ЭМЯ-ын хэлтсийн дарга Д.Нарангэрэл, “Коронавирусийн халдвар 205 оронд бүртгэгдээд байна. Одоогоор НҮБ-ын гишүүн орнуудаас 19 оронд халдвар илрээгүй. Манай улсын хувьд одоогоор нийт 2272 хүн ажиглалтад байгаа ба иргэдийн биеийн байдал хэвийн. Манай улсад коронавирус хөнгөн хэлбэрээр илэрч, эмнэлзүйн хувьд бүдэг байгаа тул вирус нууц үедээ тархах эрсдэл өндөр гэж дүгнэж байна. Хөл хориог нэг өдөр алдах юм бол өвчлөл 40 хувь тархах эрсдэлтэй гэж байгаа. Жишээлбэл, БНХАУ-д 1541 хүн шинж тэмдэггүй хүн өвчлөлийн тоонд орж байна. Иймээс амны хаалт зүүх хэрэгтэй гэдгийг сануулж байна” гэв.