Өнөөдрийн байдлаар улсын хэмжээнд жижиг, дунд үйлдвэр, үйлчилгээ эрхлэгч 76561 аж ахуйн нэгж бүртгэлтэй байна. Эдгээр аж ахуй нэгжүүдэд нийт 253095 хүн ажиллаж байгаа аж.
Энэ онд жижиг, дунд үйлдвэрлэл эрхлэгчдээ 40 тэрбум төгрөгийн зээл олгохоор төлөвлөжээ.
Хүнс, хөдөө аж ахуй, хөнгөн үйлдвэрийн сайд Ж.Энхбаяр “Жижиг, дунд үйлдвэрийг хөгжүүлэх сан өмнө олгосон зээлийн эргэн төлөлтөөр ажиллаж байгаа бөгөөд 2025 онд 40 тэрбум төгрөгийн зээл олгоно гээд санд шинээр эх үүсвэр нэмэгдээгүй, улсын төсөвт суугаагүй тул дутагдалтай байгаа” гэв.