“The Sunday Times” сонинд бичсэнээр АНУ-ын Ерөнхийлөгчөөр сонгогдсон Д.Трамп удахгүй ОХУ-ын Ерөнхийлөгч В.Путинтэй уулзах гэнэ. Оросын тал уулзалтыг зохион байнгуулахыг үндсэндээ зөвшөөрсөн аж. Хоёр улсын тэргүүн Исландын нийслэл Рэйкявикт уулзах газраа сонгосоныг тус сонин олж мэдсэн байна. АНУ-ын шинээр сонгогдсон Ерөнхийлөгчийн засаг захиргаанд ажиллах хүмүүсийн ярьснаар Исландыг уулзах газраар сонгосон нь санамсаргүй хэрэг биш гэнэ. Учир нь Исландын нийслэлд 1986 онд АНУ-ын Ерөнхийлөгч Р.Рейган, ЗХУ-ын удирдагч М.Горбачев нар анх уулзаж байсан юм.