Өнөөдөр ДОХ-той тэмцэх Дэлхийн өдөр тохиож байгаа билээ. Үүнтэй холбогдуулан иргэдэд зориулан мэдээлэл хийхээр ЭМЯ, МЗХ, ХӨСҮТ-ийн төлөөлөл болон УИХ-ын гишүүн Д.Гантулга нарын хүмүүс энэ өвчний талаар сүүлийн үеийн албан ёсны тоо баримтыг дэлгэлээ.
Сүүлийн үеийн судалгаагаар Монголд 218 хүн ДОХ-ын халдвартай болох нь тогтоогдсон аж. Харин тэдний ард 15-49 насныхны дунд 457 халдвартай иргэн байж болзошгүй гэсэн судалгааг гаргадаг бөгөөд ДОХ-той ээжээс 14 хүүхэд төржээ.
Энэ жил “ХДХВ, ДОХ-оос сэргийлэх нь та бидний гарт” гэсэн уриан дор тэмдэглэн өнгөрүүлж байгаа аж. Түүнчлэн энэ өдрийн тохиолдуулан НҮБ-ын ДОХ-ын хөтөлбөрийн гүйцэтгэх захирал Михел Сидибе “ДОХ-ын аюулыг 2030 он хүртэл устгахын төлөө яаравчлая” хэмээн уриалга гаргажээ.