Category: соёл-урлаг

Монголын кино урлагийн шилдгүүдийг шалгаруулдаг “Mongolian Academy Awards” ирэх сарын 7-нд “Шангрилла” зочид буудалд зохион байгуулагдана. Монголын үндэсний кино урлагийн академиас Монгол Улсад кино урлагийг хөгжүүлэх, монгол киног дэлхийн түвшинд хүргэх, кино урлагийн салбарт ажиллаж буй залуу уран бүтээлчдийг дэмжих, киногоор дамжуулан үндэсний онцлог соёл, түүхийг олон нийтэд таниулах зорилгоор “Академийн дээд шагнал” гардуулах ёслолыг тав дахь жилдээ зохион байгуулж байгаа юм. Энэ жил кино урлагийн 80 жилийн ой тохиож буй учраас наадмыг агуулга, зохион байгуулалтын хувьд сонгодог талаас нь хийх зорилготой ажиллаж байгаа гэнэ

Дөрвөн жил тутам нэг удаа зохион байгуулагддаг “Байкаль” олон улсын дуурийн дуулаачдийн тэмцээн энэ сарын 25-28-ны өдрүүдэд Улан-Үдэ хотноо амжилттай зохион байгуулагдлаа. Тэмцээний тэргүүн байруудад Монголын дуучид шалгарчээ.

Тодруулбал, МУГЖ Г.Ариунбаатар тэргүүн байр, УДБЭТ-ын гоцлол дуучин О.Хүрэлбаатар хоёр, УДБЭТ-ын гоцлол дуучин Д.Батжаргал гуравдугаар байрт орсон байна. Эмэгтэйчүүдээс УДБЭТ-ын дуучин С.Батчимэг гуравдугаар байрт шалгарсан байна.

ҮДБЭЧ-ын нүүр царай болсон гавьяат жүжигчин С.Эрдэнэцэцэг, У.Далантай нар ирэх зургаадугаар сарын 5-7-ний хооронд Солонгост амьдарч байгаа монголчуудад тоглохоор болжээ.

Тэд өнгөрөгч дөрөвдүгээр сарын 15-нд “Монгол бөхийн өргөө”-нд тоглолтоо хийсэн юм. Тус тоглолтод МУГЖ С.Вандан, Д.Дуламсүрэн, МУГЖ С.Жавхлан, дуучин Г.Эрдэнэчимэг, МУСТА Д.Хишигбаяр, Р.Дэлгэрмаа, дуучин Д.Болд, Э.Чулуунчимэг гэсэн нийтийн дууны төлөөлөл болсон гэр бүлийн хос дуучид оролцож үе, үеийн хит болсон уран бүтээлээсээ толилуулсан билээ.

Монголын театрын урлагийн шилдэгүүдийг тодруулах “Гэгээн муза-2015” наадмын шагнал гардуулах ёслолын ажиллагаа өчигдөр боллоо. 2014 оны 11 сард хуралдсан Юнескогын дэргэдэх олон улсын Театрын Институтын 34-р хурлаар үйл ажиллагааны хувьд олон улсын наадам хэмээн баталгаажуулж, олон улсын наадмын драмын хороонд бүртгэгдсэн нь 12 дахь жилдээ зохиогдсон тус наадмын онцлог байв.

Тус наадамд хот, хөдөө орон нутаг, олон улсаас гээд нийт 47 бүтээлийг ирүүлээд байгаа бөгөөд тус бүтээлүүдийг хүүхдийн жүжиг, ганц хүний, драмын жүжиг, дуулалт жүжиг гэж дөрөв ангилалд өрсөлдлөө. Шүүгчдээр УДЭТ-ын дэд захирал Төрийн соёрхолт, Ардын жүжигчин Н.Сувд, Гэгээн Муза академийн ерөнхийлөгч, Ардын жүжигчин Сарантуяа, УДЭТ-ын найруулагч УГЗ Найдандорж, УГЗ, найруулагч Ганхуяг, Төрийн соёрхолт, хөгжмийн зохиолч Соронзонболд, СТА, зураач Ариунболд, Урлаг судлаач, Профессор Мягмарсүрэн, урлаг судлалын ухааны доктор дэд Профессор Батсайхан, Театр судлаач Нямсүрэн нар ажилласан юм.

Мөн “Гэгээн муза” наадмын шүүгчээр “Би Эдип Пиаф байна” жүжгийн зохиолч Нина Мазур оролцохоос гадна Герман, Орос, Косово улсаас шүүгчид ажиллах юм байна. Мөн Швейцарь, БНХАУ, Уганда, Эстони, Косово, БНСУ-аас ирсэн уран бүтээлчид оролцлоо.

Хөгжимт жүжгийн төрөлд

Шилдэг зохиолчоор МЗЭ-н шагналт зохиолч Сүхдорж Ховд аймгийн ХДТ-н бүтээл Галдан бошигт хаан жүжгээр

Шилдэг найруулагч Саян Жамбалов ОХ-ны Буриад улсын Хоц.Намсраевын нэрэмжит Драмын театрын бүтээл Өнгөрсөн цагийн салхи жүжгээр

Шилдэг хөгжмийн зохиолч Төрийн соёрхолт Мөнхболд Ховд аймгийн ХДТ-н бүтээл Галдан бошигт хаан жүжгээр

Шилдэг тайзны зураач ӨМӨЗО-ны Хаан титэм соёл компаний бүтээл Хар торгон хамжаар жүжгээр

Шилдэг эрэгтэй гол дүр Ёндонов Буяартов ОХ-ны Буриад улсын Хоц.Намсраевын нэрэмжит Драмын театрын бүтээл Өнгөрсөн цагийн салхи жүжгээр

Шилдэг эмэгтэй гол дүр СТА Баясгалан УДЭТ-н бүтээл Чөлөөт хос жүжгээр

Хүүхдийн жүжгийн төрөлд

Шилдэг тайзны зураач Орхон аймгийн ХДТ-н бүтээл Сарыг нуусан саваагүй бэлтрэг

Шилдэг найруулагч УХТ-н бүтээл Арван хоёр сар жүжгээр

Шилдэг эрэгтэй гол дүр М.Мөнхбаатар Шилдэг өнгө продакшны бүтээл Алладины шидэт дэнлүү жүжгийн Алладины дүрээр

Шилдэг эрэгтэй туслах дүр Жан Сэ Хён Солонгос улсын Мөрөөдлийн байшин театрын бүтээл Дараа жүжгээр

Шилдэг эмэгтэй гол дүр Мөнхсайхан Орхон аймгийн ХДТ-н бүтээл Сарыг нуусан саваагүй бэлтрэг

Шилдэг эмэгтэй туслах дүр Ганчимэг УХТ-н бүтээл Арван хоёр сар жүжгээр

Хүүхэд оролцоотой бүтээл Баянхонгор аймгийн Тэмүүжин театрын Сүүлчийн хичээл жүжиг

Нэг хүний жүжгийн төрөл

Шилдэг найруулагч Коссова улсын найруулагч Нура Элмазе Амок жүжгээр

Шилдэг тайзны зураач Боролдой Black box театрын бүтээл Хүний дуу хоолой, Ялаа жүжгүүдээр

Шилдэг эрэгтэй жүжигчин ОХУ-н жүжигчин Николай Горохов Гараа надад өгөөч жүжгээр

Шилдэг эмэгтэй жүжигчин Оюунзул Black box театрын бүтээл Хүний дуу хоолой жүжгээр

БСШУЯ-ны нэрэмжит Шилдэг залуу уран бүтээлч шагнал Э.Тодгэрэл УДЭТ-ын жүжигчин

Шүүгчидийн нэрэмжит шагнал Зураач Энхтуяа Ховд аймгийн ХДТ-н бүтээл Галдан бошигт хаан жүжгээр

Ховд аймгийн ХДТ-н бүтээл Галдан бошигт хаан жүжиг Гран при шагнал тус тус хүртлээ.

Улсын драмын эрдмийн театр 6-р сарын хөтөлбөрөө танилцуулж байна
Эх үрсийн баярт зориулан “Онц сурлагатнууд орохыг хориглоно” хүүхдийн драмын жүжгийг 06 сарын 01-нд 10:00, 12:00 цагт тоглох бол “Бүүвэй” уянгын драмын жүжгийг 06 сарын 01-нд 20:00 цагт тоглохоор бэлэн болжээ.

Байгууллага анги хамт олноороо үзвэл 50%-ын хөнгөлөлттэй ба хүүхэд багачууддаа барих хамгийн том бэлэг.

Дэлгэрэнгүй мэдээллийг: 70128999, 99099262

Найрсаг Улаанбаатар хөтөлбөрийн хүрээнд энэ жилийн “Гэгээн муза” наадам 5 сарын 17-23 -ны өдрүүдэд зохион байгуулагдаж байгаа юм. Улаан хивсний ёслолын ажиллагаа маргааш 15:00 цагт болох бол 16:00 цагт Академийн шагнал гардуулах ажиллагаа болох ажээ.

Наадмын ерөнхий зохион байгуулагчаар “Гэгээн муза” академи ажиллаж байгаа бол хамтран зохион байгуулагчаар Нийслэлийн Засаг Даргын Тамгын Газар, Боловсрол Соёл Шинжлэх Ухааны Яам, Улсын Драмын Эрдмийн Театр, дэмжигч байгууллагаар Засгийн газрын хэрэгжүүлэгч агентлаг, Хүүхдийн Төлөө Үндэсний Газар, Улсын Хүүхэлдэйн Театр, Монголын Урлагийн Залуучуудын Холбоо зэрэг байгууллагууд ажиллаж байгаа ажээ.

Энэ жилийн “Гэгээн муза” наадмын онцлог нь:

1. “Гэгээн Муза” академийн удирдлагууд Армен улсад зохион байгуулсан Олон Улсын Театрын Институтын /ОУТИ/ 34 дэх их хуралд оролцож наадмын үйл ажиллагааг танилцуулан, “Гэгээн Муза” наадмыг олон улсын наадам болсныг баталгаажуулан бүртгүүлсэн.

2. “Гэгээн Муза-12” дахь наадам “Хөгжимт жүжгийн төрөл”, “Хүүхдийн жүжгийн төрөл”, “Нэг хүний жүжгийн төрөл”, “Хүүхэд оролцооны бүтээл”-ийн төрлүүдээр зохион байгуулагдана.

3. “Гэгээн Муза-12” дахь наадамд Монгол, Орос, Герман, Швейцарь, Солонгос, Коссова, Эстон, ОХ-ны Буриад улс, БНХАУ-ын ӨМӨЗО-ны уран бүтээлчид, зочид төлөөлөгчид оролцоно.

Мөн “Гэгээн Муза” 12 наадмын хүрээнд тоглогдох жүжгийн хуваарийг танилцуулж байна

Тасалбарын захиалга явагдаж байгаа бөгөөд 322132, 88087088 утсаар захиалж болох юм байна.
Нэг хүний жүжиг /Косово/ 3000 төгрөг,
Нэг хүний жүжиг /ОХУ/ 3000 төгрөг,
Нэг хүний жүжиг /Эстони/ 3000 төгрөг,
Нэг хүний жүжиг /Швейцарь/ 3000 төгрөг,
Хүүхдийн жүжиг /Солонгос/ 5000 төгрөг,
Дуулалт жүжиг /Буриад/ 5000 төгрөг,
Дуулалт жүжиг /Өвөр Монгол/ 5000 төгрөг.
Нэг хүний жүжиг /Косово/ 3000 төгрөг,
Нэг хүний жүжиг /ОХУ/ 3000 төгрөг,
Нэг хүний жүжиг /Эстони/ 3000 төгрөг,
Нэг хүний жүжиг /Швейцарь/ 3000 төгрөг,
Хүүхдийн жүжиг /Солонгос/ 5000 төгрөг,
Дуулалт жүжиг /Буриад/ 5000 төгрөг,
Дуулалт жүжиг /Өвөр Монгол/ 5000 төгрөг

Төрийн шагналт Ц.Намсрайжав агсны хүү, удирдаач Н.Бүтэнбаярын “Өнө мөнхийн эгшиглэн тоглолт” зургадугаар сарын 15-нд ДБЭТ-т болох гэж байна.

Энэхүү тоглолтоо Урлагийн Гавьяат зүтгэлтэн Улсын Филармонийн уран сайхны удирдагч, ерөнхий удирдаач Н.Бүтэнбаяр нь 1972 онд ЗХУ-ын Ленинград хотын Н.Римский- Корсаковын нэрэмжит Хөгжмийн дунд сургуульд эрдүү хийлч мэргэжлээр суралцан төгсч, 1985 онд Ленинград хотын Н.Римский- Корсаковын нэрэмжит Хөгжмийн дунд сургуулийн симфони найрал хөгжимчдийн ангид суралцаж, 1990 онд төгсч ирээд Улсын Филармонийн уран сайхны удирдагч, ерөнхий удирдаачаар өнөөг хүртэл ажиллаж байгаа юм.

Ажиллах хугацаандаа дэлхийн хөгжмийн суут зохиолч И.С.Бах, Ф.Гендель, К.Вебер, И.Гайдн, А.Вивальди, В.Моцарт, Л.Бетховен, Ф.Шубэрт, Ф.Лист, И.Брамс, К.Дебюсси, М.Равель, Р.Вагнер, А.Дворжак мөн оросын хөгжмийн зохиолч М.Глинка, М.Мусоргский, П.Чайковский, Н.Римский-Корсаков, С.Рахманинов, мөн өөрийн орны хөгжмийн зохиолч Л.Мөрдорж, Б.Дамдинсүрэн, С.Гончигсумлаа, Ц.Намсрайжав, Ж.Чулуун, Э.Чойдог, З.Хангал, Б.Шарав, Ц.Нацагдорж, Х.Билэгжаргал, Н.Жанцанноров, Г.Алтанхуяг нарын бүтээлүүдийг удирдан тоглуулжээ.

Харин энэ онд суут хөгжмийн зохиолч Л.В.Бетховены IX симфонийг Улсын дуурь бүжгийн эрдмийн театрын тайзнаа эгшиглүүлсэн юм. Түүний уран бүтээлийн бие даасан “Өнө мөнхийн эгшиглэн” тоглолтод дэлхийн болон Монголын сонгодог дан хөгжмийн бүтээл тоглогдох гэнэ.

Маргааш “Bid4 Back to the 90’s” тоглолтоор залууст бэлэг барих гэж байгаа “Бид4” хамтлагийнхантай ярилцлаа.

-Ковер тоглолт гэдгийг анхны бие даасан тоглолт гэж андуурч байгаа хүмүүс байгаа байх?

-Энэ бол “Бид4” хамтлагийн зохион байгуулж байгаа ковер тоглолт. Анхны бие даасан тоглолт биш шүү дээ. 1990-ээд оны шилдэг, хит дуунуудаас бүрдсэн тоглолтоо бид энэ сарын 23-нд буюу ирэх бямба гаригт тоглох гэж байна.

-Залуусыг яагаад заавал 1990-ээд оноор буцаан аялуулъя гэж шийдэв?

-Бидний үеийн залуус чинь 1990-ээд оны хүүхдүүд шүү дээ. Хүүхэд байхдаа сонсдог, дагаж дуулдаг байсан дуунуудаа эргэн сэргээхийг хүслээ. Тэр дуунуудад дуртай байсан залуусын дурсамжийг нь сэргээхийг хүссэн юм. “Backstreet boys”, “East 17”, “Boyzone”, “Take that”, “Boyz II men”, “All4one” гээд тэр үещийн шилдэг хамтлагуудын хит дуунуудыг тоглолтдоо багтааж байгаа. Эдгээр хамтлагуудын дуунд дуртай, тэр үеийн дуунуудыг сонсох хүсэлтэй олон хүмүүсээс санал ирсэн учраас энэ тоглолтоо хийж байгаа юм.

-Тэгвэл яг хамтлагийнхаа анхны бие даасан тоглолтыг хэзээ тоглохоор төлөвлөж байна?

-Ирэх намраас байх болов уу. Төлөвлөөд л явж байна.

-Үзэгчдийг олон олон гэнэтийн бэлэг хүлээж байгаа гэсэн. Зах зухаас нь задлаач?

-Дан залуус хамтран энэ тоглолтыг зохион байгуулж байна л даа. Тоглолтонд “Камертон” хамтлагийн ах нар маань оролцоно. Мөн “Soul beat crew” оролцоно. Маш гоё дуунууд дуулна. Мөн тоглолт 100 хувьд амьд тоглогдоно шүү дээ. Хөгжмийг “Fix” хамтлагийнхан тоглож байгаа. Маш мундаг хамтлаг шүү дээ.

-Тоглолт болоход хэдхэн хоног үлдээд байна шүү дээ. Бэлтгэл хэдэн хувьтай явагдаж байна?

-Тун сайн байгаа. Тоглолтонд дуулагдах дуунууд бэлэн болчихсон. Биднийг дэмжиж, хамтран ажиллаж байгаа олон сайхан хүмүүс байна. “Камертон” хамтлагийн ах нар, “Боловсрол суваг” телевизийн хамт олон, “Эмоци” продакшныхан, “ТВ коктейль” хамтлагийнхан гээд биднийг дэмжиж байгаа олон сайхан хүмүүс байгааг хэлмээр байна.

-Тоглолтын үеэр 1990-ээд оныг санагдуулам орчныг бүрдүүлнэ гэж байсан. Энэ ямар учиртай юм бэ?

-Олон сонирхолтой зүйлсийг хийх гэж хичээж байна. “АПУ” компанитай хамтран ажиллаж байгаа. Биднийг хүүхэд байхдаа идэх дуртай байсан печень, чихэр, уух дуртай байсан ундааг яг тэр үеийн амттайгаар нь энэ үдэшт зориулан хийлгэж байгаа. Мөн яг тэр үеийнх нь үнээр худалдаална. Энэ мэтчилэн олон сайхан дурсамж сэргээсэн зүйлсийг бэлтгэж байна. Үзэгчид маннь ч яг л тэр үеийн стилиэр хувцаслаж ирвэл гоё шүү дээ. “Бид4” ч мөн тиймэрхүү маягаар хувцаслана. Үзэгчдээ ч тоглолтын нэг хэсэг болоосой гэж хүсч байна.

-Одоо “Бид4” хамтлагийн шинэ уран бүтээлийн сониноос сонсъё. Дараагийн цомгоо хэзээ гаргах вэ?

-Ирэх зургаадугаар сарын босгон дээр шинэ дуугаа хүргэнэ. Энэ зуныг маш завгүй ажиллаж өнгөрөөх төлөвлөгөөтэй байна. Бид шинээр нэг биш хоёр цомог гаргахаар ажиллаж байгаа. Энэ хоёр шинэ цомог ирэх аравдугаар сард бэлэн болно. Хагжимгүй, a-capella дуунуудаас бүрдсэн нэг цомог, нөгөө нь цэвэр R&B цомог байх болно.

“Хаврын гоёл 2015” наадам өнөөдөр МҮЭСТОрдонд болно. Тус наадамд дизайны чиглэлээр үйл ажиллагаа явуулж буй бүх их, дээд сургуулийн оюутнууд өөрсдийн ураа шингээсэн бүтээлүүдээр өрсөлдөж шилдгүүдээ тодруулдаг юм.

Тус наадам нь энэ сарын 18-21-ны хооронд үргэлжлэх бөгөөд наадамд оролцогч сургууль тус бүр зохион байгуулагчдаас гаргасан хуваарийн дагуу оролцогч оюутнуудынхаа бүтээлүүдээр үзэсгэлэн гаргаж, хувцас загварын шоугаа танилцуулсан.

Тэгвэл өнөөдөр “Дизайн” урлагийг хөгжүүлэхэд түлхэц болох үүднээс энэ чиглэлээр сургалт явуулдаг сургуулиуд болон оюутнуудын дунд зохиогддог энэхүү наадмын “Гала” тоглолт МҮЭСТ-нд 15:00 цагт болох юм.

МУГЖ Д.Алтанхуягийн удирдлагаар нийслэлийн Засаг даргын Тамгын газрын дэмжлэгтэйгээр “Welcome to Mongolia-2015” олон улсын балетын наадам 2015 оны 6 дугаар сарын 18, 19-ны өдрүүдэд Монгол Улсад болох гэж байна. Зохион байгуулсан тоглолт бүрээрээ балетын урлагийн хөгжлийг урагш ахиулахыг эрмэлздэг МУГЖ Д.Алтанхуяг энэ удаа АНУ, Куба, Испани, Япон, Казакстан, Тайвань, Гүрж, Оросын өнөө үед бүжиглэж байгаа шилдэг балетчидын хамт оролцох юм. Монгол Улсаа олон улсад сонгодог урлагаар дамжуулан сурталчлах зорилго бүхий “Welcome Mongolia–2015” наадмын бэлтгэл эхэлсэн бөгөөд Д.Алтанхуягийн продюсерээр ажиллаж буй энэхүү наадмын бүрэлдэхүүн Монгол Улсад тоглосныхоо дараа Япон Улсад тоглоно. “Welcome to Mongolia 2015” наадамд Дэлхийн шилдэг бүжигчидтэй ажиллаж, бүжиг дэглэх авъяасаараа номер нэгт тооцогдох балетчин, бүжиг дэглээч Фан И МУГЖ Д.Алтанхуягт зориулж тавьсан бүжгээ хамтран бүжиглэхээс гадна олон улсад танигдсан шилдэг бүжигчид сонгодог бүжгийн оргил бүтээлүүд болох “Хунт Нуур”, “Ромео Жульет” “Камэллиа Хатагтай”, “Корсар”, “Мөленруж”, “Травиата” зэрэг бүжгэн жүжгийн оргил хэсгүүдээс Монголын үзэгчдэд толилуулах юм байна гэж Монголын балтын хөгжлийн сангаас мэдээллээ.