Category: соёл-урлаг

Mонголын Урлагийн Зөвлөл (МУЗ)-өөс санаачлан Ази-Европын Сангийн дэмжлэгтэйгээр соёлын олон төрлийг хөгжүүлэх, техник технологийн дэвшилд тулгуурласан дэлхийн шилдэг бүтээлийг Монголын үзэгчдэд хүргэх, дүрслэх урлагийн салбарын олон улсын хамтын ажиллагааг нэмэгдүүлэх зорилгоор “Улаанбаатар” олон улсын медиа урлагийн наадмыг 2016 оны 6 сарын 9-нөөс 7 сарын 9-ний хооронд анх удаа зохион байгуулахаар болжээ.

Наадмын хүрээнд “Уламжлал ба шинэчлэл” сэдэвтэй Ази-Европын шилдэг дөрвөн уран бүтээлчийг танилцуулсан үзэсгэлэнг Занабазарын нэрэмжит Дүрслэх урлагийн музейд зохион байгуулах юм байна.

Дуучин Т.Солонго Цэрэг эрсийн баярт зориулан “Хотын болзоо” бие даасан тоглолтоо энэ сарын 18-ны өдөр хийх гэж байна.

Тоглолтонд дуучин Т.Солонго өөрийн бие даасан уран бүтээлүүдээсээ толилуулахаас гадна түүнтэй хамтран дуулсан хамтлаг дуучид урилгаар оролцох аж. Тухайлбал, МУГЖ дуучин Б.Дашдондог, продюсер, төгөлдөр хуурч Б.Чинбат, Sweetymotion хамтлаг, дуучин С.Сэрчмаа, Б.Баярцэцэг, Ж.Буянаа болон Э.Энхзол нар хамтран дуулах нь.

Тоглолт Хүүхдийн урлан бүтээх төвийн урд байрлах “Salm Pub and Bar”-д 20.00 цагт эхэлнэ. Хүрэлцэн ирсэн үзэчгдээ уух зүйлээр дайлахаас гадна азтан шалгаруулж ивээн тэтгэгчийн гарын бэлгийг гардуулна. Мөн цэргийн баярыг тохиолдуулан эрчүүдэд зориулсан сюрпризтэй юм байна.

Энэ сарын 4-нөөс 13-ны хооронд Осакад Азийн кино наадам амжилттай болж өндөрлөв. Тус наадамд найруулагч Б.Үйзэнмаа “Don`t look at me that way” бүтээлээрээ оролцож, “Most promising talent award” шагнал хүртсэн байна. Германы Баварийн кино наадмын “Шилдэг залуу найруулагч”-аар тодорсон тэрбээр шинэ киноны төсөл бичиж эхэлжээ. Б.Үйзэнмаа 1984 оноос Германд амьдарч, Мюнхений кино телевизийн дээд сургууль төгсчээ. 2007-2011 онд дээрх уран бүтээлээс гадна гурван кино хийсэн байна. Б.Үйзэнмаа нь урлагийн гэр бүлээс гаралтай нэгэн бөгөөд аав Борхүү нь зураач, ах нь мөн найруулагч аж. Түүний “Над руу ингэж битгий хар” кино “Кино шүүмжлэгчдийн олон улсын холбоо”-ны шагнал, Испанийн REC наадмаас шагнал хүртэж байжээ.

“Монгол циркийн хөгжлийн төв” төрийн бус байгууллага, Монголын үндэсний цирктэй хамтран “Дэлхийн цирк Монголд 2016 ” олон улсын циркчдын тоглолтыг зохион байгуулах гэж байна.

Тоглолтын онцлог нь олон улсын циркчдийн тэмцээнээс эхний гурван байранд шалгарсан циркчид оролцохоороо онцлогтой гэнэ. Тоглолтод нийт 15 орны 70 гаруй циркчид оролцох юм байна. Энэ жилийн “Дэлхийн цирк Монголд 2016 ” тоглолтод ховорт тооцогдох лам гөрөөс, одой морь, сургуулилттай нохой, сармагчин, арслан зэрэг амьтад оролцох юм байна. Уг тоглолт энэ сарын 26-наас дөрөвдүгээр сарын 10-ныг хүртэл үргэлжлэх аж.

Сүхбаатар дүүргийн ерөнхий боловсролын сургуулийн
сурагчдын дунд их зохиолч Д.Нацагдоржийн нэрэмжит өсвөрийн яруу найрагчдын
“Хүрэл тулга-2016” наадам амжилттай болж өнгөрлөө. Хүүхэд багачуудыг үгийн
баялаг сантай танилцуулж, санаж бодсоноо урнаар илэрхийлж сургах зорилготой уг
наадам 6-9, 10-12 анги гэсэн насны ангиллаар болов. Энэхүү наадмын шүүгчээр
МЗЭ-ийн шагналт, яруу найрагч, “Ардын эрх” сонины хариуцлагатай нарийн бичгийн
дарга Г.Сонинбаяр, МСЭ-ийн гишүүн, “Шинэ мянган” утга зохиолын нэгдлийн гишүүн,
сэтгүүлч-яруу найрагч С.Батгүр нар ажиллалаа. Наадмын эхний шатанд хүүхдүүд
өөрсдийн зохиосон шүлгээ уншиж, хоёр дахь шатанд хамгийн өндөр оноотой тус бүр
10 хүүхэд шүүгчдээс өгсөн Ертөнц, Огторгуй сэдвээр арван минутын хугацаанд
шүлэг зохиож өрсөлдсөн юм. Ингээд 6-9 ангийн насны ангилалд тэргүүн байрт 11
дүгээр сургуулийн сурагч Н.Саранжил шалгарсан болудаахь байруудад 3 дугаар
сургуулийн Э.Алтаншагай, 2 дугаар сургуулийн Э.Энх-Уул, тусгай байрт МУБИС-ийн
ЕБС-ийн сурагч Г.Намуун-Индра нар шалгарав. Харин 10-12 ангийн насны
ангилалд тэргүүн байрт МУИС “Байгаль эх” лицей сургуулийн 12 дугаар ангийн
сурагч Д.Энхтуул, удаахь байруудад 71 дүгээр сургуулийн А.Сайханбаяр, 2 дугаар
сургуулийн Б.Тэмүүлэн нар шалгарч, тусгай байрт 2 дугаар сургуулийн Х.Буянбат
нар орлоо. Мөн энэ үеэр 12 дугаар ангийн Х.Буянбат,С.Тэмүүжин,Д.Энхтуул нарт
Утга зохиол, нийгмийн ажилтны дээд сургуулиас өөрийн сургуульдаа элсэн суралцах
эрхийн бичиг гардуулав.

Нийслэлийн Засаг даргын Тамгын газар АНУ-ын Филадельфийн Симфони найрал хөгжмийн чуулга хооронд хамтран ажиллах тухай Санамж бичигт Элчин сайд Б.Алтангэрэл, тус чуулгын Ерөнхийлөгч Аллисон Вулгамор нар 2016 оны 3 дугаар сарын 3-ны өдөр Конгрессын ордонд гарын үсэг зурсан. Энэхүү Санамж бичгийн дагуу АНУ-д төдийгүй дэлхийд нэртэй Филадельфийн Симфони найрал хөгжмийн чуулга 2017 оны 6 дугаар сард Улаанбаатар хотод зочлон бүрэн бүрэлдэхүүнээрээ тоглох болсон.

Хоёр орны соёлын хамтын ажиллагааг өргөжүүлэх, хүн хоорондын харилцан ойлголцлыг гүнзгийрүүлэхэд чухал ач холбогдолтой энэхүү арга хэмжээ болох тухай дэлгэрэнгүй мэдээллийг “Өдрийн сонин”-ы Вашингтон дахь тусгай сурвалжлагч М.Саруул-Эрдэнийн сурвалжлага нийтлэл хэвлэгдсэн билээ.

“Монгол циркийн хөгжлийн төв” төрийн бус байгууллага, Монголын үндэсний цирктэй хамтран зохион байгуулдаг “Дэлхийн цирк Монголд 2016” олон улсын циркдийн хамтарсан тоглолт гурав дахь удаагаа болох гэж байна. Тус тоглолтод Монгол, БНАСАУ, АНУ, Англи, Канад, Испани, БНХАУ, ОХУ, Украин, Вьетнам зэрэг 12 орны 60 гаруй А зэрэглэлийн шилдэг жүжигчид оролцох юм байна.

Дэлхийд чансаагаараа тэргүүлдэг Ардчилсан Солонгосын агаарын нисэлтийн үзүүлбэр, циркийн амь эрссэн номеруудын нэг үхлийн цагираг буюу 10 метрийн өндөртэй төмөр цагираг дээрх үзүүлбэрээ БНХАУ-ын жүжигчид толилуулах аж. Испанийн жүжигчид илбийн үзүүлбэрээр, сургуультай сармагчингууд, Африкийн гурван метр урттай аварга матар, ховор үүлдрийн нохойнууд сонирхолтой үзүүлбэрээ үзүүлэх бөгөөд Монголын циркчид агаарт зургаа эргэн дэлхийн рекордыг эвдсэн шидэх банзны үзүүлбэрээрээ оролцох ажээ.

“Дэлхийн цирк Монголд 2016” тоглолт энэ сарын 26-аас дөрөвдүгээр сарын 10 хүртэл Монголын үндэсний циркт болох юм байна.

Төрийн хошой шагналт Н.Жанцанноров “Говь тал” чуулбар тоглолтоо энэ сарын 28-нд толилуулах гэж байна. Тэрбээр “Дорнодын цэнхэр аялгуу”, “Оюу эрдэнийн говь” цомгуудаасаа түүвэрлэн энэхүү тоглолтоо хийх юм.

“Чихнээ яруу эгшиглэх энэхүү чуулбарыг сонсоход үзэсгэлэн төгөлдөр, тэнүүн говиор аялахын сацуу тэнд өрнөж буй эрин зууны бүтээн байгуулалтын анир мэдрэх буй за” хэмээн тоглолтынхоо талаар өгүүлжээ.

“Говь тал” чуулбарт гавьяат Г.Ариунбаатар, хөгжмийн зохиолч Д.Түвшинсайхан, морин хуурч Р.Амарбаяр, Х.Батзаяа нарын уран бүтээлчид оролцох ажээ.

Тайзны урлагийн шилдгүүдийг шалгаруулдаг “Гэгээн муза” наадам энэ жил 13 дахь жилдээ зохиогдох гэж байна. Энэ наадам жил бүр хүрээгээ тэлж, аймаг орон нутгийн театрын бүтээлүүдийг сорихоос гадна олон улсын хэмжээнд зохион байгуулагдах болсон юм.

“Гэгээн муза” наадам хоёр жилийн өмнөөс хүүхдийн жүжгийн төрлөөр шалгаруулалтаа нэмсэн. Ингэснээр орон нутгийн хүүхэд залуучуудын театрын уран бүтээлчид идэвхтэй оролцож, бүтээлүүдийнхээ чансааг сайжруулсаар байгаа. Тэгвэл энэ жилийн “Гэгээн муза” наадмын зохион байгуулагчид Орхон аймгийн хүүхэд залуучуудын театраас шалгаруулалтаа эхэлж байна.

Одоогоос 16 жилийн өмнө драмын жүжигчдийн сурч боловсрох, мэргэжлийн өрсөлдөөнийг бий болгох зорилготой “Драмын мэргэжлийн жүжигчдийн төв” байгуулагдаж байсан. Энэ төв байгуулагдаснаар оны шилдэг жүжигчдийг шалгаруулах, алдаршуулах “Гэгээн муза” наадмыг зохион байгуулж эхэлсэн түүхтэй.

“Хурд” хамтлаг олон улсын эмэгтэйчүүдийн эрхийг хамгаалах өдрийг тохиолдуулан энэ сарын найманд тоглолтоо хийх гэж байна. Энэ удаагийн тоглолт нь нэг өдөр хоёр удаа тоглохоороо онцлогтой гэнэ. Тодруулбал энэ сарын найманд 15:00 цагаас “Аса” циркт “Инээмсэглэ бүсгүйчүүд”, үдшийн 20:00 цагаас ”Ханиа дуулъя” тоглолт “Castle club”-т тус тус тоглогдох аж. Тус хамтлагын цоо шинэ “Нарлаг диваажин” цомог тоглолтын үеээр худалдаанд гарах юм байна.

“Хурд” хамтлагын гитарчин, ая зохиогч Д. Отгонбаяртай ярилцлаа.

-Энэ өдрийн мэндийг хүргэе. “Хурд” хамтлагын тоглолтыг хүсэн хүлээж байсан их олон хүмүүс байлаа?

-Манай хамтлагт тоглолт хийгээч гэсэн маш олон санал ирдэг. Бид аль болох зав цагаа тохируулаад жилдээ ганц удаа ч болтугай үзэгчидтэйгээ уулзахыг хүсдэг. Олон улсын эмэгтэйчүүдийн эрхийг хамгаалах өдрийг тохиолдуулан жил бүр уламжлал болгон тоглолтоо хийж байна. Энэ жилийн тоглолтын маань бэлтгэл ажил дуусаж, сонсогчидтойгоо уулзахад бэлэн болоод байна.

-Тоглолтод ямар ямар уран бүтээлүүд дуулагдах бол?

-Бидний үе үеийн шилдэг дуунууд болон шинэ цомогт багтсан дуунуудаас дууоагдах болно.

-Хамтлаг шинэхэн цомгоо өлгийдөн авчээ. Шинэ цомгийн талаар мэдэлэл өгөхгүй юу?

-“Хурд” хамтлаг дөнгөж өчигдөр шинэ цомгоо хүлээж авлаа. Шилдгийн шилдэг хорь гаруй бүтээлээс сонгогдсон нийт 18 дуутай “Нарлаг диваажин” цомог маань сонсогчдод хүрэхэд бэлэн боллоо. Өмнөх цомгууд шиг Монгол түмэнд минь хүрч, дуулах дуртай дуунуудынх нь тоог нэмэх байх гэж найдаж байна.

-Цомог хэзээнээс худалдаанд гарах вэ?

-Манай хамтлагийн цомог зөвхөн бидний тоглолтод худалдаалагдагаараа бусдаас онцлогтой. Энэ сарын 8-нд тоглолтод хүрэлцэн ирсэнээр цомгийг худалдан авах боломжтой. Ямар нэг CD shop, дэлгүүрүүдээр зарагдахгүй.

-Энэ удаагийн тоглолтод урилгаар ямар хамтлаг дуучид ирж ая дуугаа хүргэх бол?

-Урилгаар “Аадар” хамтлаг болон дуучин Т. Солонго нар хүрэлцэн ирнэ.

-Яагаад нэг өдөр хоёр удаа тоглолт хийх болов?

-Бид үзэгчдийнхээ байр суурьнаас хандаж үзсэн л дээ. Эрчүүд маань ээж, хань хоёроо зэрэг баярлуулах гэж хэцүү шүү дээ. Тийм болохоор өдөр нь ээжийгээ баярлуулчихаад орой нь хайрт ханиа баярлуулах боломжийг олгож байгаа юм. Оройны тоглолт маань ерөнхийдөө party маягын болно гэж ойлгож болно.

-“Хурд” хамтлагын ихэнх сонсогчид эмэгтэйчүүд байдаг. Тэгвэл тоглолтод хүрэлцэн ирсэн бүсгүйчүүддээ ямар гэнэтийн бэлэг барих гэж байна?

-Тийм. Ерөнхийдөө зууны далан хувь нь эмэгтэйчүүд байдаг шүү. Бидний хувьд энэхүү тоглолт маань өөрөө гэнэтийн бэлэг юм болов уу? Мөн манай хамтлагтай удаан хугацаанд хамтран ажиллаж буй үндэсний үйлдвэрлэгч байгууллага бий. “Халгай” брендийн хамт олон тоглолтод хүрэлцэн ирсэн бүх бүсгүйчүүддээ гарын бэлэг өгөх юм билээ.

-Сүүийн үед юу хийж, ямар уран бүтээл дээр ажиллаж байна вэ?

-Уран бүтээлийн хувьд шинэхэн цомог дээрээ ажилласан. “Хурд” хамтлаг өмнө нь зөвхөн Улаанбаатар хотод байдаг байсан. Харин одоо Солонгос, Өвөрмонгол гэх мэт олон орнуудаар явж тоглолтоо хийж байна. Тийм учраас цаг зав тун тааруу байгааг сонсогчид минь ойлгоорой.

-Тоглолтын тасалбар хэзээнээс худлдаанд гарах вэ, хаанаас худалдан авах боломжтой вэ?

-15:00 цагын тасалбарыг “Аса” циркийн билетийн кассаар. Харин “Castle club”-д болох партины тасалбарыг тухайн өдрөө энэ клубээс ирж авах боломжтой. Мөн 99117476 дугаарт холбогдон гэртээ хүргүүлэн авч болно.

Э.Ариунзул