Японы Такасаки хотноо Чөлөөт бөхийн эмэгтэйчүүдийн Дэлхийн цомын аварга шалгаруулах 17 дахь удаагийн тэмцээнд оролцож байгаа Монголын баг тамирчид хэсгийнхээ 2 дахь барилдаанаа Беларусийн багтай хийж 6:4-өөр ялсан байна.
Монголын эмэгтэйчүүдийн шигшээ багийн тамирчид “В” хэсэгт багтсан бөгөөд хэсгийн эхний барилдаанаа БНХАУ-ын шигшээ багтай хийж, 1:9-өөр ялагдал хүлээгээд байв. Манай багийн ганц ялалтыг ДАШТ-ий мөнгөн медальт, ОУХМ Э.Сумъяа Оюан Жинлинг 8:7-гоор ялж авсан байна. Харин Дэлхийн аварга, гавьяат тамирчин П.Орхон өрсөлдөгчтэйгээ барилдаагүй.
Нэгдүгээр тойрог: Монгол – БНХАУ 1:9
50 кг: Цогт-Очирын Намуунцэцэг – Сун Янан 0:10
53 кг: Эрдэнэчимэгийн Сумъяа – Оюан Жинлинг 8:7
55 кг: Эрхэмбаярын Даваачимэг – Жан Ки 5:6
57 кг: Алтанцэцэгийн Батцэцэг – Пей Шинру 1:9
59 кг: Баатаржавын Шоовдор – Рон Ниннинг 3:3
62 кг: Пүрэвдоржийн Орхон – Луо Ксяохуан барилдаагүй
65 кг: Соронзонболдын Батцэцэг – Тан Чуинг 4:6
68 кг: Шархүүгийн Түмэнцэцэг – Зао Фенг 5:16
72 кг: Очирбатын Насанбурмаа – Хан Юи 4:14
76 кг: Амгаланбаатарын Чанцалнямаа – Зоу Киан 0:14
Хоёрдугаар тойрог:Монгол – Беларусь 6:4
50 кг: Эрдэнэсүхийн Нарангэрэл – Ксенья Станкевич 10:6
53 кг: Ганбаатарын Отгонжаргал – Ванеса Каладжинская 6:7
55 кг: Эрхэмбаярын Даваачимэг – Ирина Курочкина 5:5
57 кг: Алтанцэцэгийн Батцэцэг – Залина Сидакова 1:2
59 кг: Баатаржавын Шоовдор – Катаржина Ханчар 14:3
62 кг: Пүрэвдоржийн Орхон – Вероника Иванова цэвэр ялагдсан
65 кг: Соронзонболдын Батцэцэг – Кристина Федорашко 10:0
68 кг: Шархүүгийн Түмэнцэцэг – Ханна Садчанка цэвэр ялсан
72 кг: Очирбатын Насанбурмаа – Өрсөлдөгч байхгүй
76 кг: Амгаланбаатарын Чанцалнямаа – Василиса Марзалюк 1:4
Дэлхийн цомын аварга шалгаруулах тэмцээнд дөрөв дэх удаагаа өрсөлдөж байгаа Беларусийн шигшээ багийг ийнхүү ялсан бол хэсгийн сүүлийн барилдааныг Монголын цагаар 17 цагт Румын улсын шигшээ багтай хийнэ. Хэрэв тэднийг ялбал маргааш “А” хэсгийн хоёрдугаар байраар шалгарсан багтай хүрэл медалийн төлөө барилдах эрхтэй болно.