Коронавируст халдварын дельта хувилбарын дэгдэлттэй холбоотойгоор Жирэмсэн эмэгтэйчүүдийн өвчлөл ба дархлаажуулалт сэдвээр ЭМЯ-наас мэдээлэл өгч байна.
Дэлхий нийтээр дахин давлагаа эхэлж байгаа. “Дельта” хувилбар жирэмсэн болон төрсний дараахь эхчүүдэд хүндээр тусах магадлалтай.
Үүнээс болж эхийн эндэгдэл, дутуу төрөлт, амьгүй төрөлт нэмэгдэж болзошгүй. Иймээс дархлаажуулалтад хамрагдах хэрэгтэй. Ингэснээр “дерьта” хувилбараас сэргийлэх боломжтой юм.
“Дельта” хувилбараар өвчилсөн хүн цаашид 8 хүнд тараадаг.
Монгол Улсад жилд дунджаар 80 мянган эмэгтэй төрдөг бөгөөд одоогийн байдлаар 43 мянган хүн төрөөд байна. Гэтэл 6 мянга орчим жирэмсэн эмэгтэй, 5 мянга орчим шинэ төрсөн эх дархлаажуулалтад хамрагдаад байгаа.