Сүүлийн өдрүүдэд 1999 төгрөг дээр тогтворжсон ам.долларын ханш буцаад өслөө. Өнөөдрийн байдлаар нэг ам.долларыг “Найман шарга” зах дээр 1995 төгрөгөөр авч, 1999 төгрөгөөр зарж байна. Харин арилжааны банкууд нэг ам.долларыг 2001 төгрөгөөр зарж байна. Монголбанкны нэрлэсэн ханшаар ам.доллар 1997 төгрөг 26 мөнгө байна.
Долларын ханш өсөх хамгийн том шалтгаан нь гадаадын хөрөнгө оруулалт орж ирэхгүй байгаатай холбоотой аж. Монголд орж ирсэн гадаадын хөрөнгө оруулалт ДНБ-ийн дөнгөж нэг хувьтай тэнцэж байгаа юм.
Өнөөдрийн буюу 2015 оны есдүгээр сарын 10-ны өдрийн гадаад валютын дуудлага худалдаагаар банкуудаас ирүүлсэн 1991.01-1999.0 төгрөгийн ханшаар 33.0 сая ам.доллар худалдан авах, 310.01-312.0 төгрөгийн ханшаар 121.0 сая юань худалдан авах саналыг үндэслэн, Монголбанк 10.6 сая ам.долларыг 1996.01 төгрөгийн хаалтын ханшаар, 61.0 сая юанийг 310.8 төгрөгийн хаалтын ханшаар тус тус худалдав.
Энэ оны II улиралд АНУ-ын дотоодын нийт бүтээгдэхүүн өмнөх оны мөн үеэс 3.7 хувиар өсч, шинжээчдийн таамгаас давлаа хэмээн “Блүүмбэрг” мэдээлэв. Шинжээчид америкчуудын ажил эрхлэлт нэмэгдэж, шатахууны үнэ буурсан тул энэ оны хоёрдугаар 
“Оюутолгой” компани шинэчилсэн ТЭЗҮ, Далд уурхайн хөгжүүлэлт болон санхүүжилтийн төлөвлөгөөгөө Монголын Ашигт малтмалын газарт хүлээлгэн өгчээ.
Оюутолгой төслийн дараагийн шат болох гүний уурхайн бүтээн байгуулалтыг эхлүүлэх төлөвлөгөөнд Монголын Засгийн газар болон “Рио Тинто” компани гарын үсэг зурсан. Ингэснээр далд уурхайн бүтээн байгуулалтын ажил ирэх оноос эхэлнэ гэж албаны хүмүүс мэдэгдээд байгаа юм.
Сүүлийн жилүүдэд тогтмол унаж байгаа нүүрсний уналтын эрч 2015 оны эхнээс саарч, тогтворжих хандлагатай байна. Гэвч юанийн ханш суларсны улмаас БНХАУ-д импортын нүүрс, ялангуяа Австралийн нүүрсний ханш унаж эхэлсэн аж. “Fenwei Information Technology”-ийн өнгөрсөн улиралд хийсэн тооцоогоор энэ сард коксжих нүүрсний ханш доод цэгтээ хүрч, эргэн сэргэж магадгүй байгаа гэнэ. “Bloomberg”-ийн шинжээчдийн таамгаар энэ онд коксжих нүүрсний зах зээл сэргэх хандлага ажиглагдахгүй байгаа юм Коксжих нүүрсний гол хэрэглээ болох БНХАУ-ын ширэмний үйлдвэрлэл энэ онд агшилттай гарах хандлага ажиглагдсан учраас тэд ийм таамаг гаргажээ. Мөн Хятадын гангийн эрэлт нэмэгдэх хандлага төдийлөн харагдахгүй байгаа аж. 
Монголын хөрөнгийн бирж 1991 онд байгуулагдаж, 1995 оноос бэлэн мөнгөний арилжаа буюу үнэт цаасны хоёрдогч зах зээл эхэлснээс хойш 5042 удаагийн арилжааг зохион байгуулж байна. 2015 оны 8 дугаар сарын 18-ны өдрийн 5041 дэх ээлжит арилжаагаар 10 тэрбум төгрөгийн арилжаа хийгдэж 2015 он гарсаар хийгдсэн нийт арилжааны дүн 356 тэрбум төгрөгт хүрсэн нь Монголын Хөрөнгийн биржийн 25 жилийн түүхэн дэх хамгийн дээд арилжаа боллоо.
Тавдугаар сард 1888 төгрөг болж хямдарч байсан долларын ханш зургадугаар сараас бага багаар өссөөн өнөөдрийн байдлаар зарим арилжааны банкууд нэг ам.долларыг 2000 төгрөгөөр зарж байна. Харин “Найман шарга” зах дээр долларын ханш 1995 төгрөг байна. Гадаадын хөрөнгө оруулалт эрс багассан нь долларын ханш өсөх болсон гол шалтгаан юм. Хэдийгээр өнгөрсөн хавар УИХ-аас Өрийн удирдлагын тухай хуулийг баталсан ч Монгол руу орж ирэх долларын урсгал нэмэгдэхгүй байна. Мөн Оюутолгойн далд уурхайн бүтээн байгуулалтын төлөвлөгөөг баталж, эхний ээлжид 4.2 тэрбум ам.долларын хөрөнгө гадаадын банк, санхүүгийн байгууллагаас татна гэж байсан ч энэ ажил ямар шатандаа яваа талаар тодорхой мэдээлэл алга байна. Цаашид долларын ханш улам өснө хэмээн эдийн засагчид таамаглаж байна. 
Өнгөрсөн сард Монгол Улсад гадаадын хөрөнгө оруулалттай 19 компани шинээр бүртгэгдсэн болохыг Улсын бүртгэлийн ерөнхий газар мэдээллээ. Он гарсаар 150 орчим гадаадын хөрөнгө оруулалттай компани улсын бүртгэлд бүртгэгдсэн байна.
”Монголын занарын салбарт хөрөнгө оруулсан “Genie Energy” компани, Монгол дахь үйл ажиллагаагаа хумьж байгаа гэж мэдэгджээ. Ингэснээр компанийн гол төсөл болох Израйль дахь занарын хайгуулд илүү төвлөрөх боломж бүрдэнэ хэмээн компанийн зүгээс үзэж байгаа аж. “Genie Oil Shale Mongolia” компанийн зургадугаар сард өгсөн мэдээллээр, өнгөрсөн онд эрлийн гэрээ байгуулсан Чойр-25 талбайн хээрийн судалгааны ажил дуусч, дээжид урьдчилсан байдлаар дүгнэлт гаргах ажил хийгдэж байгаа юм байна. Дундговь аймагт орших Чойр-25 талбайн хээрийн эрлийн ажилд 305 сая төгрөгийн зардал гаргасан гэнэ.