МАХН-ын Хяналт, ёс зүйн хороо өнөөдөр мэдээлэл хийлээ. Энэ үеэр тус хорооны дарга Г.Давааням УИХ-ын гишүүн Ч.Улаан Д.Тэрбишдагва нарыг МАХН-аас гарч байгаа гэдгийг хэлсэн юм. Мөн Шударга ёс эвслийн бүлгээс гарч буйгаа мэдэгдээд 10 шахам хоносон гэдгийг дурдаад Ч.Улаан Д.Тэрбишдагва нар нь МАХН-аас албан ёсоор чөлөөлөгдөөгүй гэсэн юм. Учир нь намын дотоод дүрэмдээ МАХН-ын гишүүнээс гарах хүсэлтийг харьяалагдах намын анхан шатны байгууллагад бичгээр мэдэгдсэнээр намын гишүүний бүртгэлээс хасагдсанд тооцдог байна. Түүнчлэн Д.Тэрбишдагва Ч.Улаан нар МАХН-ын бага чуулганаар сонгогдсон гишүүд учраас намын бага чуулганаар тэднийг бага чуулганы гишүүнээс чөлөөлөх хүртэл МАХН-ын бага чуулганы гишүүн хэвээрээ байгаа аж. Тиймээс хэрвээ намаасаа гарахаар бол дээрх дарааллын дагуу шийдэгдэх байна.