Category: улс-төр

Categories
мэдээ нүүр-хуудасны-онцлох онцлох-нийтлэл туслах-ангилал улс-төр

Д.Ганбат: Үндсэн хуулийн Цэцийн тухай шинэчилсэн найруулгын төслийн ард МАН-ынхны эрх ашиг нуугдаад байна DNN.mn

УИХ-аар хэлэлцэгдэж буй Үндсэн хуулийн Цэцийн тухай хуулийн шинэчилсэн найруулгын төслийн талаар УИХ-ын гишүүн Д.Ганбаттай ярилцлаа.

-Хүний үндсэн эрхийг Цэц хэлэлцдэг болох зохицуулалт бүхий Үндсэн хуулийн Цэцийн тухай хуулийн шинэчилсэн найруулгыг УИХ-аар хэлэлцэж байна. Гэтэл Ардчилсан нам оролцохгүй гэж мэдэгдлээ. Энэ улс төрийн акц уу. Уг нь хүний эрхийн асуудлыг Цэц хэлэлцдэг болох нь чухал биш гэж үү?

-Үндсэн хууль бол ард түмэнтэй байгуулсан гэрээ. Тэр дундаа хүний эрхийг хангахад чиглэдэг. Хүний эрхийн баталгааг хангахад манайх их сул явж ирсэн.

Хүний эрх газар сайгүй өнөөдөр ч зөрчигдөж байна. Үндсэн хуульд эрүүл аюулгүй орчинд амьдарна гээд заачихсан. Гэтэл Улаанбаатарын, аймгуудын өнөөдрийн нөхцөл байдал ямар байгаа билээ.

Наад зах нь агаар, түгжрэл, хөрс, эрүүл мэндийн үйлчилгээ, иргэдийн хэрэглэж байгаа эм тан стандарт шаардлага хангаж байна уу гээд үзвэл үгүй. Энэ бол хүний эрхийн зөрчлийн нэг хэлбэр. Хэн хүний эрхийн зөрчил гаргаж байна гэхээр эрх мэдэл бүхий албан тушаалтан, эрх баригч, Засгийн газар. Эсвэл хүний эрх эдлэх эрхийг нь хангах эрх бүхий байгууллага.

Тиймээс хүний үндсэн эрхийг хангуулъя. Үндсэн хуулийн Цэц үүнийг хянадаг, хамгаалдаг болох ёстой гэж үеийн үед ярьж ирсэн. Хүний эрхийг Цэц хэлэлцдэг болсноор хүний эрхийг зөрчиж байгаа албан тушаалтнуудад үүрэг өгөх, буруутай этгээдүүдэд хариуцлага тооцох эрх зүйн орчин бүрдэнэ. Өөрөөр хэлбэл, Үндсэн хуулийн зүйл заалт бүрээр хүний эрхийн баталгааг сахиулахад анхаарч ажиллана гэсэн үг.

Одоо бол Үндсэн хуулийн Цэц гол асуудлаа хэлэлцэхгүй байгаа шүү дээ. Гэтэл энэхүү хуулийн ард гуя дагаж хүзүү гэгчээр янз бүрийн болохгүй бүтэхгүй заалтуудыг оруулаад ирчихсэн. Ер нь зарчмын том зүйлийн цаана хувийн өчүүхэн жижиг эрх ашиг нуугдаж байдаг. Энэ хуулийн ард МАН-ынхны эрх ашиг нуугдаад байна.

-Ямар?

-МАН Үндсэн хуулийн Цэцийг гар хөлийн үзүүрээр хөдөлгөж байна. Бүгд тэдний хараат маягтай ажиллаж байгааг олон нийт мэдэж байгаа шүү дээ. Энэ нь МАН-ынхны хэлж буй үгнээс нь ч ойлгогдохоор байгаа. Үндсэн хуулийн Цэц хууль тогтоох байгууллага биш. Хууль тогтоох эрх ганцхан УИХ-д хадгалагдана гэсээр байтал Үндсэн хуулиар “давхар дээлийг” хэдэн удаа ч өөрчлөв. МАН-ынхан айгаад хийж чадахгүй байгаа “давхар дээлээ” Үндсэн хуулийн Цэцээр хийлгэсэн. Энэ хуулийн өөрчлөлтийг харахад одоо тэр хариу төлбөрөө төлөх гэж байгаа юм болов уу. Цэцийн гишүүнийг улираан сонгох боломжийг нь хангах гэж байгаа юм уу гэж хардаж байна. Тиймээс л бид дараагийн УИХ хэлэлцэх нь зүйтэй гэсэн байр суурь илэрхийлсэн. Хүний үндсэн эрхийг хэлэлцдэг болъё гэдгээс бусад бүх заалт нь асуудалтай байгаа. Энэ зохицуулалтаар нуувч хийж хамаг болохгүй, бүтэхгүй юмыг хийсэн байна лээ. Тиймээс Үндсэн хуульд үнэнч байдаг гишүүд, АН-ын бүлэг Үндсэн хуулийг зөрчсөн энэ хуулийг дэмжихгүй, хэлэлцүүлэгт оролцохгүй гэсэн шийдвэрийг гаргасан.

-Үндсэн хуулийн Цэцийн гишүүнээр хууль зүй, улс төрийн өндөр мэргэшилтэй хүнийг томилдог. Энэ хуулиар “дээд боловсролтой” болгож өөрчилж байгаа нь яагаад эрх зүйн орчныг дордуулж байна гэж?

-Үндсэн хуулийн Цэцийн гишүүнийг зургаан жилээр нэг удаа томилж байгаа. Олон улсын жишигт нэг бол Цэцийн гишүүнийг нэг удаа томилдог. Эсвэл бүх насаар нь томилдог. Ингэж байж хараат бусаар ажилладаг. Гэтэл хоёр дахь удаагаа томилж болох заалт Үндсэн хуулийн Цэцийн тухай хуулийн шинэчилсэн найруулгад байна. Дахин томилогдохын тулд өнөөх гишүүд нь томилогдсон газраасаа хараат болчихдог.

Үүнээс гадна Улсын дээд шүүхийн гурван шүүгч Шүүхээсээ Үндсэн хуулийн Цэцэд томилолт аваад очиж болно гэсэн заалт байна. Гэтэл Үндсэн хуульд УИХын гишүүн, Улсын дээд шүүхийн шүүгч, Ерөнхий сайд, Ерөнхийлөгч зэрэг албан тушаалтнууд Үндсэн хуулийн Цэцийн гишүүнээр ажиллаж болохгүй гэсэн заалттай. Гэтэл энэхүү Үндсэн хуулиа зөрчсөн Үндсэн хуулийн Цэцийн шинэчилсэн найруулгыг оруулж ирлээ. Шат шатны байгууллагууд үүнийг хянаж Хууль тогтоомжийн тухай хуульд нийцүүлэх ёстой. Гэтэл наад захын шаардлага хангахгүй байгаа энэ хууль хаагуур ч орж ирдэг юм бэ. Оруулж ирээд бүр хэлэлцэх эсэхийг нь шийдчихсэн.

Үндсэн хуулийн хэрэгжилтийг хянадаг Үндсэн хуулийн Цэцийн шинэчилсэн найруулгыг долоо хэмжиж нэг огтлох ёстой талаар би удаа дараа хэлж байгаа. Хууль тогтоомжийн тухай хуульд нийцүүлсэн, олон түмнээр хэлэлцүүлсэн, нухацтай хууль батлах ёстой. Парламентын отгон чуулган эхлэхээс долоо, наймхан хоногийн өмнө гэнэтхэн яаравчилж өргөн барьсан. Энэ хаврын чуулганаар х элэлцэх асуудлын жагсаалтад байгаагүй. Өнөөдөр улстөрч бүхэн сонгууль гээд ухаан жолоогүй гүйж байгаа. Нөгөөтэйгүүр Үндсэн хуульд нэмэлт, өөрчлөлт оруулж сонгуулийн холимог тогтолцоотой, УИХ-д салбар бүрийн төлөөллийг хангасан 126 гишүүнтэй болох гэж байгаа үе таарч байна. Дараагийн УИХ-д сонгогчдын санал гээгдэхгүй парламент бий болно гэж бид үзэж байгаа. Иргэдийн 40-хөн хувийг авчихсан МАН-ынхан УИХ-ын 80 хувийг бүрдүүлж байгаа энэ үед энэхүү хуулийн төслийг батлах нь буруу. Наанадаж хуулийн хүлээн зөвшөөрөгдөх байдалд муу нөлөөтэй гэж бид хэлээд байгаа юм л даа.

-Үндсэн хуулийн Цэцийн гишүүн хууль зөрчсөн үйлдэл гаргавал УИХ Үндсэн хуулийн Цэцэд ханддаг болох нь хариуцлагаас зугтааж байгаа үйлдэл үү?

-Тийм. Энэ зохицуулалтаар Үндсэн хуулийн Цэцийн гишүүн ямар ч хариуцлага хүлээхээргүй байна л даа. Бидэнд гашуун туршлага бий. Улс орны хөгжлийг саатуулсан, аж ахуйн ажилд оролцсон хаа хамаагүй шийдвэрийг Үндсэн хуулийн Цэц гаргадаг. Жишээлбэл, төмөр замын асуудлаар УИХын тогтоол гарчихсан байхад тэрхүү тогтоолыг өөрчилсөн шийдвэрийг гаргаж байсан. Тухайн үеийн Цэцийн гишүүний хүүхэд нь томилгоо авч гадаадад консулаар ажилласан. Үндсэн хуульдаа үнэнч байж Монголын ард түмэнд бус томилсон хүндээ зүтгэх асуудал бий. Дараа нь ямар ч хариуцлага үүрэхгүй байх нөхцөлийг бүрдүүлэх гэсэн заалт нуугдсан байна лээ.

Categories
мэдээ улс-төр

Байнгын болон түр хороодын хуралдаан болно DNN.mn

Улсын Их Хурлын байнгын хороодын 2024 оны дөрөвдүгээр сарын 03-ны өдрийн хуралдааны тов, хэлэлцэх асуудлыг танилцуулж байна.

Д/Д ХУРАЛДААН ХЭЛЭЛЦЭХ АСУУДАЛ ЦАГ ТАНХИМ
1 Байгаль орчин, хүнс, хөдөө аж ахуйн байнгын хороо ·  Малчин өрхийн холбооны эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүд /УИХ-ын гишүүн Ж.Батжаргал нарын 38 гишүүн 2024.03.25-ны өдөр өргөн мэдүүлсэн, хэлэлцэх эсэх/

·  Байнгын хорооны тогтоолын төсөл /Ажлын хэсгийг шинэчлэн байгуулах тухай/

·   Байнгын хорооны тогтоолын төсөл /Цаглавар батлах тухай/

·        Бусад

 10.00 “Үндсэн хууль”
2 Эдийн засгийн байнгын хороо ·   Үнэт цаасны зах зээлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2023.12.22-ны өдөр өргөн мэдүүлсэн, эцсийн хэлэлцүүлэг/

·      Мэргэжлийн нэгдсэн холбооны эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүд /УИХ-ын гишүүн Н.Учрал 2019.02.20-ны өдөр өргөн мэдүүлсэн, анхны хэлэлцүүлэг/

·   Байнгын хорооны тогтоолын төсөл /Цаглавар батлах тухай/

·         Бусад

 13.30 “Жанжин Д.Сүхбаатар”
3 Төрийн байгуулалтын байнгын хороо ·  “Монгол Улсын засаг захиргаа, нутаг дэвсгэрийн нэгжийг өөрчлөх асуудлаар иргэдийн санал авах журам батлах тухай” Улсын Их Хурлын тогтоолын төсөл /Засгийн газар 2022.01.05-ны өдөр өргөн мэдүүлсэн, анхны хэлэлцүүлэг/

·        Бусад

 14.00 “Үндсэн хууль”
4 Хянан шалгах түр хороо /Эмийн үнийн өсөлтийн шалтгаан, нөхцөлийг хянан шалгах/ · Эмийн үнэд нэмэгдсэн өртгийн албан татвар /худалдааны үе шатанд болон эцсийн хэрэглэгчид/ хэрхэн нөлөөлж буй талаар Татварын ерөнхий газрын мэдээлэл /хаалттай/ 16.00 “Их засаг”
Categories
мэдээ улс-төр

Улс төрийн намыг шинээр бүртгүүлэх өргөдөл авах хугацаа дуусчээ DNN.mn

Улс төрийн намыг бүртгүүлэх өргөдлийг хүлээж авах хугацаа дууссаныг Дээд шүүхээс албан ёсоор мэдэгдэв.

Улс төрийн намын тухай хуулийн 14 дүгээр зүйлийн 14.10 дахь хэсэгт “Улсын их  хурлын сонгуулийн санал хураалт болохоос 90 хоногийн дотор намыг бүртгүүлэх өргөдлийг Улсын дээд шүүх хүлээн авахгүй бөгөөд энэ хуулийн 12.1, 13.1, 14.1-д заасан хугацаа түдгэлзэнэ” хэмээн заасан байдаг.

Өнөөдрийн байдлаар Дээд шүүхэд бүртгэлтэй 37 нам байна. Өнгөрсөн жил 35 нам бүртгэлтэй байсан. Хамгийн сүүлд  Иргэдийн оролцооны нэгдэл нам, Сайн ардчилсан иргэдийн нэгдсэн нам шинээр бүртгүүлжээ.

Харин комедиан Д.Амартүвшингийн байгуулсан “Монголын либертари нам”-ыг бүртгэсэнгүй. Тэрбээр өнгөрсөн оны арванхоёрдугаар сард намаа бүртгүүлэхээр хоёр дахь удаагаа бүртгүүлсэн ч Дээд шүүх бүртгэхээс татгалзсан. Шалтгаанаа “Гишүүдийнх нь ургийн овог, овог, регистрийн дугаар зөрсөн. Мөн зарим мэдээлэл зөрүүтэй” хэмээн тайлбарласан байдаг. Тэгвэл дөрөв хоногийн өмнө гурав дахь удаагаа намаа бүртгүүлэхээ мэдэгдсэн ч хуулийн хугацаа дууссан учир амжсангүй.

Categories
мэдээ улс-төр

Хавсран суух Элчин сайд нар Итгэмжлэх жуух бичгээ өргөн барив DNN.mn

Монгол Улсын Ерөнхийлөгч Ухнаагийн Хүрэлсүхэд Нидерландын Хаант Улсаас Монгол Улсад хавсран суух Онц бөгөөд Бүрэн эрхт Элчин сайд Андре Хаспелс, Бельгийн Хаант Улсаас Монгол Улсад хавсран суух Онц бөгөөд Бүрэн эрхт Элчин сайд Бруно Анжелет, Люксембургийн Их Гүнт Улсаас Монгол Улсад хавсран суух Онц бөгөөд Бүрэн эрхт Элчин сайд Роланд Рейланд, Румын Улсаас Монгол Улсад хавсран суух Онц бөгөөд Бүрэн эрхт Элчин сайд Дан Ориа Максим нар Итгэмжлэх жуух бичгээ өргөн барив.

Ерөнхийлөгч Ухнаагийн Хүрэлсүх Элчин сайд нарыг үүрэгт ажилдаа орж буйд нь баяр хүргэж, ажлын амжилт хүсэв.

Харилцаа, хамтын ажиллагааг өргөжүүлэн хөгжүүлэх чиглэлээр Элчин сайд нар чармайн ажиллана гэдэгт итгэж байгаагаа хэлээд, төр, засгаас бүх талын дэмжлэг үзүүлэхээ илэрхийлэв.

Түүнчлэн олон улсын хамтын нийгэмлэг, НҮБ болон олон улсын байгууллагын хүрээнд харилцааг бэхжүүлэхийн төлөө байгаагаа тэмдэглэв.

  • Нидерландын Хаант Улсаас Монгол Улсад хавсран суух Онц бөгөөд Бүрэн эрхт Элчин сайд Андре Хаспелс
  • Бельгийн Хаант Улсаас Монгол Улсад хавсран суух Онц бөгөөд Бүрэн эрхт Элчин сайд Бруно Анжелет

  • Люксембургийн Их Гүнт Улсаас Монгол Улсад хавсран суух Онц бөгөөд Бүрэн эрхт Элчин сайд Роланд Рейланд

  • Румын Улсаас Монгол Улсад хавсран суух Онц бөгөөд Бүрэн эрхт Элчин сайд Дан Ориа Максим

Categories
мэдээ улс-төр

Хянан шалгах түр хорооны тогтоолын төслийг батлав DNN.mn

“Нийслэлийн нийтийн тээврийн чанар, хүртээмжийг нэмэгдүүлэх, парк шинэчлэх шаардлагын дагуу 2023 онд худалдан авсан автобусны худалдан авах ажиллагаанд хяналт шалгалт хийх, шалгалтын тайлан, санал, дүгнэлтийг танилцуулах үүрэг бүхий” Хянан шалгах түр хорооны хуралдаан өнөөдөр /2024.04.01/ 14 цагт гишүүдийн ирц бүрдсэнээр эхлэв.

Хуралдааны эхэнд Хянан шалгах түр хорооны дарга Ж.Бат-Эрдэнэ хэлэлцэх асуудлыг танилцуулсны дараа хуралдааны хаалттай горимоор нийт гурван асуудлыг хэлэлцэж, Хянан шалгах түр хорооны тогтоолын төслийг хэлэлцэн баталсан байна.

Ташрамд дурдахад, уг Хянан шалгах түр хороо Монгол Улсын Их Хурлын 2024 оны 13 дугаар тогтоолоор байгуулагдсан билээ.

Categories
мэдээ улс-төр цаг-үе

О.Цогтгэрэл: Тэмцэх тусам авлигаждаг улс төрийн тогтолцоо бий боллоо DNN.mn

УИХ дахь Ардчилсан намын бүлэг мэдээлэл хийлээ.

Намын бүлгийн дарга О.Цогтгэрэл “Бид өнөөдөр гурван асуудлаар нэгдсэн дүгнэлтэд хүрсэн. Эхнийх нь Мэргэжлийн Нэгдсэн Холбооны эрхзүйн байдлын тухай хуулийг энэ долоо хоногт УИХ-аар хэлэлцэнэ.

Үүгээр иргэний нийгмийн байгууллагын талаарх хуулийн шинэчилсэн найруулгын талаар саналаа хүргүүлнэ. Хоёрдугаарт нь шинэ парламентын хуулийн дэгийн асуудлын талаар, гуравдугаарт сүүлийн үед цахимаар дуулиан тариад байгаа оюуны дайжилт буюу “Brain Drain Index”-ийн талаар үзэл бодлоо илэрхийлэх юм.

Манай улсаас яагаад залуучууд гадагшаа дайжаад байна вэ гэдгийг олон улсын шинжээчид оюуны дайжилт буюу “Brain Drain Index” үзүүлэлтээр тодорхой харуулж байна. 2016 онд энэ үзүүлэлтээр 3.00 байсан бол өнгөрсөн онд 4.20 болтлоо өссөн. Энэ нь манай улсад амьдрах нөхцөл тааруу, залуучуудад боломж олдохгүй байгааг илэрхийлж байгаа юм.

Өмнө нь түр зуур гадагшаа явах хүсэлтэй байсан бол одоо эргэж ирэхгүйгээр гарах хүсэлтэй болжээ. Энэ үзүүлэлтийг гаргахдаа хоёр гол хэмжүүр байдаг аж. Эхнийх нь эдийн засгийн буюу цалин орлого хүрэлцээгүйгээс, хоёрдугаарт нь нийгмийн тэгш бус байдалтай холбоотой.

Авлига ихсэх тусам л иргэд Монголоос явах хүсэлтэй байгаа нь баримтаар нотлогдож байна. Эрх баригчид найман жил авлигатай тэмцэж байна гэж суртал ухуулга хийгээд байдаг үр дүн нь харагддаггүй. Уг нь тэмцэх тусмаа авлига буурах ёстой байтал эсрэгээрээ авлигын индексээр ухраад байдаг. Залуучууд ажил хийгээд байгаа мөртлөө л ядуу байна. Уг нь ядуурал гэдэг ажлын байр олдохгүй байгаа тохиолдолд нүүрлэдэг аюул. Гэтэл манай улсад эсрэгээрээ ажилтай байх тусмаа ядуураад байгаа тул залуучууд гадагшаа явах хүсэлтэй байна” хэмээн ярилаа.

Categories
мэдээ улс-төр

УИХ: Намын бүлэг, ажлын хэсгүүд хуралдана DNN.mn

Улсын Их Хурал дахь намын бүлэг, ажлын хэсгүүдийн 2024 оны дөрөвдүгээр сарын 01-ний өдрийн хуралдааны тов, хэлэлцэх асуудлын дарааллыг танилцуулж байна.

Д/Д ХУРАЛДААН ХЭЛЭЛЦЭХ АСУУДАЛ ЦАГ ТАНХИМ
НЭГ.НАМЫН БҮЛГИЙН ХУРАЛДААН
1 Улсын Их Хурал дахь Монгол Ардын намын бүлгийн хуралдаан 10.00 “Жанжин Д.Сүхбаатар”
2 Улсын Их Хурал дахь Ардчилсан намын бүлгийн хуралдаан 10.00 “Их засаг”
ХОЁР.АЖЛЫН ХЭСГИЙН ХУРАЛДААН
1 Эдийн засгийн байнгын хороо Мэргэжлийн нэгдсэн холбооны эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын дэд хэсгийн хуралдаан 09.00 “Үндсэн хууль”
2 Нийгмийн бодлогын байнгын хороо Хувийн нэмэлт тэтгэврийн тухай болон Хувийн тэтгэврийн тухай хуулиудын нэгтгэсэн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын  дэд хэсгийн хуралдаан 10.00 334 тоот
3 Боловсрол, соёл, шинжлэх ухаан, спортын байнгын хороо Хүмүүнлэг боловсролыг дэмжих тухай хуулийн төслийг хэлэлцүүлэгт бэлтгэх үүрэг бүхий ажлын хэсгийн хуралдаан 12.00 “Үндсэн хууль”
4 Эдийн засгийн байнгын хороо Үнэт цаасны зах зээлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын дэд хэсгийн хуралдаан 14.00 334 тоот
5 Хууль зүйн байнгын хороо “Монгол Улсын шүүх эрх мэдлийн хөгжлийн бодлого батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий ажлын дэд хэсгийн хуралдаан 14.00 УИХ-ын дэд даргын өрөө
6 Эдийн засгийн байнгын хороо Дархан-Улаанбаатар хоорондын авто замын ажлын явц байдалд хяналт тавих, үйл ажиллагааг эрчимжүүлэх үүрэг бүхий ажлын хэсгийн хуралдаан 16.00 “Их засаг”
Categories
мэдээ улс-төр цаг-үе

УИХ-ын сонгуулийн сонгогчдын нэрийн жагсаалтыг нээлттэй болгожээ DNN.mn

УИХ-ын сонгуулийн санал хураалт 2024 оны зургадугаар сарын 28-ны баасан гаригт явагдана.

Харин санал өгөх иргэдийн нэрийн жагсаалтыг УБЕГ-ын цахим хуудаст өнөөдрөөс эхлэн байршуулжээ.

Та сонгогчдын нэрийн жагсаалтад байгаа өөрийн болон өөрийн байнга оршин суугаа хаягийн бүртгэлд бүртгэгдсэн нийт сонгогчийн мэдээлэлтэй ЭНД дарж танилцана уу.

Categories
мэдээ улс-төр

Элчин сайд Ш.Одонбаатар итгэмжлэх жуухаа өргөн барьжээ DNN.mn

Монгол Улсаас Саудын арабын хаант улсад хавсран суух Элчин сайд Ш.Одонбаатар тус улсын угсаа залгамжлах ханхүү бөгөөд Ерөнхий сайд Мухаммад бин Салман бин Абдулазиз Аль-Саудад итгэмжлэх жуух бичгээ өргөн барьжээ.

Итгэмжлэх жуух бичгээ өргөн барьсны дараагаар Элчин сайдыг Саудын арабын хаант улсын угсаа залгамжлах ханхүү бөгөөд Ерөнхий сайд Мухаммад бин Салман бин Абдулазиз Аль-Сауд хүлээн авч уулзан хоёр орны цаашдын харилцаа, хамтын ажиллагааны асуудлаар санал солилцов.

Уулзалтын үеэр Элчин сайд Ш.Одонбаатар Монгол Улсын Ерөнхийлөгч У.Хүрэлсүхийн халуун дотно мэндчилгээг Саудын арабын хаант улсын хаан Салман бин Абдулазиз Аль-Сауд болон угсаа залгамжлах ханхүү бөгөөд Ерөнхий сайд Мухаммад бин Салман бин Абдулазиз Аль-Сауд нарт уламжилж, ойрын жилүүдэд хурдацтай хөгжиж буй хоёр улсын харилцаа, хамтын ажиллагааг боломжит бүхий л салбарт өргөжүүлэн хөгжүүлэхийн төлөө хүчин чармайлт гарган ажиллахаа илэрхийлэв.

Ханхүү Мухаммад бин Салман бин Абдулазиз Аль-Сауд Элчин сайд Ш.Одонбаатарт ажлын өндөр амжилт хүсэж, хоёр улсын харилцааг улам бүр өргөжүүлэх түүний ажил үйлсэд бүхий л талын дэмжлэг үзүүлэхээ нотлов.

Categories
мэдээ улс-төр

Хуулийн төслүүдийг анхны хэлэлцүүлэгт шилжүүлж, УИХ-ын тогтоолын төслийг батлав DNN.mn

Улсын Их Хурлын 2024 оны хаврын ээлжит чуулганы өнөөдрийн (2024.03.29) үдээс өмнөх нэгдсэн хуралдаан 10 цаг 54 минутад эхэлж, Улсын Их Хурлын гишүүн Ц.Мөнх-Оргил нарын 2 гишүүний 2024 оны 03 дугаар сарын 04-ний өдөр өргөн мэдүүлсэн Монгол Улсын Үндсэн хуулийн цэцийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн хэлэлцэх эсэх хэлэлцүүлгийг үргэлжлүүллээ. Улсын Их Хурлын 2024 оны 03 дугаар сарын 22-ны чуулганы нэгдсэн хуралдаанаар дээрх төслүүдийн хэлэлцэх эсэх хэлэлцүүлгийн үеэр Улсын Их Хурал дахь АН-ын бүлэг завсарлага авсан нь өнөөдөр дууссан бөгөөд Улсын Их Хурлын гишүүн, тус бүлгийн дарга О.Цогтгэрэл завсарлагын хугацаа дууссантай холбогдуулан үг хэлсэн юм.

Тус өдрийн хуралдааны үеэр гишүүд Хууль зүйн байнгын хорооны санал, дүгнэлт, хууль санаачлагчийн илтгэл, хуулийн төслийн үзэл баримтлалтай холбогдуулан асуулт асууж, хариулт, тайлбар авсан юм. Өнөөдрийн хуралдаанаар хуулийн төслийн үзэл баримтлалтай холбогдуулан гишүүд үг хэлэв. Үндсэн хуулийн нэмэлт, өөрчлөлттэй уялдуулах, эрдэмтэн, судлаачдын санал, дүгнэлт, олон улсын байгууллагуудын зөвлөмж гэх зэрэгт үндэслэн Монгол Улсын Үндсэн хуулийн цэцийн тухай хуулийн шинэчилсэн найруулгын төслийг хэлэлцэн, батлах шаардлагын талаар Ц.Мөнхцэцэг гишүүн хэллээ. Улсын Их Хурал төслийн хэлэлцэхийг дэмжсэн тохиолдолд холбогдох ажлын хэсгийг байгуулж, эрдэмтэн, судлаачид, улс төрийн нам, эвслүүд, иргэний нийгмийн төлөөлөл, хэвлэл мэдээллийн төлөөлөл зэргийг оролцуулсан хэлэлцүүлгүүдийг зохион байгуулж, тодорхой асуудлуудыг сайжруулах боломжтой гэж үзэж байгаагаа мөн дурдсан. Улсын Их Хурлын гишүүн Д.Ганбат, Н.Алтанхуяг нар хуулийн төслийг үзэл баримтлалын хүрээнд дэмжихгүй байгаагаа илэрхийлсэн бол Улсын Их Хурлын гишүүн Б.Энх-Амгалан, Б.Баттөмөр нар Үндсэн хуулийн цэц нь хүний үндсэн эрхийн маргааныг хянан хэлэлцдэг буюу иргэдийн үндсэн эрхийн баталгааг хангадаг гол механизм болж, чанаржиж, шүүхийн статустай ажиллах зохицуулалтыг төсөлд тусгасан гэдгийг онцлоод, төслийг үзэл баримтлалын хүрээнд хэлэлцэхийг дэмжиж байгаагаа илэрхийлсэн.

Ийнхүү гишүүд үг хэлж, байр сууриа илэрхийлсний дараа санал хураалт явуулахад чуулганы нэгдсэн хуралдаанд оролцсон Улсын Их Хурлын 37 гишүүний 67.6 хувь нь дэмжсэн тул Монгол Улсын Үндсэн хуулийн цэцийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг анхны хэлэлцүүлэгт бэлтгүүлэхээр Хууль зүйн байнгын хороонд шилжүүллээ.

Үндсэн хуулийн цэцэд маргаан хянан шийдвэрлэх тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн хэлэлцэх эсэхийг шийдвэрлэх хэлэлцүүлгээр өнөөдрийн чуулганы нэгдсэн хуралдаанаар үргэлжлэв. Улсын Их Хурлын 2024 оны 03 дугаар сарын 22-ны чуулганы нэгдсэн хуралдаанаар дээрх төслийн хэлэлцэх эсэх хэлэлцүүлгийн үеэр Улсын Их Хурал дахь АН-ын бүлэг завсарлага авсан нь өнөөдөр дууссан тул ийнхүү үргэлжлүүлэн хэлэлцлээ. Тухайн өдрийн чуулганы нэгдсэн хуралдааны үеэр гишүүд Хууль зүйн байнгын хорооны санал, дүгнэлт, хууль санаачлагчийн илтгэл, хуулийн төслийн үзэл баримтлалтай холбогдуулан асуулт асууж, хариулт, тайлбар авсан бөгөөд өнөөдрийн хуралдаанаар хуулийн төслийн үзэл баримтлалтай холбогдуулан гишүүд үг хэлэх шаардлагагүй хэмээн үзэв. Иймд санал хураалт явуулахад чуулганы нэгдсэн хуралдаанд оролцсон Улсын Их Хурлын гишүүдийн олонх буюу 70.3 хувь нь Үндсэн хуулийн цэцэд маргаан хянан шийдвэрлэх тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг үзэл баримтлалын хүрээнд хэлэлцэхийг дэмжсэн тул анхны хэлэлцүүлэгт бэлтгүүлэхээр харьяалах Байнгын хороонд шилжүүлэв.

Чуулганы нэгдсэн хуралдаанаар үргэлжлүүлэн “Монгол Улсын нэгдэн орсон олон талт олон улсын гэрээний хэрэгжилтийн талаар авах арга хэмжээний тухай” Улсын Их Хурлын тогтоолын төслийг хэлэлцэж, Хууль зүйн байнгын хорооны санал, дүгнэлтийг Улсын Их Хурлын гишүүн Б.Энх-Амгалан танилцуулсан.

Монгол Улс олон талт олон улсын гэрээнд нэгдэн орсноор хүлээсэн үүргийн хэрэгжилтийн тайланг холбогдох олон улсын байгууллагад хүргүүлэх, тайлантай холбогдуулан олон улсын байгууллагаас ирүүлсэн зөвлөмжийн дагуу хэрэгжүүлж байгаа ажлын явц байдалтай танилцах, санал, дүгнэлт боловсруулах үүрэг бүхий ажлын хэсгийн тайлан, санал, дүгнэлтийг Хууль зүйн байнгын хороо 2024 оны 03 дугаар сарын 28-ны өдөр хэлэлцсэн юм. Хууль зүйн байнгын хороо Монгол Улсын Их Хурлын чуулганы хуралдааны дэгийн тухай хуулийн 93 дугаар зүйлийн 93.1-т заасныг баримтлан “Монгол Улсын нэгдэн орсон олон талт олон улсын гэрээний хэрэгжилтийн талаар авах зарим арга хэмжээний тухай” Улсын Их Хурлын тогтоолын төслийг боловсруулжээ.

Тогтоолын төсөлд Монгол Улсын олон талт олон улсын гэрээтэй холбоотой эрх зүйн орчныг боловсронгуй болгох, холбогдох хууль тогтоомжид нэмэлт, өөрчлөлт оруулах саналыг боловсруулж, өргөн мэдүүлэх, Монгол Улсын олон талт олон улсын гэрээ болон холбогдох тайлбаруудыг орчуулж, хэвлэн нийтлэх, олон улсын гэрээний хэрэгжилт хариуцсан төрийн албан хаагчдыг чадавхжуулах, олон улсын гэрээний талаарх иргэдийн боловсролыг дээшлүүлэх, олон улсын гэрээний зүйл, заалтын практик хэрэглээг бий болгох, хэрэгжилт хариуцах төрийн байгууллага хоорондын уялдаа холбоо, мэдээлэл дамжуулах, солилцох цахим мэдээллийн нэгдсэн санг бий болгохыг Монгол Улсын Засгийн газарт даалгахаар тусгасан хэмээн Б.Энх-Амгалан гишүүн танилцууллаа. Байнгын хорооны хуралдаанд оролцсон гишүүдийн олонх “Монгол Улсын нэгдэн орсон олон талт олон улсын гэрээний хэрэгжилтийн талаар авах зарим арга хэмжээний тухай” Улсын Их Хурлын тогтоолын төслийг дэмжиж, чуулганы нэгдсэн хуралдаанаар хэлэлцүүлж, батлуулах нь зүйтэй гэж үзсэн байна.

Байнгын хорооны санал, дүгнэлттэй холбогдуулан Улсын Их Хурлын гишүүн Д.Ганбат асуулт асууж, ажлын хэсгээс хариулт, тайлбар авав. Үргэлжлүүлэн Байнгын хорооны саналаар “Монгол Улсын нэгдэн орсон олон талт олон улсын гэрээний хэрэгжилтийн талаар авах арга хэмжээний тухай” Улсын Их Хурлын тогтоолын төслийг батлах санал хураалт явуулахад чуулганы нэгдсэн хуралдаанд оролцсон Улсын Их Хурлын гишүүдийн 63.2 хувь нь дэмжив. Үүгээр чуулганы нэгдсэн хуралдаан өндөрлөлөө гэж Улсын Их Хурлын Хэвлэл мэдээлэл, олон нийттэй харилцах газраас мэдээлэв.