Category: соёл-урлаг

Дуурь бүжгийн эрдмийн театрын 2015 оны эхний улиралд эдгээр тоглолтыг үзэгч олондоо толилуулахаар төлөвлөжээ.

Нэгдүгээр сарын хөтөлбөр

03-нд 17.00 цагт Ж.Верди “Риголетто” дуурь
04-нд 17.00 цагт Х.Билэгжаргал “Ламбугайн нулимс” дуурь
10-нд 17.00 цагт Л.Минкус “Дон Кихот” балет
11-нд 17.00 цагт Л.Минкус “Дон Кихот” балет
15-нд 19.00 цагт “Пусаны ОУХН -УДБЭТ” гала концерт
17-нд 17.00 цагт Ж.Верди “Травиата” дуурь
18-нд 17.00 цагт Л.Делиб “Цэнхэр нүдэн бүсгүй” балет
24-нд 17.00 цагт И.Штраус “Оргилуун дарс” шинэ балет
25-нд 17.00 цагт И.Штраус “Оргилуун дарс” шинэ балет
31-нд 17.00 цагт Ж.Пуччини “Богема” дуурь

Хоёрдугаар сарын хөтөлбөр

01-нд 17.00 цагт А.Адан “Жизель” балет
07-нд 17.00 цагт Ж.Пуччини “Тоска” дуурь
08-нд 17.00 цагт Х.Алтангэрэл “Төгсгөлгүй” балет
12-нд 17.00 цагт “Монголын алтан хоолойтнууд” концерт
14-нд 17.00 цагт П.И.Чайковский “Хунт нуур” балет
15-нд 17.00 цагт Б.Дамдинсүрэн “Учиртай гурван толгой” дуурь
28-нд 17.00 цагт Ж.Верди “Травиата” дуурь

Гуравдугаар сарын хөтөлбөр

01-нд 17.00 цагт А.Батдэлгэр “Тэнгэрийн ташуур” балет
07-нд 17.00 цагт Ж.Бизе “Кармен” дуурь
08-нд 17.00 цагт “Тэнгэрлэг бүсгүй танаа” концерт
14-нд 17.00 цагт Ц.Нацагдорж “Үүлэн заяа” дуурь
15-нд 17.00 цагт Б.Асафьев “Бахчисарайн оргилолт булаг” балет
21-нд 17.00 цагт Ж.Верди “Трубадур” дуурь
22-нд 17.00 цагт Э.Чойдог “Чойжид дагина” балет
27-нд 19:00цагт “Балетын үдэш”
28-нд 17.00 цагт Ж.Пуччини “Чио Чио Сан” дуурь
29-нд 17.00 цагт Х.Алтангэрэл “Төгсгөлгүй” балет

Жил бүрийн шинэ жилийн үдэш зохион байгуулдаг “Алтан сарнай” наадам уламжлал ёсоор өнөөдөр “Улаанбаатар” зочид буудалд болно. Нийгмийн Ардчилал Монголын Залуучуудын Холбоо 2000 онд анх “АЛТАН САРНАЙ” наадмыг зохион байгуулж эхэлсэн.

Өнөө жил доорх долоон салбарын шилдгүүдийг тодруулах юм байна. Ингэхдээ олон нийтийн санал асуулгыг www.altansarnai.mn сайтаар дамжуулан авчээ.

– Шинжлэх ухааны салбарын оны онцлох хүн

– Соёл урлагийн салбарын оны онцлох хүн

– Спортын салбарын оны онцлох хүн

– Нийгэм, улс төрийн салбарын оны онцлох хүн

– Хүмүүнлэгийн салбарын оны онцлох хүн

– Бизнесийн салбарын оны онцлох хүн

– Дэлхийн монгол хүн.

Хуучин оноо үдэж, шинэ он айлчлан ирэх гэж байгаа энэ үед Мисс И.Төгсөө өнгөрсөн оныхоо ажил үйлсийг дүгнүүлж, энгэрээ мялаажээ.

Түүнийг Монголын ардчилсан эмэгтэйчүүдийн холбооноос Эрх чөлөөний одонгоор шагнасан байна. Мисс И.Төгсөөгийн хувьд энэ онд “Эх дэлхийн мисс” олон улсын тэмцээний сүүлийн шатанд шалгарсан амжилт үзүүлсэн юм.

Нийслэлийн 375 жилийн түүхт ойг тэмдэглэн өнгөрүүлэх ажлын хүрээнд 2014 оны турш 6 чиглэлээр 116 ажлыг хийж, хэрэгжүүллээ. Бүтээн байгуулалт, тохижилтын ажлаас гадна олон улсын форум, хэлэлцүүлэг, соёл урлагийн томоохон үйл ажиллагааг зохион байгуулсан бөгөөд түүхт ойн хаалтын ажиллагаа болгож дэлхийн алдарт “Цөмөөхэй” балетыг Улаанбаатар хотод амжилттай тоглолоо.Дэлхийн 5 тивд шинэ жилийн баярын өдрүүдэд тоглогддог тус балетыг нийслэлийн Засаг даргын дэмжлэгтэйгээр хүүхэд, багачууддаа зориулж “Монголын балетын хөгжил” сан Монгол Улсын Гавъяат Жүжигчин Д.Алтанхуягийн найруулгаар 12 дугаар сарын 24-нөөс 28-ны өдрүүдэд тоглосон юм. Тоглолтын тайз, декорац, хувцас хэрэглэлийг АНУ-ын “Бостон балет” компаниас худалдан авч, цоо шинэ найруулгаар нийслэлийн үзэгчдэд анх удаа хүргэсэн бөгөөд Япон улсын “К балет” компанийн гоцлол бүжигчин Д.Батболд болон ДБЭТ-ын балетын бүжигчид, сонгон шалгаруулалтаар шалгарсан 180 гаруй бяцхан хүүхдүүд оролцлоо. 5 өдөр 7 удаа тоглосон балетын тасалбар урьдчилж дууссан бөгөөд өдөр бүр танхим дүүрэн үзэгчидтэйгээр нийслэлчүүд дэлхийн алдарт балетыг үзлээ

1-р сарын хөтөлбөр

03 нд 17.00 цагт Ж.Верди “Риголетто” дуурь
04 нд 17.00 цагт Х.Билэгжаргал “Ламбугайн нулимс” дуурь
10 нд 17.00 цагт Л.Минкус “Дон Кихот” балет
11 нд 17.00 цагт Л.Минкус “Дон Кихот” балет
15 нд 19.00 цагт “Пусаны ОУХН -УДБЭТ” гала концерт
17 нд 17.00 цагт Ж.Верди “Травиата” дуурь
18 нд 17.00 цагт Л.Делиб “Цэнхэр нүдэн бүсгүй” балет
24 нд 17.00 цагт И.Штраус “Оргилуун дарс” шинэ балет
25 нд 17.00 цагт И.Штраус “Оргилуун дарс” шинэ балет
31 нд 17.00 цагт Ж.Пуччини “Богема” дуурь

2-р сарын хөтөлбөр

01 нд 17.00 цагт А.Адан “Жизель” балет
07 нд 17.00 цагт Ж.Пуччини “Тоска” дуурь
08 нд 17.00 цагт Х.Алтангэрэл “Төгсгөлгүй” балет
12 нд 17.00 цагт “Монголын алтан хоолойтнууд” концерт
14 нд 17.00 цагт П.И.Чайковский “Хунт нуур” балет
15 нд 17.00 цагт Б.Дамдинсүрэн “Учиртай гурван толгой” дуурь
28 нд 17.00 цагт Ж.Верди “Травиата” дуурь

3-р сарын хөтөлбөр

01 нд 17.00 цагт А.Батдэлгэр “Тэнгэрийн ташуур” балет
07 нд 17.00 цагт Ж.Бизе “Кармен” дуурь
08 нд 17.00 цагт “Тэнгэрлэг бүсгүй танаа” концерт
14 нд 17.00 цагт Ц.Нацагдорж “Үүлэн заяа” дуурь
15 нд 17.00 цагт Б.Асафьев “Бахчисарайн оргилолт булаг” балет
21 нд 17.00 цагт Ж.Верди “Трубадур” дуурь
22 нд 17.00 цагт Э.Чойдог “Чойжид дагина” балет
27 нд 19:00цагт “Балетын үдэш”
28 нд 17.00 цагт Ж.Пуччини “Чио Чио Сан” дуурь
29 нд 17.00 цагт Х.Алтангэрэл “Төгсгөлгүй” балет

Лондон хотноо болсон “Дэлхийн мисс” тэмцээнд Монгол Улсаа төлөөлөн оролцсон мисс Т.Батцэцэгийг Дархан-Уул аймгийн Залуучуудын холбооноос санаачлан МЗХ-ны “Эв нэгдлийн мөнгөн одон”-гоор шагнажээ. Мисс Т.Батцэцэг өөрийн цахим хуудсаараа дамжуулан дэмжиж байсан бүх монголчууддаа чин сэтгэлийн талархлаа илэрхийлсэн билээ.

Дархан хотод төрж өссөн тэрээр 2012 онд “Манжуурын мисс” тэмцээнд оролцож, тэргүүн миссээр тодорсон цагаасаа олонд танигдаж эхэлсэн. Т.Батцэцэг эдүгээ “Шилмэл загвар”-ын дэргэдэх “Шилмэл модель” агентлагийн алхааны багшаар ажилладаг. Тэрээр саяхнаас телевизийн салбарт хөл тавьжээ. Тодруулбал, байгуулагдаад удаагүй байгаа “Сүлд” телевизэд хөтлөгчөөр ажиллаж буй.

ШУӨХТГ-аас Монголын киноны ашиг орлогын тухай мэдээллийг долоо хоног бүр олон нийтэд мэдээлж байгаа. Ингэснээр манай уран бүтээлчдийн киноны чанар чансаа мэдэгдэхүйц нэмэгдсэн гэдгийг албаныхан онцолсон юм.

Тэгвэл энэ оны эхний хагас жилийн байдлаар Монголын кино ертөнцөд хамгийн их ашиг орлого олсон киногоор найруулагч, зохиолч Ж.Сэнгэдоржийн зохиож найруулсан “Үргээлэг” кино шалгарч байна. Харин жагсаалтын хоёрдугаарт “Зүрхээр наадагч” кино бичигджээ Энэ онд нийт 39 монгол кино шинээр гарч энэ зах зээл дээр дөрвөн тэрбум орчим төгрөг эргэлдэв.
–

Бүгд Найрамдах Чех Улсын Прага хотын Техникийн төв музейд 2014 оны 12 дугаар сарын 18-ны өдөр “Тахь өлгий тал нутагтаа” хэмээх баримтат киноны нээлт боллоо. Энэхүү киноны нээлтийн үйл ажиллагаанд Прага хотын амьтны хүрээлэн, Монгол Улсаас БНЧУ-д суугаа Элчин сайд яам болон Чехийн яам агентлагийн зарим төлөөлөл оролцсон байна.

Чехийн Засгийн газрын Хөгжлийн хамтын ажиллагааны хүрээнд хэрэгжүүлж буй “Монголд Тахь эргэн нутагшуулах, хамгаалах” төсөл болон төслийн хэрэгжилтийг олон нийтэд танилцуулах, сурталчлах зорилгоор энэхүү баримтат киноны зураг авалт хийсэн талаар Прага хотын амьтны хүрээлэнгийн захирал ноён М.Бобек товч мэдээлэл хийлээ.

Нээлтийн ажиллагаанд ЭСЯ-ыг төлөөлөн оролцсон худалдаа, эдийн засгийн асуудал эрхэлсэн ажилтан Д.Өнөбилэгт ховордож үгүй болоод байсан тахийг Монголын уугуул нутагт нь хүргэж, эргэж нутагшуулахад олон жил их хөрөнгө мөнгө, хүч чармайлт гаргаж буй тус амьтны хүрээлэнгийн нийт ажилтнууд, ачиж тээвэрлэж алс холын Ази тивд хүргэж өгсөн Чехийн цэрэг, иргэний бусад байгууллагуудад болон Чехийн олон нийтэд элчин сайд Д.Зүмбэрэллхам болон ЭСЯ-ны нийт хамт олны нэрийн өмнөөс гүн талархал илэрхийлжээ.

Түүнчлэн БНЧУ-ын Засгийн газраас манай улсад олон жилийн туршид үзүүлж ирсэн хөгжлийн тусламжийн дотроос байгаль орчинд ээлтэй, чех, монголын олон нийтийн талархлыг хүлээсэн хамгийн үр өгөөжтэй, оновчтой төсөл хэмээн олон улсад хүлээн зөвшөөрөгдсөнийг цохон тэмдэглэсэн байна.

Тус улсын засгийн газрын Хөгжлийн хамтын ажиллагааны хүрээнд Прага хотын Амьтны хүрээлэнгийн санаачилгаар хэрэгжиж буй “Монголд Тахь эргэн нутагшуулах, хамгаалах” төслийн хүрээнд Монгол Улсын Хомын тал болон Тахийн талд нийт 15 тахийг унаган байгальд нь тавиад байна.

Улсын драмын эрдмийн театрын уран бүтээлчид өнөөдөр энгэрээ мялаалаа. Театрын ахмад уран бүтээлч Б.Мушгиа Урлагийн гавьяат зүтгэлтэн цолоор, Ерөнхий зураач Т.Ганхүү Алтан гадас одонгоор энгэрээ мялааж, театр урлагийг эрхэмлэн дээдлэгч оюунлаг үзэгчид, аав, ээж, ах, дүү хамт олноо баярлуулсан юм.

Драмын театрын ахмад уран бүтээлч Б.Мушгиа нь 1927 онд Хэнтий аймгийн Норовлин суманд төрсөн. 1957-1961 онд Монгол улсын их сургуулийн найруулагчийн ангийг А.Д.Никитины удирдлаганд суралцаж төгссөн Монголын анхны дээд боловсролтой найруулагчдын нэг юм.

Тэрээр 1944-1948 онд УХЗТ-д жүжигчин, 1961-1988 онд Сүхбаатар, Дундговь, Булган аймгуудын соёлын ордон, Хүүхэлдэйн театрт дарга, найруулагч хийжээ. 1982 онд Соёлын тэргүүний ажилтан цол тэмдгээр шагнагдсан.

Түүний найруулсан жүжгүүдээс дурдвал, Яндангийн дуу-1963, Тээлийн хөндийд-1964, Интоорын цэцэрлэг-1964, Алтан загасны үлгэр-1964, Жирийн хүмүүс-1965 зэрэг уран бүтээлүүдийг тайзнаа найруулж үзэгч түмэндээ өргөн барьсан авъяаслаг ахмад уран бүтээлч юм.

Театрын ерөнхий зураач Соёлын тэргүүний ажилтан Т.Ганхуяг нь 1998 онд анх театрын босгыг алхсан цагаас өнөөдрийг хүртэл тасралтгүй 16 жил ажиллаж, театрын алтан тайзнаа Б.Лхагвасүрэнгийн “Тамгагүй төр”, У.Шекспирийн “Гамлет”, Б.Цогнэмэхийн “Тэнгэрийн хүү”, В.Хюго “Парисийн дарь эхийн сүм”, Р.Кунигийн “Эцсийн зогсоол зөвхөн чи”, Г.Пинтерийн “Өчигдөр”, С.Жаргалсайханы “Хэлж зүрхлээгүй хайр” /Нууц амраг чинь болъё/ зэрэг хорь гаруй жүжгийн ерөнхий зураачаар ажилласан авьяаслаг уран бүтээлч юм.

Монголын Ноос, Ноолуурын Холбооноос “KNITWEAR Fashion SHOW-2014” загварын шоуг амжилттай зохион байгууллаа. Уг шоугДэлхийн худалдааны байгууллагын дэргэдэх Олон улсын худалдааны байгууллагаас Монголын ноолуурын салбарт хэрэгжүүлж буй “Бизнес эрхлэгч эмэгтэйчүүдийн бизнесийн үйл ажиллагааг дэмжих, чадавхижуулах, гадаад зах зээлд гарахад дэм үзүүлэх” төслийн хүрээнд зохион байгуулсан бөгөөд шилдэг дизайнеруудын шилдэг бүтээлийг шалгаруулах, тэдний бүтээлийг нийтэд сурталчлах, үйлдвэрлэгч болон дизайны сургуулиудын хамтын ажиллагааг өргөжүүлэх, шинэ залуу дизайнеруудын авьяас, хүсэл мөрөөдлийг дэмжих зорилготой ажээ.

Загварын шоунд ноолуур боловсруулах салбарын үйлдвэр, компаниудаас шалгарсан 21 загвар зохион бүтээгч, мэргэжлийн чиглэлийн их, дээд сургуулиас шалгарсан долоон оюутан өөрсдийн урласан бүтээлээрээ өрсөлдсөнөөс”Гоёо” компанийн дизайнер Л.Амаржаргал тэргүүн байрт шалгарч дэлхийн дизайны чиглэлийн шилдэг сургуулиудын нэг Лондонгийн Хувцас Дизайны сургуульд дадлага хийх эрхээр шагнагдсан байна. Удаахь байрт “Говь” ХХК-ийн дизайнер Ч.Чулуунцэцэг, “Буян” ХХК-ийн дизайнер Ч. Алтанцэцэг нар шалгарсан бол оюутнуудаас Сити дээд сургуулийн оюутан С.Цэцэгдарь, ШУТИС-ийн ҮТДС-ийн оюутан Т.Саруул, Б.Одмаа нар эхний гурван байр эзэлжээ.

Мөн Швейцарын хөгжлийн агентлагийн тусгай байрын шагналаар Аяс Кашмир ХХК-ийн дизайнер М.Оюунбилэгийн “Сарлагийн хөөврөн бүтээгдэхүүн”шалгарч өргөмжлөл, мөнгөн шагналаар шагнуулав.

Дашрамд дурдахад Монголын Ноос, Ноолуурын Холбооны хамт олон гадаад харилцаагаа өргөжүүлэн АНУ-ын Лас Вегас, Японы Токиогийн “International fashion fair”, Хонконгийн “Cashmere World”, Францын зэрэг гадаадын олон үзэсгэлэн худалдаанд үйлдвэрүүдээ амжилттай оролцуулж, энэ оны есдүгээр сард Нью-Йорк болон Миланы загварын шоунд Монголын ноолууран бүтээгдэхүүнийг амжилттай сурталчилсны үр дүнд нийт бүтээгдэхүүнийхээ борлуулалт, экспортыг 20 гаруй хувиар өсгөсөн амжилтаар шинэ оноо угтаж байгаа аж. Мөн үндэсний брэндээ олон улсад амжилттай таниулж чадсан Этиофийн туршлагаас судалж, Африкийн гар аргаар хийдэг даавуун бүтээгдэхүүнийг Монголын цэвэр ноолууртай хослуулсан шинэ бүтээгдэхүүн, түүнчлэн Тайландын силктэй хольсон бүтээгдэхүүн гаргахаар хамтран ажиллаж байгаа юм байна.

Э.БОЛД