Одоогоос дөрвөн жилийн өмнө буюу 2012 онд манай улсын Засгийн газраас долларын “Чингис” бонд гаргаж олон улсын бондын зах зээлд оруулж байсан. Уг бондоос 1.5 тэрбумын хөрөнгө босгосон юм. Тухайн үед бондын өгөөж Испанийнхаас доогуур байсан бол одоо бондын өгөөж 8.64 хувьд хүрчээ. Өнгөрөгч оны тавдугаар сард бондын өгөөж 4.5 хувьтай байжээ.
Ийнхүү бондын өгөөж өссөнтэй холбогдуулан дахин бонд гаргах асуудлаар Өрнөдийн хэд хэдэн банкны хөрөнгө оруулагчдыг урьж ирэх долоо хоногт уулзалт зохион байгуулахаар болсон байна. Манай улсын хувьд далайд гарцгүй уул уурхайд суурилсан эдийн засагтай. Уул уурхайн орлого нь ДНБ-ий тавь орчим хувийг бүрдүүлдэг ба Монголын хувьд хүндхэн нөлөөлсөн америк долларын ханшийн өсөлт, эдийн засгийн өсөлт удаашралтай, түүхий эдийн ханшийн уналттай байгаа юм.