Улсын драмын эрдмийн театрын уран бүтээлчид удахгүй тохиох Гэгээн хайрын баярт зориулан алдарт “Ромео Жульетта” жүжгийг дахин тайзнаа амилуулахаар болжээ. Найруулагч Н.Наранбаатарын бүтээл орчин цагийн “Ромео Жульетта” жүжиг энэ сарын 13-нд 18:00 цагт , 14-нд 13:00, 18:00 ердөө гурван удаа тайзнаа тоглогдоно.
Category: соёл-урлаг
Categories
“Хөхөө намжил” дуурийг тоглоно
Дуурь бүжгийн эрдмийн театрын уран бүтээлчид энэ сарын 6,7-нд Л.Мөрдоржийн “Хөхөө намжил” дуурийг тайзнаа тоглохоор зэхэж байна. Ард түмний дунд алдаршсан Хөхөө Намжилын домгоос сэдэвлэсэн эл дуурийг 1961 онд анх үзэгчдийн хүртээл болгож байсан бол 1998 онд шинэчилж тавьсан байдаг.
Уг дуурьт морин хуур хөгжим анх үүссэн ардын домгоос үндэслэсэн бөгөөд ардын аман зохиол, үлгэр, туульс, ерөөл, магтаал хичнээн баялаг болохыг магтан дуулдаг билээ.
Ардын жүжигчин, төрийн шагналт Л.Мөрдорж хөгжмийг зохиож, төрийн шагналт зохиолч Л.Ванган, Ч.Чимид нар цомнолыг нь бичсэн тус дуурийг өдгөө УДБЭТ-ын уран бүтээлчид сэргээн тавьж, үзэгчдэд хүргэж буй юм.
Монголын зохиолчдын эвлэлээс жил бүр зохион байгуулдаг “Болор цом” яруу найргийн наадам өчигдөр Соёлын төв өргөөнд боллоо. Энэ удаагийн наадамд 33 найрагч эхний даваанаас шалгарч, шүлгээ дуудсан юм.
Ингээд 2015 оны шилдэг шүлэг шалгаруулах “Болор цом” 33 дахь удаагийн наадамд яруу найрагч Цэвэг-Очирын Эрдэнэбаатар түрүүлж, эгшиглэнт Янжинлхамын эзэн болсон бол дэд байрт Хөөдөөгийн Эрдэнэбаатар, гутгаар байр М.Уянсүх орж, тэдний араас О.Цэнд-Аюуш, Л.Ганзул нар удаалав.
“Болор цом”-ын эздээс Ардын уран зохиолч Пунцагийн Бадарч, Хөөдөөгийн Эрдэнэбаатар, Норовын Гантулга, Баттөрийн Мягмаржав тэргүүтэй найрагчид ирж наадамд тоосоо өргөсөн юм.
“Болор цом”-ын тэргүүн шүлэг “Суурин иргэншлийн цаг” шүлгийг “Өдрийн сонин”-ы өнөөдрийн дугаараас уншаарай.
Categories
“Болор цом” наадам эхэллээ
МЗЭ-ээс жил бүр уламжлал болгон зохиодог яруу найргийн “Болор цом-2016” наадам Соёлын төв өргөөнд 18.00 цагт эхлэн, үргэлжилж байна.
Энэ удаагийн “Болор цом-2016” наадмын хоёрдугаар шатанд 33 найрагч шалгаран үлдээд байгаа билээ. Мөн наадмын дэгээр өмнө нь “Болор цом”-д түрүүлж байсан яруу найрагч урилгаар оролцдог.
2016 онд Монголын уран зохиолын хоёр агуу хүний мэндэлсний ой тохиож байгаа учраас тус наадмыг Улаанбаатар хотноо зохион байгуулж буй. Тухайлбал, Д.Сэнгээгийн 100, Д.Нацагдоржийн 110 жилийн ой тохиож байна. Эдгээр нэрт яруу найрагчдын ой тохиосон “Болор цом” наадамд ахмад яруу найрагчдаас Ардын уран зохиолч Пунцагийн Бадарч, Төрийн шагналт, Соёлын гавьяат зүтгэлтэн, яруу найрагч Дөнгөтийн Цоодол, Ардын уран зохиолч Тангадын Галсан нар оролцож байгаа аж. Ардын уран зохиолч Бавуугийн Лхагвасүрэн оролцоно хэмээн мэдээлж байсан ч найрагч нөхдийнхөө хүсэлт, шахалтаар шүүгчдийн суудалд суухаар болсон тухай манай сэтгүүлч мэдээллээ.
“Болор цом” наадам энэ жил 33 дахь жилдээ зохиогдож байгаа юм.
Өнгөрсөн долоо хоногт Москва хотноо ОХУ-ын Буриад улсын “Уряал” соёлын төвийн санаачилгаар “Цагаалган” ёслолын ажиллагаа болж өнгөрчээ.
Энэхүү үйл ажиллагаанд Монгол, Буриад, Халимаг, Тува, Өвөрмонголын уран бүтээлчид оролцож, үндэсний нэгдмэл соёлоо сурталчилсан байна. Тэд Москва хотын Ардын урлагийн театрт нэгдсэн тоглолт хийж, Оросын Шинжлэх Ухааны академийн “Академический” танхимд үндэсний хувцас, соёл, хоолоо сурталчилсан үзэсгэлэн гаргажээ.
Монгол туургатнуудын нэгдсэн тоглолтод Буриадын дуурь, бүжгийн театр, Халимагийн төв театр, Өвөрмонголын дуучин Цэцэгмаа, Бадамханд нараас гадна ОХУ дахь Буддын соёлын төвийн лам нар оролцсон байна.
Өнгөрсөн нэгдүгээр сарын 30-31-нд Монте Карлогийн фестивалийн залуу циркчдэд зориулсан “New Generation” уралдаан болж өнгөрчээ. 2012 онд Моназогийн гүнж Стефанигийн санаачлан бий болгосон, 20 хүртэлх насны циркчдийн уралдаанд манай уран нугараачид оролцож тусгай байр эзэлсэн байна.
Тэмцээнд Монако, Герман, Англи, Этиоп, Итали, Испани, Канад, Америк, Орос, Швед, Хятад, Беларус, Унгарын циркчид оролцжээ. Монголоос “Циркус Монголиа Хадгаа”-гийн Ч.Энхчимэг, Х.Сарнай, Б.Анар, Г.Уянга нарын нугараач оролцож Герман улсын циркт тоглох урилга авсан аж.
Categories
Өнөөдөр “Болор цом”-ын эзэн тодорно
МЗЭ-ээс жил бүр уламжлал болгон зохиодог яруу найргийн “Болор цом-2016” наадам өнөөдөр орой Соёлын төв өргөөнд болно.
Уламжлал ёсоор наадамд оролцох яруу найрагч өөрийн хоёр бүтээлээ МЗЭ-д ирүүлдэг. “Болор цом” наадам сүүлийн жилүүдэд аймаг орон нутагт болдог уламжлал тогтоод байсан бол энэ жилийнх нийслэл Улаанбаатар хотод болох юм. Энэ 2016 онд Монголын уран зохиолын хоёр агуу хүний мэндэлсний ой тохиож байгаа учраас ийнхүү Улаанбаатарт хийхээр шийджээ. Тухайлбал, Д.Сэнгээгийн 100, Д.Нацагдоржийн 110 жилийн ой тохиож байна.
Наадмын дэгээр өмнө нь “Болор цом”-д түрүүлж байсан яруу найрагч урьдчилсан шалгаруулалтгүй наадамд өрсөлддөг.
Наадамд өрсөлдөхөөр 150 гаруй яруу найрагч бүтээлээ ирүүлснээс хоёрдугаар шатанд 33 найрагч тунаж үлдээд буй юм.
“Болор цом” наадам энэ жил 33 дахь жилдээ зохиогдож байгаа юм.
Тунаж үлдсэн найрагчид:
Б.Алтанхуяг
М.Амархүү
Н.Батболд
Б.Батсайхан
Б.Баттулга
Л.Батцэнгэл
Б.Батхүү
Т.Баянсан
Б.Болорцэрэн
Б.Буянбадрах/Ховд/
М.Билэгсайхан
Л.Ганзул
Д.Гансүрэн/Хэнтий/
Э.Гантулга
Ц.Гончиг/Хөвсгөл/
Ч.Дамдиндорж
Н.Мөнхбаяр
Н.Минжинсайхан
С.Начин
П.Нямлхагва
М.Отгонбаяр
Б.Тогмид/Өвөрхангай/
Ай.Төмөр-Очир
Д.Түвшинцэцэг
Б.Чулуунцэцэг
М.Уянсүх
С.Ууганбаяр
Ч.Ууганбаяр
О.Цэнд-Аюуш
Ц.Эрдэнэбаатар
О.Эрдэнэбүрэн
Э.Уран-ӨМӨЗО
Т.Энххад-ӨМӨЗО
“Болор цом” яруу найргийн наадам хоёрдугаар сарын 2-нд болох билээ. Өнөө жилийн наадамд бүтээлээ сойж өрсөлдсөн зуу гаруй уран бүтээлчээс шилдэг 33 найрагчийн нэр тодорчээ. Эдгээр онгод хийморьтой найрагчдаас чухам хэн нь эгшиглэнт Янжинлхамын хишгийг хүртэхийг харах үлджээ.
1. Б.Алтанхуяг
2. М.Амархүү
3. Н.Батболд
4. Б.Батсайхан
5. Б.Баттулга
6. Л.Батцэнгэл
7. Б.Батхүү
8. Т.Баянсан
9. Б.Болорцэрэн
10. Б.Буянбадрах /Ховд/
11. М.Билэгсайхан
12. Л.Ганзул
13. Д.Гансүрэн /Хэнтий/
14. Э.Гантулга
15. Ц.Гончиг /Хөвсгөл/
16. Ч.Дамдиндорж
17. Н.Мөнхбаяр
18. Н.Минжинсайхан
19. С.Начин
20. П.Нямлхагва
21. М.Отгонбаяр
22. Б.Тогмид /Өвөрхангай/
23. Ай.Төмөр-Очир
24. Д.Түвшинцэцэг
25. Б.Чулуунцэцэг
26. М.Уянсүх
27. С.Ууганбаяр
28. Ч.Ууганбаяр
29. О.Цэнд-Аюуш
30. Ц.Эрдэнэбаатар
31. О.Эрдэнэбүрэн
32. Э.Уран -ӨМӨЗО
33. Т.Энххад-ӨМӨЗО
Монголын хөгжмийн зохиолчдын холбооноос жил бүр уламжлал болгон зохион байгуулдаг “Морин хуур 2015” наадмын хүндэтгэлийн “Гала” тоглолт өчигдөр Соёлын төв өргөөнд болов. Тоглолтын үеэр 2015 оны шилдэг дуу болон хөгжмийн зохиолчийг шалгаруулсан юм.
Наадмын нэгдүгээр шатны шалгаруулалтаас 25 шилдэг дуу тунаж үлдээд байсан. Харин эцсийн шатанд яруу найрагч Г.Баярын шүлэг, Н.Жанцанноровын хөгжим “Бурхан халдун” дуу оны шилдэг дуугаар нэрлэгдэв. Ийнхүү АЖ, төрийн хошой шагналт, хөгжмийн зохиолч Л.Жанцанноров оны шилдэг хөгжмийн зохиолчоор тодорлоо. Тэргүүн шагналтанд Гранпри шагнал болон “Морин хуур” наадмын шилжин явах мөнгөн морин хуурыг БСШУЯ-ны соёлын бодлого зохицуулалтын газрын дарга Д.Гантөмөр гардуулан өгсөн.
Нэгдүгээр байрт яруу найрагч Г.Мэнд-Ооёогийн шүлэг, хөгжмийн зохиолч Х.Алтангэрэлийн хөгжим “Дарьгангын хээр тал” дуу
Хоёрдугаар байрт Г.Мэнд-Ооёогийн шүлэг, УГЗ Б.Бямбабаярын хөгжим “Цэцэн ханы нутаг” дуу
Гуравдугаар байрт яруу найрагч Г.Мөнхцэцэгийн шүлэг, хөгжмийн зохиолч УГЗ Т.Сэр-Одын хөгжим “Тавилангийн харгуй” дуу
Тусгай байрын шагналыг яруу найрагч Ш.Лхамноржмаагийн шүлэг, Цэн.Эрдэнэбатын аялгуу “Уйдашгүй эх орон” дуу тус тус хүртлээ.
Categories
Монгол циркчид алтан цом хүртжээ
Францад болсон “Мэсси” олон улсын циркийн наадам урьд шөнө өндөрлөжээ. Тус наадмаас Монгол циркчид алтан цом хүртсэн байна. Монголын үндэсний циркийн уран бүтээлч, МУСТА н.Пүрэвжаргал ахлагчтай “Puje & Guys” хамтлагийнхан энэ сарын 21-24-ний өдрүүдэд тус наадамд оролцож энэхүү амжилтыг үзүүлсэн юм.
Эх орноо төлөөлөн Олон улсын циркчдийн тэмцээнд оролцсон тус хамтлагийнхан Монголын циркийн түүхэнд анх удаагаа “Дээсээр наадагчид” үзүүлбэрээрээ “Алтан цом” хүртжээ.
“Мэсси” наадамд манайхаас гадна 12 орны циркчид оролцжээ.