27,5 хувь нь дунд
ангид, 22,2 хувь нь ахлах ангид хичээллэнэ. Харин нэгдүгээр ангид 64 364 сурагч
элсэх юм байна. Тэгвэл 99 их, дээд сургууль, коллежид нийт 170 мянган оюутан
суралцана. Үүнээс 87,4 хувь нь бакалавр, 10,7 хувь нь магистр, 1,9 хувь нь
докторын зэрэг горилохоор суралцах аж. Маргааш есдүгээр сарын 1 буюу хичээлийн
шинэ жилийн эхний өдөр. Уламжлалын дагуу Монгол Улсын Ерөнхийлөгч Ц.Элбэгдорж
МҮОНРТ-ээр хичээл заана. Харин Ерөнхий сайд Ч.Сайханбилэг Ерөнхий боловсролын
33 дугаар дунд сургуулийн нээлтэд 08.00 цагт оролцох аж. Мөн тэрээр 11.40
цагаас Чингисийн талбайд болох Оюутны тангарах өргөх ёслолын ажиллагаанд очих
юм байна.