Төсвийн тодотголыг манайх сүүлийн жилүүдэд жилд 1-2 удаа заавал хийдэг болчихоод байна. Үүний эхний үр дагавар бол төлөвлөлт муу байна. Тэр дундаа төсвийн орлого, зарлагын төлөвлөлт муу байна. Төсөв их хэмжээгээр тасарч, төлөвлөөгүй зардлууд гарч байгаа учраас тодотгол хийх нь зайлшгүй байх. Ер нь цаашдаа эхнээсээ дуустал төлөвлөлтөө сайн хийх хэрэгтэй. Эхнээсээ яагаад буруу төлөвлөж байна гэдэг асуудлаа ч асуух ёстой. Татварыг төлж байгаа хүмүүсээс нэмж аваад байх нь сайн арга биш юм.
Угаасаа бүгдийг хууль ёсны дагуу чадлаараа төлж байгаа байгууллагууд бий. Тэдэн дээр улам ачаалал нэмэх нь төдийлөн оновчтой арга биш гэж бодож байна. Түүний оронд огт татвар төлөхгүй байгаа, эсвэл дутуу төлдөг хүмүүс болон байгууллагуудыг яагаад хамруулахгүй байна вэ гэдэг асуулт байна. Жишээ нь, Сангийн яамыг харахад төлж байгаа хэд дээрээ л нэмээд байвал амар байж болох юм. Бодит амьдрал дээр тийш биш хэмээн эдийн засагч Ч.Хашчулуун өөрийн байр сууриа илэрхийлэв.