Шинээр сонгогдсон АНУ-ын Ерөнхийлөгч Д.Трамп ирэх оны нэгдүгээр сарын 20-нд тангаргаа өргөж үүрэгт ажилдаа орно. Түүний тангараг өргөх ёслолд дуучин охин, 16 настай Жеки Иванко Нэгдсэн улсын сүлд дууг дуулах юм. Ж.Иванко нь “Авьяаслаг америкчууд» (America’s Got Talent) телевизийн шоуны үеэр үзэгчдийн сэтгэл зүрхийг татаж чаджээ. Д.Трамп түүнийг тангараг өргөх ёслолдоо урьсан бөгөөд охин урилгыг хүлээн авснаа мэдэгдсэн байна. Тэрбээр “Би маш их сэтгэл түгшиж байна. Энэ бол нэр төрийн хэрэг” гэжээ. Дуучин охин долоон жилийн өмнөөс телевизийн шоунд орж алдаршсан аж. Тэрээр Вашингтон дахь Цагаан ордны өмнө Үндэсний гацуур модны дэргэд ая дуугаа өргөж байжээ.