Category: спорт

Categories
мэдээ спорт

ПАРИС-2024: Өнөөдөр таван тамирчин өрсөлдөнө DNN.mn

Өнөөдөр манай улсын 5 тамирчин өрсөлдөнө.

Хөнгөн атлетик-Марафон: 14:00 цагаас МУГТ Б.Сэр-Од 6 дахь Олимпийн наадамдаа эх орноо төлөөлөн, эрхээ аван оролцох гэж байна. Тэрбээр энэхүү амжилтаараа хөнгөн атлетикийн түүхэнд хамгийн олон удаа Олимпийн наадамд оролцож буй тамирчин болж байна.
Өнөөдрийн чөлөөт бөхийн тэмцээн Улаанбаатарын цагаар 17:00 цагаас эхэлнэ.
Чөлөөт бөх 62 кг: П.Орхон хүрэл медалийн төлөөх дагах барилдаан хийнэ. Дагах барилдааны эхний өрсөлдөгч Болгарын бөх Дудова Биляна Живковатай.
Чөлөөт бөх 65 кг: “Осло-2021” ДАШТ-ий хүрэл медальт, “Ханжоу-2022”Азийн наадмын аварга, Ази тивийн хошой мөнгөн медальт, ОУХМ Т.Тулга Кубын Вальдес Тобиетай учраа таарав. Дараа нь Гүржийн Дзабисашвили, Арменийн Язген Тенанян нарын ялсантай.
Чөлөөт бөх 76 кг: “Белград-2023” дэлхийн аварга шалгаруулах тэмцээний мөнгөн медальт, “Алдар” спорт хороо, Үндэсний шигшээ багийн тамирчин Энх-Амарын Даваанасан хүч үзнэ. Түүний хувьд эхний даваанд Нигерийн Ханна А.Рубентэй учраа таарлаа.

Хүндийг өргөлтийн 81 кг-ийн жинд ДАШТ-ий алт, мөнгө, хошой хүрэл медаль, “Токио-2020” олимпийн наадмын IV байрын шагналт М.Анхцэцэг тэмцээнээ 22:00 цагаас эхлүүлнэ.

Categories
мэдээ спорт

ПАРИС-2024: МУГТ М.Анхцэцэг 22:00 цагт өрсөлдөнө DNN.mn

“Парис-2024” зуны XXXIII олимпийн наадам хүндийн өргөлтийн төрлөөр үргэлжилж байна.

Өнөөдөр Монгол Улсыг төлөөлж, дэлхийн аварга, МУГТ М.Анхцэцэг өрсөлдөх юм.

Түүний олимпын амжилтуудаас дурдвал:

-“Рио-2016” олимпын 8-р байр,

-“Токио-2020” олимпын 4-р байрт жагсаж байв.

Мөн 2019 оны ААШТ-ий мөнгөн медаль,

-2016, 2022 оны ААШТ-ий алтан медаль,

-2021 оны дэлхийн аварга,

-2022 оны ДАШТ-ий мөнгө медаль хүртсэн билээ.

Categories
мэдээ спорт цаг-үе

ПАРИС-2024: МУГТ П.Орхон дагах барилдаан хийнэ DNN.mn

“Парис-2024” олимпийн наадам чөлөөт бөхөөр үргэлжилж байна. Өнөөдөр МУГТ П.Орхон дагах барилдаан хийнэ.

Украины бөх, “Токио 2020” зуны Олимпийн наадмын хүрэл медальт, Дэлхийн аваргын мөнгө, хүрэл медальт Ирина Колиаденко их шөвгийн дөрөвт Киргизийн бөх Тыныбекова Айсулууг ялснаар манай тамирчин дагаж барилдахаар боллоо.

Дагах барилдааны эхний учраанд П.Орхон наймдугаар сарын 10-ны 17:00 цагаас Болгарын бөх Дудова Биляна Живковатай барилдах бөгөөд хэрэв ялбал хүрэл медалийн төлөө Киргизийн бөх Тыныбекова Айсулуутай барилдах юм.

Categories
мэдээ спорт

ПАРИС-2024: Өнөөдөр П.Орхон, М.Лхагвагэрэл нар өрсөлдөнө DNN.mn

Өнөөдөр 17:00 цагаас эх орноо төлөөлөн Олимпийн чөлөөт бөхийн дэвжээнд авхаалж самбаа, хурд хүчээ сорин өрсөлдөх П.Орхон, М.Лхагвагэрэл нарын тэмцээн эхэлнэ.

П.Орхоны эхний учраа Украины тамирчин Ирина Колиаденко, М.Лхагвагэрэлийн эхний учраа НУ-ын тамирчин Паррис Масон Марк юм.

Categories
мэдээ спорт цаг-үе

ПАРИС-2024: ОУХМ Б.Хулан шагналт 5 дугаар байрт шалгарлаа DNN.mn

“Парис 2024” зуны XXXIII Олимпийн наадамд Чөлөөт бөхийн эмэгтэйчүүдийн 53 кг-ийн жинд өрсөлдсөн ОУХМ Б.Хулан хүрэл медалийн төлөөх барилдаанд БНХАУ-ын бөх Пан Чянь-Юйд ялагдсанаар шагналт 5-р байр эзэллээ.

 

Categories
мэдээ спорт

ПАРИС-2024: Өнөөдөр гурван тамирчин өрсөлдөнө DNN.mn

Өнөөдөр Монгол улсаа төлөөлж 3 тамирчин өрсөлдөнө.

Чөлөөт бөх, эмэгтэй 53 кг: ОУХМ Б.Хулан ДАГАХ БАРИЛДААН хийх бөгөөд түүний өрсөлдөгч АНУ-н бөх 2022 оны Дэлхийн аварга Парриш Доминик Оливиа

Чөлөөт бөх, эрэгтэй 86 кг: Залуучуудын ДАШТ мөнгө, хүрэл медальт, ОУХМ Б.Бат-Эрдэнэ Дэлхийн аваргын мөнгө, хүрэл медальт Азербайжины бөх Осман Нурмагомедотой.

Чөлөөт бөх, эмэгтэй 57 кг: Ази тивийн хүрэл медальт, U23 насны Ази тивийн аварга, “Токио-2020” зуны олимпын наадмын шагналт 5 дугаар байр, ОУХМ Б.Хонгорзул “Ханжоу-2022” Азийн наадмын хүрэл медальт БНХАУ-ын Хун Кө Шиньтэй учраа таарлаа.

Categories
мэдээ спорт

ПАРИС-2024: МУГТ Д.Отгонжаргал 5-р байрт шалгарлаа DNN.mn

Д.Отгонжаргал хүрэл медалийн төлөөх барилдаанд Хятадын Фэн Зичитэй барилдаж, 4:6 харьцаатай ялагдаж, олимпийн наадмыг тавдугаар байраар өндөрлүүллээ.

Categories
мэдээ спорт цаг-үе

Монгол Улс залуучуудын олимпийн наадмыг зохион байгуулах хүсэлтээ илэрхийллээ DNN.mn

ОУОХ-оос Залуучуудын Олимпийн Наадмыг зохион байгуулах хүсэлтээ илэрхийлсэн үндэсний олимпийн хороодын дунд дугуй ширээний уулзалтыг зохион байгууллаа. “Парис 2024” наадмын сүүлийн хагс эхэлсэн энэ цаг мөчид 10 гаруй улсын төлөөлөл уг уулзалтад уригджээ.

Энэхүү дугуй ширээний уулзалтад Соёл, спорт, аялал жуулчлал, залуучуудын сайд Ч.Номин, ОУОХ-ны гишүүн, МҮОХ-ны ерөнхийлөгч Б.Баттүшиг нар оролцож, Монгол улсын залуучуудын олимпын наадмыг зохион байгуулах хүсэлтийг баталгаажуулж, товч танилцуулга хийлээ. Манай улс 2023 онд Мумбай хотноо явагдсан ОУОХ-ны чуулганы үеэр 2030 эсвэл 2034 оны Залуучуудын зуны олимпын наадам, 2027 оны ОУОХ-ны чуулганыг зохион байгуулах хүсэлтээ илэрхийлээд байгаа билээ.
Уг арга хэмжээг ОУОХ-ны гишүүн, олимпийн хошой аварга К.Ковентри ахалж, “Дакар 2026” наадмыг зохион байгуулах хорооны дарга И.Вэйд, “Буэнос Айрес 2018” наадмын зохион байгуулах хорооны дарга, Л.Ларроса тэргүүтэй хүндэт зочид байлцав. Зочид залуучуудын наадмын үзэл санаа, спортын уралдаан тэмцээний онцлог, хэрэгжүүлсэн соёлын хөтөлбөрүүдийн талаар сайн туршлагуудаа хуваалцлаа.
Залуучуудын Олимпын наадам хамгийн анх 2010 онд Сингапур улсад зохион байгуулагдсан бөгөөд 15-18 насны тамирчдын дунд явагддагаараа онцлогтой. Залуучуудын наадмыг зөвхөн спортын уралдаан тэмцээнээс гадна тогтвортой хөгжлийг эрхэмлэсэн, байгальд ээлтэй, залуучууд руу чиглэсэн дэд бүтэц, боловсрол, хувь хүний хөгжлийн урт хугацааны хөрөнгө оруулалт бүхий цогц байдлаар зохион байгуулах бодлогыг ОУОХ-оос хэрэгжүүлдэг.

Хамгийн сүүлд 2024 оны 1-р сард Залуучуудын өвлийн олимпын наадам БНСУ-ын Канвон хотноо зохиогдсон. Дараагийн зуны наадам 2026 оны 10-р сарын 31-нд Дакар хотноо нээгдэх бөгөөд 35 спортын 244 төрөлд 5000 гаруй тамирчин оролцох төлөвтэй байна. Энэ нь олимпын наадам анх удаа Африк тивд явагдах тохиолдол болж байгаа юм.

Categories
мэдээ спорт

ПАРИС-2024: Монгол Улс 58 дугаар байрт бичигдэж байна DNN.mn

“Парис 2024” зуны XXXIII олимпийн наадам 12 дахь өдрөө үргэлжилж байна.

Одоогийн байдлаар АНУ 24 алт, 31 мөнгө, 31 xүрэл нийтдээ 86 медальтайгаар тэргүүлж байна. Xарин аман xүзүүд БНXАУ 22 алт, 21 мөнгө, 16 xүрэлтэйгээр удаалж байна. Австрали, Франц, Иx Британи улсууд медалийн тоогоороо айргийн тавд бичигдэж байна.

Монгол Улс нэг мөнгөн медальтайгаар 58 дугаар байрт бичигдэж байна.

Categories
мэдээ спорт цаг-үе

ПАРИС-2024: МУГТ Д.Отгонжаргал хүрэл медалийн төлөө барилдана DNN.mn

МУГТ Д.Отгонжаргал хүрэл медалийн төлөө барилдана.

АНУ-н тамирчин “Токио 2020” зуны XXXII Олимпийн наадмын хүрэл медальт Хилдебрандт Сара Аннтай барилдаж 0:5 харьцаатайгаар ялагдсанаар хүрэл медалийн төлөө барилдахаар боллоо.

Медалийн төлөөх барилдаанууд шөнийн 00:00 цагаас эхэлнэ.