Ерөнхий сайд
Ч.Сайханбилэг манай улсад айлчлал хийж буй БНСУ-ын Шадар сайд бөгөөд
Боловсролын сайд Хван Ү Ё-г хүлээн авч уулзлаа. Манай хоёр орны хооронд дипломат харилцаа тогтоосны 25 жилийн
ой энэ онд тохиож буй.
Уулзалтын үеэр Ерөнхий сайд Ч.Сайханбилэг цаашид
хоёр орны боловсрол, соёлын салбарын хамтын ажиллагааг хөгжүүлж, БНСУ-ын Засгийн газрын
тэтгэлгээр суралцуулах оюутны тоог нэмэгдүүлэх, 500 инженерийг БНСУ-д сургаж,
бэлтгэхэд анхаарлаа хандуулах,
түүнчлэн Монгол Улсад хамтарсан IT сургууль байгуулах хүсэлтэй байгаагаа илэрхийлжээ.
Энэ айлчлалын үеэр
хоёр орны Боловсролын яам хооронд хамтран ажиллах тухай санамж бичиг байгуулж байгаа аж.