Төрийн өмчийн том оврын машиныг хот суурин газар хэрэглэхгүй байх зохицуулалт хийж байгаатай холбоотой Төрийн өмчийн бодлого зохицуулалтын газарт эргүүлэн татсан том оврын жийп автомашинуудаас 21 аймгийн Нэгдсэн эмнэлэгт алсын дуудлагын машин олгох саналыг УИХ-ын гишүүн Ж.Бат-Эрдэнэ гаргажээ.
Эл саналыг өчигдөр УИХ-ын Эдийн засгийн байнгын хороо дэмжжээ. Одоо чуулганы нэгдсэн хуралдаанаар хэлэлцэх юм байна.
Иргэдийн амь нас, эрүүл мэндийг авран хамгаалах үйлс цаг нартай уралддаг тул аймгуудын Нэгдсэн эмнэлэгийн алсын дуудлагад туулах чадвар сайтай автомашин зайлшгүй шаардлагатай байдаг тул дээрх санаачлагыг гаргалаа