NBA-гийн талбайд өнөөдөр Нью Орлэанс Пэликанс, Бостон Сэлтикс багууд туллаа. Бостон Сэлтиксийн талбайд болсон тус тоглолтонд зочин баг 116-113-ийн харьцаатай хожсон юм.
Нью Орлэнс Пэликансын довтлогч Энтони Дэвис ТД гардэнд ноёлж 45 оноо, 16 самбараас бөмбөг авалт хийсэн бол хамгаалагч Жрү Холидэй 23 оноо, 7 оновчтой дамжуулалтаар тусласан юм. Харин талбайн эздээс холбон тоглогч Кайри Ирвинг 27 оноо, 7 самбараас бөмбөг авалт хийж багаа тэргүүлэв.
Ийнхүү Пэликансчууд хожсноор 23-20 амжилттай өрнөд бүсийн зургаадугаар байранд эрэмблэгдэж байгаа бол Бостон Сэлтикс 34-11 амжилттай дорнод бүсийг тэргүүлж байна.
Б.АМАРТҮВШИН