Хэдэн жилийн турш санхүүгийн асуудалтай тулгарч, хэдэн сарын турш нислэгийн бэлтгэл хийсний үр дүнд “Airlander” өчигдөр агаарт 20 минут нисэж, Лондонгийн хойд хэсэгт орших Карлингтоны нисэх онгоцны талбайд амжилттай газардлаа.
Агаарын хөлөг, хеликоптер, нисэх онгоц зэрэг онгоцнуудын шинж чанарыг тодорхой хэмжээгээр шингээсэн энэхүү онгоц нь 90 метрийн урттай, дэлхийн хамгийн том зорчигч тээвэрлэгч онгоцноос 15,24 метрээр урт ажээ.
Анхны нислэгийг өнгөрөгч ням гаригт хийх төлөвлөгөөтэй байсан боловч техникийн асуудлаас үүдэн лхагва гариг хүртэл хойшилсон байна.
Онгоцыг Их Британийн компани “Hybrid Air Vehicles” бүтээсэн бөгөөд дөрвөн мотортой байхын сацуу их бие нь нүүрстөрөгчийн мяндсан утсаар хийгдсэн аж. Онгоцны дотор нь 38,000 шоо дөрвөлжин метрийн гелиумын даралт нь тус өвөрмөц хэлбэрээ хадгалахад тусалдаг аж. Airlander нь хамгийн ихдээ 1 цагт 146 км цагийн хурдтайгаар 10 тонн ачааг тээвэрлэх хүчин чадалтай. Тус онгоцыг АНУ-ын батлан хамгаалахын зааврын дагуу зохион бүтээсэн бөгөөд 2013 онд батлан хамгаалахын төсөв дутагдсанаас уг төсөл зогсоод байсан юм.
Airlander нь бусад тээвэрлэгч онгоцнуудыг бодвол нүүрсхүчлийн хий багатай учраас байгальд үзүүлэх хор хөнөөл нь бага байхын сацуу төрөл бүрийн тээвэрлэлт хийх, түүнчлэн батлан хамгаалах, цэргийн шугамаар ашиглах боломжтой аж.
Б. МӨНГӨНСОР