Category: соёл-урлаг

Тэртээ жаран хоёр оны өвлийн шинэ жилийн баяр болох гээд хүн бүр хөөрөн догдолж байх тэр мөчид уран бүтээлийн дотно анд нөхөд болох Монгол Улсын урлагийн гавьяат зүтгэлтэн, дууны шүлгийн нэрт төлөөлөгч Жамцын Бадраа, Монгол Улсын төрийн шагналт, ардын жүжигчин Самбын Гончигсумлаа хоёрт шинэ жилийн тухай дуу хийх санаа сэдэл төрсөн байна. Сайндаа ч биш гэнэ. Мань хоёр аливаа ёолк цэнгүүнд уригдаж очиход шинэ жилийн тухай санаанд хүрсэн уран бүтээл сонсогдохгүй байж л дээ. Тэгээд шинэ жилийн тухай дуу хийхээр тохиролцжээ. Удаа ч үгүй Бадраа гуай “Сүлд модны наадам” хэмээх шүлэг бичээд Гончигсумлаадаа утсаар сонсгосон гэдэг. Гончигсумлаа Бадраагийнхаа шүлгийг утсаар сонсох даруйд л аялгуу нь ороод ирсэн байна. Тэгээд яруу найрагч нөхрийгөө гэртээ урьж, хүүхдүүд нь сүлд модоо засан бужигналдаж байх цаг дор “Сүлд модны наадам” дууныхаа аялгууг зохируулсан байна.

Энэ тухай хөдөлмөрийн баатар, ардын жүжигчин Баартуугийн Зангад нэгэнтээ “Гончигсумлаа гуайтай уран бүтээлийн төдийгүй хүн ёсны хувьд ойр дотно харилцаатай явснаа санах бүрийд бахархах сэтгэл төрдөг. Надад маш дотно элэгсэг ханддаг байсан. Жаран хоёр онд зохиосон “Сүлд модны наадам” дуугаа, жаран гурван онд зохиосон “Жаргаах зүрхэн” дуугаа миний хоолойд зориулж бичсэн юм” хэмээн өгүүлсэн билээ. Сүлд модны наадам дууг Гончигсумлаа гуай зөвхөн төгөлдөр хуураар хөгжимдөж, дуурийн театрын эмэгтэй дуучидтай хамтруулж дуулуулахаар аялгууг нь тааруулсан гэдэг. 1962 оны арванхоёрдугаар сарын 29-ны өдөр Монгол радиогийн бичлэг хийлгэхэд Зангад дуулж, гавьяат жүжигчин Бандийн гэргий Т.Григорьева төгөлдөр хуур дарж, Гончигсумлаа гуай өөрөө удирдан найруулсан түүхтэй. Ингэж жилийн жилд шинэ жил ирснийг Зангадын хоолойгоор зарлан тунхаглаж эдүгээ 53 дахь өвөлтэйгээ учран золгож буй “Сүлд модны наадам” дуу төрсөн түүхтэй юм. Уг дууны шүлгийг та бүхэндээ хүргэе.

Цалин мөнгөн тэнгэртээ

Цасан угалз наадуулсан

Цагаан торгон өмсгөлдөө

Цацаг чимэг сагсуулсан

Сүрлэг Монгол орныхоо

Өлчир жавхааг бадраасан

Сүлд модныхоо наадмаар

Өвлийн эрчийг хариулцгаая аа

Өөдлөн дэвших хишгээрэээ

Улирах жилийг бялхаасан

Өрнөн даргих буянаараа

Угтах оноо мялаасан

Сүрлэг Монгол орныхоо

Өндөр хөгжлийн ерөөцгөөж

Сүлд модныхоо наадамдаа

Өвгөн ааваа дайлцгаая аа

Түмэн галавт дурсгалтай

Баатрын алдар цуурайтсан

Түвшин энхэд суурьшилтай

Баярын магнай тэнийсэн

Сүрлэг Монгол орныхоо

Агуу алдрыг ерөөсөн

Сүлд модныхоо наадамд

Яруу дуугаа өргөцгөөе өө.

Ө.Манлай

21.00: Чингис хааны талбайд хуран цугласан иргэд, залуучуудад амьд хөгжмийн хамтлагууд уран бүтээлээ толилуулна.

21.00: Beat Box Ray /1 номер/
21.05: хөгжимчин Х.Бархүү, Б.Мягмарцэрэн /1 номер/
21.10: Хөтлөгч: Дуучин Солонгоогийн танилцуулга /2 дуу/
21.20: Хөтлөгч: Дуучин A Cool танилцуулга /2 дуу/
21.30: Хөтлөгч: Дуучин Тэнүүний танилцуулга /2 дуу/
21.40: Хөтлөгч: Дуучин Аминагийн танилцуулга /2 дуу/
21.50: Хийлч Дээгий/1 номер/
21.55: дуучин Өнөрөө /3 дуу/
22.10: Хөтлөгчид: Шинэ жилийн цэнгүүнд хүрэлцэн ирсэн нийслэлчүүддээ баярын мэндчилгээ дэвшүүлэн “Улаанбаатар” чуулгын уран бүтээлчид “ҮЙЛСИЙН САЙХАН УЛААНБААТАР” мюзиклаа толилуулахад бэлэн болсныг танилцуулна.

22.15: “Үйлсийн сайхан Улаанбаатар” мюзиклын эхний хэсэг (LED дэлгэцээр мюзиклын ерөнхий утга санаа гарч, дуучид бүжигчид тайзнаа мюзиклын дууг дуулж, бүжиглэнэ) (20 мин)

22.35: Хөтлөгчид: DJ БАЧКА-г танилцуулна.Үзэгчдийг бүжиглүүлнэ.

Хөтлөгчид Нийслэлд болсон 2015 оны бүтээн байгуулалтын тоймыг үзэгчдэд хүргэнэ.

22.40: “Үйлсийн сайхан Улаанбаатар” мюзиклын 2 дахь хэсэг (25 мин)

23.05: DJ БАЧКА болон Хөтлөгчид үзэгчдийг бүжиглүүлэн хөгжөөнө.

Хөтлөгчид: Найрсаг Улаанбаатар хөтөлбөрийн хүрээнд 2015 онд болсон бүх үйл явдалын тоймыг үзэгчдэд хүргэнэ.

23.10: “Үйлсийн сайхан Улаанбаатар” мюзиклын 3 дахь хэсэг (20 мин)

23.30: Хөтлөгчид: Мюзикл гэж юу вэ?Шинэ жил гэж юу вэ? Гэсэн сэдэв хөндөж үзэгчидтэй ярилцах

Үзэгчдийг Бүжиглүүлэх

23.35: “Үйлсийн сайхан Улаанбаатар” мюзиклын 4 дахь төгсгөлийн хэсэг (10мин)
Жүжигт оролцож байгаа гол дүрүүд гэнэт айсуй яваа Өвлийн өвгөн аавыгаа олж харах ба Өвлийн өвгөн цасан охидын хамт Чингисийн талбайд орж ирнэ.

23.45: Бүх жүжигчид Шинэ жилийн дууг хамтдаа дуулан Өвгөн аавыг хүлээн авна.
Хөтлөгч: Өвлийн өвгөн, цасан охидыг угтан авахыг хүснэ. Өвлийн өвгөн, цасан охидын хамт тайзны өмнө хүрэлцэн ирнэ.Өвлийн өвгөн мэндчилгээ дэвшүүлэн нийслэлчүүдтэй мэндчилнэ.

23.55: Хөтлөгч: Өвлийн өвгөнийг цасан охидын хамт хүсэн хүлээсэн мөч ирж буйг зарлана. Нийслэлийн Засаг дарга бөгөөд Улаанбаатар хотын захирагч Э.Бат-үүлийг тайзнаа урьж, шинэ оныг хамтдаа тоолон угтахыг урина.

Нийслэлийн Засаг дарга бөгөөд Улаанбаатар хотын захирагч Э.Бат-үүл үг хэлнэ.
/Фанфар/

23.59.50: Шинэ жил гарахаас 10 секундын өмнө хонх дуугарч эхэлнэ. Хонхтой цуг тоо болон хотын тухай дүрслэл гарч Нийслэлийн удирдлагууд талбайд цугласан иргэд, хөтлөгч нарын хамт 10-аас доош тоолон шинэ он гарна.
00.00: Шинэ он гарахад Салют буудаж эхэлнэ.
00.00: “Үйлсийн сайхан Улаанбаатар” нийт уран бүтээлчид
00.10: Үйл ажиллагаа өндөрлөх

Жил бүр уламжлал болгон зохион байгуулдаг шинэ жилийн цэнгүүн маргааш Чингисийн талбайд 21.00 цагаас эхэлнэ. Цэнгүүнд хөгжимчин Х.Бархүү, Б.Мягмарцэрэн, Beat Box Ray, дуучин A Cool, Т.Амина, Г.Тэнүүн, хийлч Ч.Дэлгэрцэцэг нар оролцож, урлагийн тоглолт сонирхуулж, шинэ жилийн цэнгүүнд хүрэлцэн ирсэн нийслэлчүүддээ баярын мэндчилгээ дэвшүүлэн нийслэлийн Улаанбаатар чуулгын уран бүтээлчид “Үйлсийн сайхан Улаанбаатар” мюзиклыг тоглоно.

Энэ үеэр Улаанбаатар хотын Цагдаагийн газар, Замын Цагдаагийн газар, нийслэлийн Мэргэжлийн Хяналтын газар, Онцгой байдлын газрын албан хаагчид өндөржүүлсэн бэлэн байдалд ажиллаж, он солигдох торгон мөчид нийслэлийн дөрвөн цэгт ёслолын буудлага хийнэ. Мөн баярын арга хэмжээний үеэр явган зорчигч болон тээврийн хэрэгслийн хөдөлгөөн ихэсдэгтэй холбогдуулан Чингисийн талбайн баруун, зүүн талын замын хөдөлгөөнийг 20.00 цагаас эхлэн түр хугацаагаар хязгаарлаж, Чингисийн талбайн баруун, зүүн болон урд зогсоолыг үнэ төлбөргүй ашиглуулах юм. Тус үйл ажиллагаа өндөрлөсний дараа 18 чиглэлд нийтийн тээвэр иргэдэд үйлчилнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монголын зохиолчдын эвлэлийн дэргэдэх Залуу зохиолчдын нэгдлээс санаачлан “Зуун яруу найрагч зуун хайрын шүлэг” номын хоёр дахь цувралыг хэвлүүлжээ. Энэхүү номын нээлт өнгөрөгч ням гарагт боллоо. Номыг Г.Сэр-Одын нэрэмжит шагналт яруу найрагч Н.Минжинсайхан эрхлэн, залуу яруу найрагч Б.Алтанхуяг, М.Батбаяр нар эмхэтгэн хэвлэлд бэлтгэсэн юм байна. Төрийн шагналт яруу найрагч Р.Чойномын нэрэмжит “Өд” сангийн хэвлэх үйлдвэр номыг хэвлэн гаргажээ.

Алдарт “Оддын дайн” киног үзээгүй, ядаж нэрийг нь дуулаагүй хүн үгүй биз ээ. Энэхүү цуврал кино нь дэлхийн бүх цаг үеийн шилдэг арван киноны жагсаалтад багтдаг. Тус алдарт уран бүтээлийн сүүлчийн долдугаар анги арванхоёрдугаар сарын 18-ны өдөр дуулиантайгаар нээлтээ хийлээ. Зургадугаар цувралаас хойш арван жилийн дараа “Хүч сэлбэсэн нь” нэртэйгээр гарч буй энэхүү анги зураг авалтаа хийж эхлэхээсээ өмнө л киноны хорхойтнууд, үзэгчдийн дунд дуулиан дэгдээж, 2015 оны хамгийн их хүлээлт үүсгэсэн киногоор тодроод байсан юм. Америкт л гэхэд “Оддын дайн” цувралын хорхойтнууд долдугаар ангийг үзэх гэж нээлт эхлэхээс хэд хоногийн өмнөөс кино театруудын гадна урт дараалал үүсгэн, зарим театрын өмнө майхан сууц барин хүлээжээ. Лос-Анжелос хотын “Хятад” кино театрын хашаанд аятайхан суудалтай тасалбар олж авахын тулд хэдэн зуун хүн цугласан хэмээн мэдээлж байв. Сүүлчийн анги нь мөн л өмнөх ангиудтайгаа адил шуугиан дэгдээж, гарсан даруйдаа бокс оффисийн рекордыг эвджээ.

“Оддын дайн”-ы долдугаар анги болох “Хүч сэлбэсэн нь” анги нь 1980 онд нээлтээ хийсэн “Жеди эргэж ирсэн” нь хоёрдугаар ангийн үргэлжлэл бөгөөд 30 жилийн дараахь үйл явдлыг гаргаж байгаагаараа онцлог. Тус цуврал киноны эхний зургаан ангийн зохиол, найруулгыг нэрт найруулагч зөгнөлт киногоороо алдаршсан Жорж Лукас бичсэн юм. Харин долдугаар ангийн найруулагчаар Жи.Абрамс ажилласан бөгөөд кино зохиолыг Лауренс Касдан бичжээ. Дүрүүдийн тухайд өмнөх ангиудад тоглосон жүжигчдээс Харрисон Форд, Карри Фишер, Марк Хамилл нар тоглосны зэрэгцээ шинээр олон жүжигчин нэмэгдсэн байна.

Киноны урлагт томоохон орон зай эзэлж, түүхийг бүтээлцэж яваа “Оддын дайн” киноны анхны цувралыг Америкийн кино найруулагч Жорж Лукас одоогоос 38 жилийн өмнө буюу 1977 онд бичиж, найруулан үзэгчдийн хүртээл болгож байсан юм. Багын уралдааны машинд хоббитой байсан тэрбээр эл киноноос өмнө “Америкийн Граффити” киногоороо шинэхэн нэр алдрыг хүртээд байв. Харин “Оддын дайн” киног үзэгчдийн хүртээл болгосноор тэрбээр дэлхийн хамгийн нэр нөлөө бүхий найруулагчдын жагсаалтад албан ёсоор орж чадсан билээ. Энэхүү бүтээл түүний хамгийн анхны агуу бүтээл. Түүнээс хойш тэрбээр “Индиана Жонс”, зэрэг алдартай кино зохиолууд найруулан тавьсан ч “Оддын дайн”-тай эн тэнцэхүйц амжилтыг хараахан үзүүлээгүй юм.

Жорж Лукасын амьдрал “Оддын дайн” киног хийхээс өмнө тийм ч сайхан байсангүй. Татвар, өр зээлэндээ баригдсан тэрбээр “Америкийн Граффити” киноныхоо дараагаар өрөө дарж гүйцсэн ч эхнэрийнхээ багахан цалингаар л амьдралаа болгож байжээ. Тэрбээр бүхий л найдвараа урт хугацааны турш боловсруулсан “Оддын дайн” кинонд тавиад байв. Гэвч зөгнөлт, хүүхдийн зохиолын төрөлд багтсан энэхүү киног нь найз нөхөд болон зөвлөгчид “Чи галзуурчээ” хэмээн дүгнэжээ. Санал тавьсан хоёр ч студи нь татгалзсан хариу өгөөд байж. Ингээд эцсийн найдвар тавин “Хорьдугаар зуун фокс” кино компани дээр очиход азаар тэд зөвшөөрсөн хариу өгчээ. Ийнхүү “Оддын дайн” нь түүнд 3.9 тэрбум долларын ашиг болон алдар хүнд авчирчээ. Тэрбээр хожим “Хэрвээ “Хорьдугаар зуун фокс” зөвшөөрөөгүй бол би хар ажил л хийх байсан байх даа” хэмээн дурсан ярьсан байдаг.

Тус киноны хоёрдугаар анги нь 1980 онд “Жеди эргэж ирсэн нь” нэртэйгээр гарч байсан бол 1983 онд “Эзэнт улс руу довтолсон нь”, “Сүнсний түрэмгийлэл” зэрэг ангиуд гарч тус бүрнээ ашиг орлогоороо тэргүүлж байв. Улмаар 1999-2005 онуудад дараагийн ангиуд нь гарсан билээ. Мөн эл зохиолоор нь хийсэн хоёр, гурван хүүхэлдэйн кино болон сонирхогчдын кино ч гарсан байдаг.

“Оддын дайн” киноны сонирхолтой түүх, баримтаас:

*“Оддын дайн” киноны тулааны хэсгийн дуу авиа, сансрын хөлгүүдийн хөдөлгүүрийн дуу авиаг гаргахын тулд олон зүйлээс дуу оруулсан байдаг. Тухайлбал, “TIE” хөлгийн хөдөлгүүр асч байгааг зааны дуугаар гаргажээ.

*Нэрт кино найруулагч, зохиолч Стивен Спилберг энэхүү киног хэдэн хувийн ашиг орлого олох талаар найруулагч Жорж Лукастай мөрийцөж байжээ.

*“Оддын дайн” киноны зураг авалтыг хийхийн тулд сансрын хөлөг, од гариг эрхсийг илэрхийлсэн олон дуураймал жижиг байгууламжийг барьжээ. Түүний нэг хэсэг болох жаалхүү Энакен Скайуокерын төрөлх нутаг “Татиун” хэмээх элсэрхэг гаригийн жижиг загварыг Тунисын элсэн цөлд босгосон байна. Скайуокерын амьдардаг хотын шавар байшингууд одоо ч тэнд хэвээрээ байдаг бөгөөд киноны шүтэн бишрэгчдэд зориулж хадгалан үлдээжээ.

*Киноны 1-3 дугаар ангиудын зургийг ч Тунист байдаг берберчүүдийн 1500 жилийн настай агуйн хот Матмат болон Эль-Джерид хэмээх хужрын орд, Нефта хотын ойролцоох баян бүрд зэрэг газруудад авчээ. Дөрөвдүгээр эпизодод гардаг босогчдын баазыг Хойд Гватемалд орших майяачуудын 2500 жилийн настай Тикаль нэртэй сүмийн балгасанд авсан байна.

*Набу гаригийн хатан хаан Падма Амидалагийн хувцас хэрэглэл, толгойн гоёл, нүүр будалт зэрэг нь монгол хатны хувцас хэрэглэлээс хуулбарласан гэмээр адилхан байдаг. Гэхдээ түүнийг монгол үндэсний хувцаснаас хуулбарласан гэх баталгаа байдаггүй юм.

*Тус кинонд Веж Антиллегийн дүрийг бүтээдэг жүжигчин Денис Лоусон нь Холливуудын од Эван Макгрегорын нагац ах юм. Дашрамд дурдахад Эван Макгрегор 2004 онд Монгол Улсад зочлохдоо “Жамъян” хэмээх монгол охин өргөн авч байсан.

*Киноны Жидай дайчин “Luke skywalker”-ийн нэрийг “Luke Starkiller” хэмээн нэрлэх гэж байжээ.

*Кинон дээр гардаг Грийдо омгийнхны хэлийг Өмнөд Америкийн нэгэн жижиг аймгийн хэлэн дээр тулгуурлан зохиосон бол Жава омгийнхны хэл зулу хэлэн дээр тулгуурлан зохиожээ.

*Мастер Йода нь энэ кино туульсын сайн талын ганц баатар нь. Намхан бие, жижигхэн чихү үлгэрийн баатрынх шиг гадаад төрх нь үзэгчдийн сэтгэлд их нийцдэг. Тэгвэл Йодад анх баг өмсгөсөн сургуулилттай сармагчинг тоглуулж байжээ.

Өсвөрийн хийлчдийн олон улсын тэмцээн Улаанбаатар хотод анх удаа болжээ. Монголоос гадна Япон, Канад, Англи, БНСУ-ын өсвөрийн хийлчдийг М.Анужин тэргүүлж, гранпри шагналыг хүртсэн байна. М.Анужин охин 11 настай юм байна. Уралдаанд нийтдээ 60 гаруй хийлч хүүхэд бага, дунд, ахлах насны ангилалд оролцжээ.

Цаашид “Өсвөрийн хийлчдийн нээлттэй уралдаан”-ыг жил бүр уламжлал болгон зохиохоор болсон байна.

Австри улсын Вена хотод энэ сарын 12-нд зохион байгуулагдсан Латин бүжгийн ДАШТ-д “Moon Dance” бүжгийн хамтлаг амжилттай оролцож, эх орондоо иржээ.

Тэмцээний эхний шатанд тус хамтлаг шилдэг 12 багийн нэгээр шалгаран хагас финалд үлдсэн байна. Ийнхүү хагас финалд дахин өрсөлдөж нийт авах ёстой 40 онооноос 32 оноо аван долдугаар байр эзлэжээ.

Энэхүү амжилтаараа тэд Монгол Улсын Латин бүжгийн дээд амжилтыг урагшлуулсан юм.

Уг тэмцээнд нийт 11 орны 20 хамтлаг оролцсоноос дэлхийн аваргаар Германы баг түрүүлсэн бол хоёр, гуравдугаар байранд Оросын багууд оржээ.

Мөн манай улсаас “Стардэнс” багийн бүжигчид оролцсон бөгөөд 15 дугаар байранд шалгарсан байна.

Нийслэлийн Нийгмийн Ардчилал Монголын эмэгтэйчүүдийн холбооноос 4 дэх жилдээ зохион байгуулж буй “ГОО САРНАЙ-2015” арга хэмжээ XII сарын 23-нд зохион байгуулдав. Энэ удаагийн “Эмэгтэйчүүд ногоон дэлхийн төлөө хамтдаа” уриан дор зохиогдсон байна. Энэ зорилгоор ногоон ирээдүй, тогтвортой хөгжилд хамтран оролцох сүлжээг байгуулах санаачлагыг Нийслэлийн НАМЭХ-ны тэргүүн Б.Саранчимэг наадамд оролцогчдод уриалсан байна. Мөн жил бүр шалгаруулдаг, аж үйлс, амжилт бүтээлээрээ шалгарсан нийгэм, улс төр, бизнесийн болон экологийн салбарын төлөөлөгчдийг шилдгээрээ шалгаруулах арга хэмжээ болов. Хэдийгээр НАМЭХ нь МАН-ын харъяа ТББ хэдий ч тэдгээрийн санаачилж буй ногоон хөгжил, тогтвортой хөгжлийн төлөөх Эмэгтэйчүүдийн сүлжээ байгуулах санаачлага нь Монголд тулгамдаад байгаа экологийн асуудалд улс төрийн намууд болон ТББ-уудыг нэгтгэх зорилго агуулсанаараа далайцтай ажиллаж, бодлогын түвшинд сэтгэж буйн томоохон илрэл юм. Мөн шилдэгт шалгарсан есөн номинацийг анзаарахад намчирхаж туйлширсан шалгуур тавьдаггүй төдийгүй олон улсын түвшинд ажиллаж хөдөлмөрлөж буй гадаад дотоодын эмэгтэйчүүдийг сонгож буйгаараа онцлог арга хэмжээ болж чадсан хэмээн үнэлэгдэж байлаа.

“Гоо сарнай – 2015” арга хэмжээний шилдгүүдэд шалгарсан хүмүүст:

1. ХҮҮХДИЙН ТӨЛӨӨ ЭЛЧ

Баяртулгын Сэмжидмаа

“Титэм ордон” цэцэрлэгийг үүсгэн байгуулагч, хувийн цэцэрлэгүүдийн холбооны удирдах зөвлөлийн гишүүн Баяртулгын Сэмжидмаа нь 2015-2016 оны хичээлийн жилд цэцэрлэгт хамрагдах боломжгүй байсан 2300 орчим төрийн албан хаагчдын хүүхдүүдийг хувийн цэцэрлэгт үнэ төлбөргүй бүтэн жилийн турш хамрагдах боломжийг олгох ажлыг санаачлан, амжилттай зохион байгуулсан манлайлагч эмэгтэй ажээ.

2. УРЛАГИЙН ЭЛЧ

Чогжоогийн Амарбаясгалан (Хөсөгтөн хамтлаг)

Үндэсний давтагдашгүй өв соёлоо олон улсад бишрүүлж, дэлхийн алдарт Азийн” Got talent “шоуны шилдэг 2-т шалгарсан Хөсөгтөн хамтлагийн гишүүн Чогжоогийн Амарбаясгалан нь Монголын урлагийн тэнгэрт гэрэлтэж буй нэгэн од гэж тооцож болно.

3. БИЗНЕСИЙН САЛБАРЫН ЭМЭГТЭЙ

Дамдинсүрэнгийн Өнөрболор

1996 онд Сөүл компанийг үүсгэн байгуулалцсан бол өдгөө Сөүл группын ерөнхий захирлаар ажиллаж Дамдинсүрэнгийн Өнөрболор нь Сөүл спорт цогцолбор, Сөүл ирээдүй Соёлын сан, барилгын үйлдвэрлэл, нийтийн хоол, үл хөдлөх хөрөнгийн үйлчилгээ зэрэг олон салбарт 500 гаруй ажилтныг удирдан манлайлж буй бизнесийн салбарын шилдэг эмэгтэйчүүдийн нэг.

4. ЭКО ЭЛЧ ЭМЭГТЭЙ

Мелони Линдберг

2009 оноос хойш Монгол Улсад Азийн суурин төлөөлөгчөөр ажиллаж байгаа бөгөөд “Байгаль орчныг хамгаалахад талуудын оролцоог нэмэгдүүлэх нь” хөтөлбөрийг 2010 оноос хэрэгжүүлж одоогоор манай улсад 4 сая долларын хөрөнгө оруулалт хийгээд байна. Тус хөтөлбөр нь орон нутагт Байгалийн нөөцийг хариуцлагатай ашиглах , хамгаалах мэдлэгийг нэмэгдүүлэх болон олон талт хамтын ажиллагааг дэмжих механизм бүтцийг бий болгох зэргээр орон нутгийн удирдлагууд, ТББ, нутгийн иргэдтэй хамтран ажиллаж байгаа аж.

5. БАЯЛАГ БҮТЭЭГЧ ЭМЭГТЭЙ”

Гансүхийн Майцэцэг

2002-2008 онд Польшийн ЭМА компаний захирал, 2009 оноос Үндэсний үйлдвэрлэгч “ЭКСКЛЮЗИВ” компаний ерөнхий захирлаар ажиллаж байна. Үндэсний үйлдвэрлэлийг дэмжих, хамгаалах төр засгийн бодлого нь хоосон тунхагийн шинжтэй бодит байдал дээрээ импортыг дэмжих байдалтай байгаа бодит үнэнийг олон нийтэд нотлон таниулж үндэсний үйлдвэрлэгчдэд тулгарч буй бэрхшээлийн эсрэг зоригтой дуугарсан түүчээ мэгтэй билээ. Гэсэн хэдий ч тэрээр 2016 онд бүтээгдэхүүнүүдээ Холбооны Бүгд Найрамдах Герман улс, Америкийн Нэгдсэн улс, Франц зэрэг улсуудад экспортлохоор бэлдэж байна.

6. ХҮНДЭТ ЭЛЧ

Дагвын Баярсайхан

Монгол Ардын нам төдийгүй Нийслэлийн бүтээн байгуулалтанд үнэтэй хувь нэмрээ оруулсан бөгөөд тэрээр нийслэл, дүүргийн шийдвэр гаргах түвшинд олон арван боловсон хүчнийг бэлдэн гаргаж, залуу үеээ түүчээлэн манлайлсан бидний бахархал болсон хүндэт эмэгтэй билээ.

7. ХЭВЛЭЛИЙН ЭЛЧ

Баярмагнайн Тэмүүлэн

1996 оноос хойш МУ-ын хэвлэлийн салбарт ажиллаж “Өдрийн сонин”-д албаны дарга, “Ардын эрх” сонины Ерөнхий эрхлэгчээр ажиллаж, мэдээллийн тэргүүлэгч сайт болох “Ньюс” агентлагийг үүсгэн байгуулж, 2004 оноос 2010 он хүртэл Монгол масс медиа группын, 2010 оноос хойш өнөөг хүртэл “Ньюс” агентлагийн Ерөнхий захирлаар ажиллаж байна.

8. БҮТЭЭЛЧ ЭМЭГТЭЙ

Шижирбаатарын Анхмаа

1998-2015 онд багш, судлаач, эмэгтэйчүүдийн эсрэг хүчирхийллийг таслан зогсоох төслийн зохицуулагч, Швейцарын Хөгжлийн агентлагийн санхүүжилттай Жижиг дунд үйлдвэрлэл хөгжүүлэх төслийн удирдагчаар ажиллаж байсан.

Одоо Фючер групп компанийн Ерөнхий захирал, Монголын Эмнэсти Интернэшнл байгууллагын Удирдах зөвлөлийн гишүүн, Санхүүчээр ажиллаж байна.

Хүний эрхийн боловсролын чиглэлээр олон арван сургалт, уулзалт, хэлэлцүүлэг зохион байгуулсан. Монгол улсад гэр бүл, хүүхэд эмэгтэйчүүдийн эсрэг хүчирхийллийг бууруулах үйлсэд хувь нэмрээ оруулдаг төдийгүй жижиг дунд үйлдвэрлэгчидтэй ажиллаж нийт 1000 гаруй жижиг дунд бизнес эрхлэгчдэд сургалт явуулах, зөвлөгөө өгөх байдлаар дэмжин ажиллаж ЖДҮ-ийн хөгжилд үнэтэй хувь нэмэр оруулсан.

9. УЛС ТӨРИЙН ЗҮТГЭЛТЭН

Дуламсүрэнгийн Оюунхорол

Боловсорлын шинжлэх ухааны доктор, МУ-ын гавьяат багш УИХ-ын гишүүн Д.Оюунхорол нь хууль тогтоох байгууллагад 3 дах удаагаа сонгогдон ажиллаж буй Монголын нэр хүндтэй улс төрч эмэгтэйчүүдийн нэг юм. Нийгмийн олон асуудалд анхаарч хуулийн төсөл санаачлан ажилласнаас сонгуулийн тухай хуульд эмэгтэйчүүдийн квотыг батлуулахад үнэтэй хувь нэмэр оруулсан нэгэн билээ.

10. НИЙГМИЙН ЗҮТГЭЛТЭН

Дүгэрсүрэнгийн Сүхжаргалмаа

Монгол Улсын тусгаар тогтнол эрх чөлөөний төлөө тэмцэгч Дамдины Сүхбаатарын гуч охин гэгддэг, Иргэний хөдөлгөөний намын ерөнхий нарийн бичгийн дарга Д.Сүхжаргалмаа бөгөөд улсад болон олон улсын засгийн газрын байгууллагад 30 жил ажиллахдаа эх орны тухай мэдээллийг дэлхийд үнэн зөв хүргэх, өөрийн болон бусад орны хөгжлийн үйл явцад олон улсын тусламжийн хүч хөрөнгийг дайчлах ажилд бодитой хувь нэмэр оруулсан. Монгол Улсын Төрийн бус байгууллагын тухай хуулийн төсөл, Жендэрийн эрх тэгш байдлыг хангах тухай хуулийн төслийг боловсруулахад голлох үүрэг гүйцэтгэн ажиллан иржээ.

Мөн тэд ажил үйлсээрээ манлайлсан холбооны шилдгүүддээ тодруулсан байна.

“ШИЛДЭГ ДҮҮРЭГ”

Санжаадоржийн Оюунбилэг даргатай Хан-Уул дүүргийн эмэгтэйчүүдийн холбоо нь 16 салбар зөвлөл 3000 гаруй гишүүдтэй холбоо юм. Тэд 2015 онд

“Хан Уулын Түүчээ эмэгтэйчүүд”-ийг нийгэмд таниулах, шийдвэр гаргах түвшинд оролцоог нэмэгдүүлэх, эмэгтэйчүүдийг чадавхижуулах, болон экологид ээлтэй эрүүл Монгол эмэгтэйчүүдийг бэлдэх зорилгоор “Бямбын 11”, 152х1, Эрүүл Монгол хүүхэд хөтөлбөрийг үргэлжлүүлсэн төдийгүй Охид Монголын Ирээдүй ажлыг өөрсдийн бренд болгон 3 дахь жилдээ, Залуу эзэгтэй нарын сургалт, Нэг өрхөд нэг тус зэрэг ажлуудыг амжилттай зохион байгуулсан.

“ШИЛДЭГ САЛБАР ЗӨВЛӨЛ”

Авирмэдийн Өсөхжаргал даргатай Багануур дүүргийн салбар зөвлөлийн хамт олон нь 2015 онд дүүргийн эмэгтэйчүүдийн чадавхжуулах, оролцоог нэмэгдүүлэх зорилгоор нийтдээ 10 орчим нэгдсэн арга хэмжээг амжилттай зохион байгуулж бусад салбар

“ШИЛДЭГ ЭМЭГТЭЙ”

Магалжавын Эрдэнэтуяа нь Чингэлтэй дүүргийн Нийгмийн Ардчилал Монголын Эмэгтэйчүүдийн холбооны даргаар 2009 оноос хойш ажиллаж байгаа бөгөөд 1996 онд Сор кашемир ХХК-ыг үүсгэн байгуулж, одоогоор дотоодын зах зээлд 100 гаруй аж ахуйн нэгжүүдийг ээрмэл утсаар хангаж байна. Мөн тэрээр Чингэлтэй Дүүргийн 2009 оны УИХ-ын болон Орон нутгийн нөхөн сонгууль, дүүргийн 2012 оны УИХ, Нийслэл болон орон нутгийн сонгуулийн менежер, ерөнхий менежер, штабын даргаар ажиллаж 2012 оны орон нутгийн сонгуульд Чингэлтэй Дүүрэгт Монгол Ардын Нам ялалт байгуулахад үнэтэй хувь нэмрээ оруулсан манай шилдэг түүчээ болсон эмэгтэйчүүдийн нэг юм

2015 оны арванхоёрдугаар сарын 12-нд нээлтээ хийсэн “Цөмөөхэй” балет тоглолтын хаалтын тоглолт арванхоёрдугаар сарын 26, 27-ны өдрүүдэд УДБЭТ-т болно. МУГЖ Д.Алтанхуягийн найруулгаар тоглогдож буй “Цөмөөхэй” тоглолтын хаалтад МУГЖ Д.Алтанхуяг гоцлох ба УДБЭТ-ын уран бүтээлчид, авъяаслаг хүүхдүүд, мөн урилгаар ОХУ-ын “Большой” театрын гоцлол бүжигчин Губанова Анастасиа, Буриад улсын Ардын жүжигчин Гомбо Цыденисаповагийн нэрэмжит дуурийн театрын гоцлол бүжигчин Жамбалов Баир Цырендоржиевич, Буриад улсын Гавъяатжүжигчин Балдонова Лия Валерьевна нар оролцоно. Өнгөрсөн жилийн “Цөмөөхэй-2014” оны тоглолтонд Япон улсын балетчид хамтран тоглож байсан бол энэ жил нийслэлчүүд маань хойд хөршийн бүжигчид хэрхэн бүжиглэхийг сонирхох боломжтой болж байна.

Өнөөдөр нэгэн үеийн долоон хамтлагийн нэгдсэн “Мартагдашгүй” тоглолт дахин тайзнаа амилна.

Энэхүү тоглолт дэлхийн дээд зэрэглэлийн стандартаар анх удаа Монголд үүд хаалгаа нээх гэж буй “CASTLE” клубын нээлтэд зориулсан гэдгээрээ онцлогтой.

Тус клуб нь хөгжим техникээ CAF брэнд, гэрлээ Азийн орнуудад гурав дахь удаагаа тавигдаж байгаа Madrix брэндийн гэрлээр тоноглож, тайзаа эргэдэг, өргөддөг гээд дэлхийн стандартын дагуу суурилуулжээ.

Тоглолтын тасалбар гэж худалдаанд гараагүй бөгөөд 800 хүний суудалтай 1500 гаруй хүний багтаамжтай тус клубын тухайн өдрийнх нь таксыг худалдан авснаар “Сүнс”, “Номин талст”, “Guys”, “Нисванис”, “Freezone”, “Салхи”, “Хар сарнай” хамтлагийн гайхалтай тоглолтыг үзэж мартагдашгүй үдшийг өнгөрүүлэх боломжтой. Тус клубын такс 50 мянган төгрөг байх аж.