Category: соёл-урлаг

Найруулагч Б.Тамирын ээлжит бүтээл тус киноны зохиолыг жүжигчин Э.Алдар болон өнгөрсөн арваннэгдүгээр сард дэлгэцнээ гарсан “Хүсэл” уран сайхны киноны найруулагч Б.Эрхэмбүрэн нар бичжээ. Киноны үйл явдлаас сонирхуулвал, UFC тулааны тамирчин залуу, хийлийн ангийн оюутан охинтой мөсөн гулгуурын талбай дээр санамсаргүй танилцана. Үүнээс л хоёр залуугийн хайр дурлал эхэлнэ. Уянгын төрөл жанрын тус киноны гол дүрд М.Баярбат, Ч.Сэлэнгэ, Э.Одбаяр, Г.Лхагвацэрэн нар тоглосон байна.

Монголын өнөөгийн нийгэм, уран бүтээлчдийн амьдрал болон хүн төрөлхтний мөнхийн сэдэв үнэнч хайр дурлалын тухай өгүүлэх “Төгсгөлгүй” сонгодог балет тоглогдох гэж байна. Тус бүтээлийг 2014 оны арванхоёрдугаар сарын 6-нд анхлан үзэгчдийн хүртээл болгосон. Харин энэ удаад Гэгээн хайрын баярт зориулан хоёрдугаар сарын 13,14-ны өдрийн 17.00 цагт ДБЭТ-ын тайзнаа тоглохоор төлөвлөжээ.

Балетийн бүжгийг, танго бүжигтэй хослуулсан өвөрмөц тавилттай уг бүтээлийг ДБЭТ-ын гоцлол бүжигчин Э.Эрдэнэжаргал дэглэн найруулсан юм. Харин хөгжмийн зохиолыг Х.Алтангэрэл бичсэн.

Монголын Урлагийн Зөвлөл, Улсын Филармоний Морин хуурын чуулга хамтран дэлхийн болон үндэсний хөгжмийг олон нийтэд сурталчлах зорилгоор “Playing love” тоглолтыг дөрөв дэх жилдээ шинэчлэн найруулж толилуулах болжээ.

Энэ удаагийн тоглолтоор дэлхийн киноны хөгжмөөс гадна Монгол хүний түүх, ахуй амьдрал, соёл, сэтгэлгээний онцлогийг илэрхийлсэн, сэтгэлд хоногшсон Монгол киноны сонгомол баян урын сангаас дээжлэн хүргэх аж.

“Playing Love” киноны хөгжмийн тоглолт ирэх сарын 4, 5-ний өдөр 19.00 цагт Corporate Hotel & Convention Center-т болно6 Тоглолтын тасалбар 20-30мянган төгрөгөөр худалдаалагдах бөгөөд тасалбарыг Монголын Урлагийн Зөвлөл болон Улсын филармонийн касс, www.ticket.mn сайтаар урьдчилан захиалах боломжтой.

Монголын өнөөгийн нийгэм, уран бүтээлчдийн амьдрал болон хүн төрөлхтний мөнхийн сэдэв үнэнч хайр дурлалын тухай өгүүлэх “Төгсгөлгүй” сонгодог балет тоглогдох гэж байна.

Балетийн бүжгийг, танго бүжигтэй хослуулсан өвөрмөц тавилттай уг бүтээлийг ДБЭТ-ын гоцлол бүжигчин Э.Эрдэнэжаргал дэглэн найруулсан юм. Харин хөгжмийн зохиолыг Х.Алтангэрэл бичжээ. Орчин үеийн залуусын хайр дурлалаар дамжуулж өнөө үеийн нийгмийн байдлыг харуулахыг зорьсон тус бүтээл 2014 оны арванхоёрдугаар сарын 6-нд анхлан үзэгчдийн хүртээл болсон. Харин энэ удаад Гэгээн хайрын баярт зориулан хоёрдугаар сарын 13,14-ны өдрийн 17.00 цагт ДБЭТ-ын тайзнаа тоглогдогдох юм.

Улсын драмын эрдмийн театрын уран бүтээлчид удахгүй тохиох Гэгээн хайрын баярт зориулан алдарт “Ромео Жульетта” жүжгийг дахин тайзнаа амилуулахаар болжээ. Найруулагч Н.Наранбаатарын бүтээл орчин цагийн “Ромео Жульетта” жүжиг энэ сарын 13-нд 18:00 цагт , 14-нд 13:00, 18:00 ердөө гурван удаа тайзнаа тоглогдоно.

Дуурь бүжгийн эрдмийн театрын уран бүтээлчид энэ сарын 6,7-нд Л.Мөрдоржийн “Хөхөө намжил” дуурийг тайзнаа тоглохоор зэхэж байна. Ард түмний дунд алдаршсан Хөхөө Намжилын домгоос сэдэвлэсэн эл дуурийг 1961 онд анх үзэгчдийн хүртээл болгож байсан бол 1998 онд шинэчилж тавьсан байдаг.

Уг дуурьт морин хуур хөгжим анх үүссэн ардын домгоос үндэслэсэн бөгөөд ардын аман зохиол, үлгэр, туульс, ерөөл, магтаал хичнээн баялаг болохыг магтан дуулдаг билээ.

Ардын жүжигчин, төрийн шагналт Л.Мөрдорж хөгжмийг зохиож, төрийн шагналт зохиолч Л.Ванган, Ч.Чимид нар цомнолыг нь бичсэн тус дуурийг өдгөө УДБЭТ-ын уран бүтээлчид сэргээн тавьж, үзэгчдэд хүргэж буй юм.

Монголын зохиолчдын эвлэлээс жил бүр зохион байгуулдаг “Болор цом” яруу найргийн наадам өчигдөр Соёлын төв өргөөнд боллоо. Энэ удаагийн наадамд 33 найрагч эхний даваанаас шалгарч, шүлгээ дуудсан юм.

МЗЭ-ээс жил бүр уламжлал болгон зохиодог яруу найргийн “Болор цом-2016” наадам Соёлын төв өргөөнд 18.00 цагт эхлэн, үргэлжилж байна.

Энэ удаагийн “Болор цом-2016” наадмын хоёрдугаар шатанд 33 найрагч шалгаран үлдээд байгаа билээ. Мөн наадмын дэгээр өмнө нь “Болор цом”-д түрүүлж байсан яруу найрагч урилгаар оролцдог.
2016 онд Монголын уран зохиолын хоёр агуу хүний мэндэлсний ой тохиож байгаа учраас тус наадмыг Улаанбаатар хотноо зохион байгуулж буй. Тухайлбал, Д.Сэнгээгийн 100, Д.Нацагдоржийн 110 жилийн ой тохиож байна. Эдгээр нэрт яруу найрагчдын ой тохиосон “Болор цом” наадамд ахмад яруу найрагчдаас Ардын уран зохиолч Пунцагийн Бадарч, Төрийн шагналт, Соёлын гавьяат зүтгэлтэн, яруу найрагч Дөнгөтийн Цоодол, Ардын уран зохиолч Тангадын Галсан нар оролцож байгаа аж. Ардын уран зохиолч Бавуугийн Лхагвасүрэн оролцоно хэмээн мэдээлж байсан ч найрагч нөхдийнхөө хүсэлт, шахалтаар шүүгчдийн суудалд суухаар болсон тухай манай сэтгүүлч мэдээллээ.

“Болор цом” наадам энэ жил 33 дахь жилдээ зохиогдож байгаа юм.

Өнгөрсөн долоо хоногт Москва хотноо ОХУ-ын Буриад улсын “Уряал” соёлын төвийн санаачилгаар “Цагаалган” ёслолын ажиллагаа болж өнгөрчээ.

Энэхүү үйл ажиллагаанд Монгол, Буриад, Халимаг, Тува, Өвөрмонголын уран бүтээлчид оролцож, үндэсний нэгдмэл соёлоо сурталчилсан байна. Тэд Москва хотын Ардын урлагийн театрт нэгдсэн тоглолт хийж, Оросын Шинжлэх Ухааны академийн “Академический” танхимд үндэсний хувцас, соёл, хоолоо сурталчилсан үзэсгэлэн гаргажээ.

Монгол туургатнуудын нэгдсэн тоглолтод Буриадын дуурь, бүжгийн театр, Халимагийн төв театр, Өвөрмонголын дуучин Цэцэгмаа, Бадамханд нараас гадна ОХУ дахь Буддын соёлын төвийн лам нар оролцсон байна.

Өнгөрсөн нэгдүгээр сарын 30-31-нд Монте Карлогийн фестивалийн залуу циркчдэд зориулсан “New Generation” уралдаан болж өнгөрчээ. 2012 онд Моназогийн гүнж Стефанигийн санаачлан бий болгосон, 20 хүртэлх насны циркчдийн уралдаанд манай уран нугараачид оролцож тусгай байр эзэлсэн байна.

Тэмцээнд Монако, Герман, Англи, Этиоп, Итали, Испани, Канад, Америк, Орос, Швед, Хятад, Беларус, Унгарын циркчид оролцжээ. Монголоос “Циркус Монголиа Хадгаа”-гийн Ч.Энхчимэг, Х.Сарнай, Б.Анар, Г.Уянга нарын нугараач оролцож Герман улсын циркт тоглох урилга авсан аж.