Монгол Улс Энэтхэг улстай ялтан
шилжүүлэх гэрээг Гадаад хэргийн сайд Л.Пүрэвсүрэн, Энэтхэгийн Гадаад
хэргийн яамны төлөөлөгч Викас Сваруп нар өнгөрсөн оны тавдугаар сарын
17-нд байгуулсан. Харин гэрээний хүчин төгөлдөр хугацаа ирэх сарын 18-нд эхлэх аж.
Одоогоор манай улсаас Энэтхэгт ял эдлэж байгаа иргэн байхгүй бөгөөд
эл гэрээг байгуулснаар Энэтхэг улсын иргэн Монголд болон Монгол Улсын
иргэн Энэтхэгт ял шийтгүүлэх тохиолдолд өөрийн оронд нь шилжүүлэн ялыг
нь эдлүүлэх боломжтой болох юм.
Гэрээнд хоёр тал итгэмжлэх жуух бичгээ барьсанаас нэг сарын дараа хүчин төгөлдөр болно гэж заасан байдаг бөгөөд өчигдөр хоёр тал жуух бичгээ өргөн барьжээ. Энэ талаар Энэтхэгийн Гадаад хэргийн яамны төлөөлөгч Викас Сваруп өөрийн твиттер хуудаснаа нийтэлсэн байна.