Энэ сарын 12-ны өдрөөс эхлэн аав, ээж хүү гурван Дельфиний сонирхолтой тоглолт болох ажээ. Дельфин хэмээх энэхүү усны амьтан нь хүний хамгийн дотнын нөхөр болдог, хөгжилтэй, найрсаг бөгөөд баярлан хөөрч элдэв үзүүлбэр үзүүлдэг.
ОХУ-ын Московский Дельфинарий буюу Далайн амьтдын энэхүү тоглолт Үндэсний соёл амралтын хүрээлэнд болно. Тоглолтод дельфинээс гадна усан гахай, далайн амьтад сургагч нарынхаа хамтаар оролцох юм байна. Угсардаг бассейнд болох тоглолтын тасалбар суудлаасаа хамаарч 15000, 18000, 21000, 24000, 30000 төгрөгийн үнэтэй байх бөгөөд гурав хүртэлх насны хүүхэд төрсний гэрчилгээгээ авч очоод үнэгүй үзэх боломжтой аж. Дельфинтэй харилцах, дотно байх нь хүний, ялангуяа хүүхдийн сэтгэхүйд сайнаар нөлөөлдгийг эрдэмтэд бүр 1978 онд тогтоосон байна. Эелдэг, нөхөрсөг зан чанараас гадна өөрийнхөө үзэмжит бие галбираар дельфин хаана ч гэсэн гэрэл зурагчдын жинхэнэ фото модель, загвар болдог аж. Тоглолт маргаашнаас эхлэн
ЛХАГВА, ПҮРЭВ, БААСАН гаригт 18:00,
БЯМБА, НЯМ гаригуудад 12:00, 15:00, 18:00 цагуудаас тус тус тоглох аж.
Холбогдох утас: 88278855, 88728855
Дельфинүүд бэлтгэлээ хийж байгаа нь
Н.Ганаа