Уран зургийн галлерейд маргааш “Монголын сайхан бичигтэн” улсын уралдааны тэргүүн байруудад шалгарсан оролцогчдод Ерөнхий сайд шагнал гардуулахаар болжээ. Уралдаан 1-11-р анги, төгсөх анги, насанд хүрэгчид, мэргэжлийн багш нар, уран бичлэг гэсэн таван ангилалаар болсон байна. Дээрх ангилалд шалгарсан эхний гурван байрт шагнал гардуулах юм байна.
Төгсөх ангийн сурагчдын эхний гурван байрт шалгарсан сурагчдад улсын их дээд сургуульд дөрвөн жил үнэ төлбөргүй суралцах эрх олгоно. Харин насанд хүрэгчдэд гадаадад аялах эрх өгөх юм.
“Муу хүн чөлөөнөөр, чоно борооноор” гэгчээр бүжгэн жүжиг, дуурь, кино, драмын жүжиг зэрэг төрлөөр дэлхийн үзэгчдийн мэлмийг баясгасан Мигель Де Сервантасын “Дон Кихот” бүжгэн жүжгийг УДБЭТ-ын уран бүтээлчид тайзнаа амралтын өдрүүдэд толилуулахаар болжээ. 
Монголын зохиолчдын эвлэлийн 86 жилийн ойн хүрээнд Монголын зохиолчдын эвлэлээс зохион байгуулж буй оны шилдэг бүтээл шалгаруулах “Алтан өд 2014” наадам өчигдөр(01.09) Улсын филармонийн их танхимд боллоо. Тус наадмын яруу найраг, хүүхдийн зохиол, утга зохиолын орчуулга, хүүрнэл зохиолын богино хэмжээний бүтээл, хүүрнэл зохиолын томоохон хэмжээний бүтээл, жүжиг, кино зохиол, баримтад уран зохиол, судлал, шүүмж гэх найман төрөлд 70 гаруй бүтээл ирүүлсэнээс дараах байдлаар шалгаруулжээ.
Өнгөрсөн намар Улсын драмын эрдмийн театраас хоёр ч сайхан бүсгүй гарсан нь олныг багагүй шуугиулсан. Тэдний нэг болох жүжигчин Т.Хулан кино урлагт хүч сорингоо эрүүл мэнддээ анхаарч байгаа.
Манай уран бүтээлчид Буриадын Улаан-Үүд хотноо жил бүр болдог “Байкальский рождество” хөгжмийн наадамд оролцож байна. Үнэн алдартнуудын зул сарын баяр нэгдүгээр сарын 6-нд болдог бөгөөд тус наадмыг энэхүү баярын өдөрт зориулан зохион байгуулдаг юм байна. ДБЭТ-ын найрал дуучид өчигдрийн тоглолтод оролцож П.И.Чайковскийн уран бүтээлээс толилуулсан байна. “Консонас”, “Ю Пера” хамтлагийнхан бямба гарагт тоглолтоо зохион байгуулах ажээ.
Монголын зохиолчдын эвлэлийн оны шилдэг бүтээл шалгаруулах “Алтан өд” наадмын шагнал гардуулах ёслол нэгдүгээр сарын 9-нд Улсын филармонийн их танхимд болох гэж байна. Оны шилдэг бүтээл шалгаруулах наадмын хүрээнд нэгдүгээр сарын 9-ний 15.00 цагаас зохиолч, яруу найрагчдын ном, бүтээлийн үзэсгэлэн гаргаж, гарын үсэгтэй номын худалдаа солилцоо явуулах бол “Алтан өд 2014” хүндэтгэлийн арга хэмжээ 17.00 цагт эхлэх юм байна.
МУЭ-ийн нэрэмжит шагналт, Соёлын Гавьяат зүтгэлтэн, Дүрслэх урлагийн дээд сургуулийн монументаль уран зургийн багш, зураач Ц.Нарангэрэлийн “Намрын хонгор салхи” бие даасан уран бүтээлийн үзэсгэлэн нээлтээ хийнэ.
US Weekly сэтгүүл шинэ дугаартаа ингэж бичсэн байх юм. Холливудын супер одууд 2013 оны сүүл үеэс эхлэн сэм, сэм уулзаж болзож байгаад өнгөрөгч оны дунд үеэс эхлэн олон нийтийн өмнө хамтдаа байж харагдах болсон нь үнэн. Дуучин Мадоннагаас эхлүүлээд олон ч бүсгүйчүүдийн зүрхийг шархлуулж явсан 54-н настай Шон Пэнн энэ удаа Өмнөд Африкийн ганц од үзэсгэлэнт Шарлиз Теронтой хэр удаан ханилан амьдрахаар шийдсэн юм бол. Өдгөө 39 нас хүрч байгаа Шарлиз 2014 оны 11-р сард Парист байхдаа Шоноос сүй тавьсан саналыг авсан хэмээн дээрх сэтгүүлд бичжээ. 
Рок, попынхон өнөөдөр шинэ жилээ тэмдэглэх гэж байна. Арванхоёрдугаар сарын туршбайгууллагуудын шинэ жилийг дуугаараа баясгадаг урлагийнхан нэгдүгээр сарын 2-ндбаяраа тэмдэглэдэг нь уламжлал болсон билээ. Тэд шинэ жилээ хэвлэлийнхний хараанд өртөхгүйгээр”нууцаар” тэмдэглэхээр төлөвлөжээ. 
“Бостон балет” компанийн бүжигчин, гавьяат жүжигчин Дугараагийн Алтанхуяг “Цөмөөхэй” балетыгшинэчлэн найруулж, ДБЭТ-ийн тайзнаа тавьсан. Тэрээр “Цөмөөхэй” балетын талаар “Америкийн “Бостон балет”-аас хувцас, тайзны чимэглэл зэргийг авчирлаа. 40 тоннын таван чингэлэг ачаа ирсэн. Японоос 12 балетчин урьж “Цөмөөхэй”-д бүжиглүүллээ. Мөн Дуурийн театрын бүжигчид, хөгжимчид, тайз гэрэлтүүлэг, зохион байгуулалт хариуцсан ажилчид гээд 400 гаруй хүний бүрэлдэхүүнтэй баг “Цөмөөхэй”-д ажиллалаа. Бид цаашид өрсөлдөөн дунд явах ёстой. “Цөмөөхэй”-г шинэчлэн найруулах зохион байгуулалтын бүхий л ажлыг “Монголын балетын хөгжил сан” хариуцсан. Ашиг олно гэж анхнаасаа тооцоолоогүй. Учир нь “Цөмөөхэй”-н хувцас, тайз заслын хэрэглэлийг 150 мянган доллараар худалдаж авсан. Үүнийгээ Монгол руу ачуулахад 40 мянган доллар, энд ирээд гаальд 41 сая төгрөг төлж авч байна. Ийм их хэмжээний зардал гарч байхад хэдхэн тоглолтоор зардлаа нөхөх боломжгүй. Билетийн орлого тоглолтын зохион байгуулалтын зардлыг нөхөж чадахгүй ч нэмэр болсон” хэмээн ярьжээ.