Монголын хөгжмийн зохиолчдын холбооноос “Алтан намар 2015” хөгжмийн наадмыг 34 дэх удаагаа зохион байгуулж буй билээ. Энэ сарын 25 хүртэл үргэлжлэх наадмын нээлт өчигдөр УДБЭТ-ын концертын танхимд болов. Энэ удаагийн наадамд 21 хөгжмийн зохиолчийн 30 гаруй бүтээл тоглогдоно. Хөгжим бүжгийн коллежийн оюутнууд симфони найрал хөгжимд зориулсан төгөлдөр хуурын гоцлол бүтээлүүдээр оролцож буйгаараа онцлогтой. Харин Улсын филармонийн симфони найрал, үлээвэр найрал хөгжмийн цөөхүүл зэрэг мэргэжлийн хөгжмийн байгууллагынхан бүрэн бүрэлдэхүүнээрээ оролцож буй юм. Наадмын хүрээнд хөгжмийн зохиолч С.Гончигсумлаагийн мэндэлсний 100 жилийн ойг тэмдэглэн өнгөрүүлэхээс гадна хөгжмийн зохиолч Ц.Чинзоригийн хөгжмийн долоо хоног, эрдэм шинжилгээний бага хурал, дан хөгжмийн болон дууны тоглолтыг ирэх сарын 9-14-нд зохион байгуулахаар болсон. Мөн төр засаг хямралтай байгаа учраас “Алтан намар 2015” наадмыг төсөв, санхүүжилтгүй, зөвхөн байгууллагуудын дэмжлэгтэйгээр зохион байгуулж буйг МХЗХ-ны захирал Х.Алтангэрэл дуулгасан юм.
Монгол улсын Төрийн хошой шагналт, Ардын жүжигчин Н.Жанцанноровын
Жүжигчин Г.Ундармаагийн “U film” кино компанийн ээлжит шинэ бүтээл өнөөдөр нээлтээ хийнэ.
Монголын хөгжмийн зохиолчдын холбооноос “Алтан намар 2015 ” хөгжмийн
Циркийн агаарын үзүүлбэрт монгол эмэгтэй дэлхийн дээд амжилт эвдсэн байна. Тэрбээр агаарт гурав эргэж, дөрвөн метрийн өндөр сандал дээр гарчээ. Ийм үзүүлбэрийг эмэгтэй циркчин анх удаа хийснийг Монголын үндэсний циркийн багийнхан хэлж байна.
Сонгодог урлагийн олимп гэгддэг П.И.Чайковскийн нэрэмжит олон улсын хөгжмийн наадмын тэргүүн байраас гадна “Гран При” шагналыг бахархалтайгаар хүртсэн Монгол Улсын дуурийн гоцлол дуучин Г.Ариунбаатар ирэх сарын 10-нд алдарт Их театрын тайзнаа дуулах болсоныг бид та бүхэнд мэдээлж байсан. Тэгвэл тэрбээр, Их театрын тайзнаа Елена Обрацовагийн дурсгалд зориулсан хүндэтгэлийн концертод алдартнуудтай нэг тайзан дээр дуулах нь. Улмаар ирэх 12 сард эх орондоо бие даасан тоглолтоо толилуулахаар төлөвлөж байгаа аж.
БНХАУ-ын зохиолч Зян Рун-ы зохиолоос сэдэвлэсэн “Чонон сүлд” бүрэн хэмжээний уран сайхны кино энэ оны эхээр олон улсад нээлтээ хийж, үзэгчдийн зүгээс ч чамгүй үнэлгээ авсны зэрэгцээ Оскарт хүртэл нэр дэвшиж байгаа гэх мэдээлэл цацагдаад байсан билээ.
Мэргэжлийн театр судлаачдын хамтын бүтээл “Монголын театрын түүх” ном уншигчдын гарт очиход бэлэн болжээ. Хэдийгээр Монгол Улсад театрын урлаг үүсч хөгжөөд цөөнгүй жилийг үдсэн боловч театр урлагийн түүхээ цогцоор нь хамран судалсан бүтээл хараахан хэвлэгдэж гараагүй байсан юм. Нөгөө талдаа театрын урлагийн түүхээ он цагийн үечлэлд оруулж, театрын найруулга, жүжгийн зохиол, жүжгийн зохиолчдын түүх, тайзны зураг, засал, жүжгийн хөгжим, төвийн болоод орон нутгийн театруудын түүх, урын сан зэрэг олон талаас нь сурвалжлан судалсан байна.
Оскарт нэр дэвшүүлсэн “Чонон сүлд” кино нь шаардлага хангаагүй тул өөр бүтээлээр сольсон Хятадын “China Film News” сонинд тухай мэдээлжээ. Хятадын кино хороо Оскарын наадмыг зохион байгуулагчдаас ийм хариу авсан байна. Тэнцээгүй гол шалтгаан нь тухайн бүтээлийг хийхэд нэр дэвшүүлсэн улсынх нь иргэд голлох үүрэгтэй оролцоогүй гэжээ. Уг киноны жүжигчид нь хятад хүмүүс. Харин киног бүтээсэн багийн гишүүдийн 90 хувь гадаадын иргэн байжээ. Өөрөөр хэлбэл, найруулагч Жан Жак Анно болон түүний баг уг киног бүтээсэн тул Хятадын нэрийн өмнөөс Оскарт нэр дэвших боломжгүй болсон гэсэн үг. Дээрх киноны оронд “Go away Mr.Tumor” (Зайл! Ноён хавдар!) нэртэй, өөдрөг үзэлтэй нэгэн эмэгтэйн хорт хавдартай тэмцэж байгаа түүхийг харуулдаг романтик инээдмийн киног дэвшүүлсэн байна.
Ард түмний урлан ургуулах их авьяас билгээр бүтсэн олон зууны хөгжмийн хөгжлийн уламжлалыг өрнө дахины соёл иргэншлийн гол ололт болсон “сонгомол” хөгжмийн дэвшилтэй холбож уран бүтээлийн гараагаа эхэлсэн Монгол улсын филармони 44 дэх намар цагийн үзвэрийн аялгуун хөшгөө нээх гэж байна.