“Монголын балетын хөгжил сан” 2011 онд Монгол улсад анх удаа олон улсын
балетын наадам “Night of ballet-2011”-ийг зохион байгуулсан. Энэхүү
наадмын гала тоглолт “Хунт нуур” бүжгэн жүжгийн хар хунгийн дүрээрээ
Монголын үзэгчдийг байлдан дагуулж, сэтгэлд хоногшсон залуу бүжигчин
Уитни Женсен энэ 6 дугаар сарын 18-19-нд болох “Welcome to Mongolia”
тоглолтонд урилгаар оролцох гэж байна. Уитни Женсен АНУ-ын Бостон балет
компанийн гоцлол бүжигчин, АНУ-ын иргэн бөгөөд Солт Лэйк хотоос балетын
хичээлээ эхэлж, Нью- Йорк хотын Валентина Козловагийн бүжгийн
Консерваторид Козловатай хамтран хичээллэж, балетын урлагт хөл тавьжээ.
Тэрээр Бостон балет компанид 2009 онд бүжигчнээр, 2010 оноос гоцлол
бүжигчнээр ажиллаж байгаа ба Залуу америкчуудын Гран При тэмцээнд мөнгөн
медаль, “Америкийн итгэл найдвар” тэмцээний тусгай байр, АНУ-ын балетын
тэмцээн, Нью Жерсигийн Залуучуудын бүжгийн наадам, Дэлхийн балетын
тэмцээн зэрэг томоохон тэмцээнүүдээс 7 алт, 1 мөнгөн медаль,Нью Йорк
Таймс сонины “Шилдэг” өргөмжлөл, 2008 онд Варнагийн Олон Улсын балетын
23–р тэмцээний бүх дээд шагналууд, Варнагийн тэмцээний 44 жилийн түүхэнд
дөрөвхөн удаа олгогдож байсан “Хамгийн шилдэг бүжигчин”- ий медаль,
диплом, олон улсын балетын шагналуудыг тус тус хүртсэн бөгөөд түүнийг
чадварлаг үнэлж, олон арван сонгодог бүжиг, тоглолтуудад урьж
оролцуулсаар байнга. Тухайлбал, П.И.Чайковский “Хунт нуур”, “Нойрссон
гүнж” балет”, С.Прокофьев “Ромео Джульетта”, «Щелкунчик» бүжгэн жүжгийн
гол дүр, Варна хотын Олон улсын балетын 22-р тэмцээний Гала тоглолт,
Хятадын үндэсний баяр болон Нью-Йорк хотын театрт “Амтат чавга” жүжгийн
Па де де,Нью-Йорк хотын төв театрт тавьсан “Фараоны охин”-ы дүр, Балтын
орнуудын Олон улсын балетын наадмын Гала тоглолт, Дэлхийн балетын
одуудын наадамд хүндэт зочноор уригдан оролцсонг нэрлэж болно.
Уитни Женсенг өмнө нь Монголд тоглоход урд хөршөөс түүний тоглолтыг
үзэхээр фенүүд нь хүрэлцэн ирж байсан удаатай. Энэ удаагийн тоглолтыг нь
хаа холын АНУ-д биш ойр тоглогдож байгаа учир Япон, БНХАУ-аас үзэгчид
зорьж ирэх сурагтай. Уитни ч Монголд ирэхдээ дуртай байгаа бөгөөд Монгол
орон, Монголын үзэгчид ихэд таалагдсан тухайгаа ярьж байдаг ажээ.
“Гэрэлт өнгө -3” үзэсгэлэн “Blue mon art” галерейд нээлтээ хийлээ. Дөрөв дэх удаагийн бие даасан уран бүтээлээрээ уран зураг сонирхогчдын мэлмийг мялааж байгаа залуу зураач Л.Оргилболд энэ удаад байгалийн гоо сайхныг илэрхийлсэ бүтээлээ дэлгэжээ.
Зун бүр болдог “PLAYTIME” амьд хөгжмийн наадам зургадугаар сарын 27, 28-нд “Монгол шилтгээн”-д болох юм байна. 14 дэх жилдээ зохион байгуулагдах тус наадмын зорилго нь Улаанбаатар хотын орчин үеийн хөгжмийн соёлыг хөгжүүлэх, залууст амралт чөлөөт цагаа цэвэр агаарт, байгаль орчинд ээлтэй хэлбээр өнгөрүүлэх, дэлхийн болон Монголын шинэ, шилдэг амьд хөгжмийн хамтлаг дуучдыг танилцуулах замаар тэдний хөгжмийн боловсролыг дээшлүүлэхэд оршиж байгаа аж.
Пабло Пикассогийн Алжир бүсгүйчүүд хэмээх уран зураг өнгөрсөн тавдугаар сард Кристигийн дуудлага худалдаагаар 179,4 сая америк доллараар зарагдсан. 140 саяас эхлэн дуудсан үнэ сүүлийн мөчид 179 сая 365 мянган долларт хүрч шинэ цуглуулагчийн эзэмшилд очоод байна. 1954-1963 оны хооронд Пикассо сонгодог үеийн мастеруудын бүтээлийг өөрчлөн шинэчилж нэлээн хэдэн цуврал зураг зурсны нэг нь энэ “Алжир бүсгүйчүүд” юм. Энэ нь Евгений Делакруагийн 1834 онд зурсан “Алжир эмэгтэйчүүд өргөөндөө” хэмээх сонгодог уран зургийг Пикассо фовист зарчмаараа 15 жижиг цуврал болгон зурсан бүтээл юм. Дээрх он жилүүдэд Пикассо Францын зураач Эдуард Манэгийн 1863 онд зурсан “Зүлгэн дээрх үдийн зоог”, Диего Веласкесийн “Ордны шадар эмэгтэйчүүд” гэхчлэн нэлээнхэдэн сонгодог бүтээлийг эвдэж өөрийн манераар зурсны дотор Алжир бүсгүйчүүд”-ийг 1954-1955 онд 15 цуврал болгон зурсан байна. 1940-өөд оноос Пикассо Луврт байнга зочлон, Делакруагийн бүтээл дээр ажиллан анхны хар зургаа гаргах болсон байна. 
Нөр их хүч хөдөлмөр, зүрх сэтгэлээ шингээн байж хийдэг урлагийн
Солонгосын ЭСЯ-аас БНСУ болон Монгол улсын хооронд дипломат харилцаа
“Honey moon” хамтлаг “Honey moon” нэртэй анхны бие даасан цомгийнхоо талаар мэдээллээ. 
Монголын үндэсний кино урлагийн академи