“Нэг өдрийн” буюу “хоногийн” зээл гэх санхүүгийн харилцаанд ойрын жилүүдэд ард иргэд, тэр дундаа жижиглэн худалдаа, үйлчилгээ эрхлэгчид олноороо холбогдож, багагүй хэмжээний хөрөнгө мөнгөөрөө хохирох, санхүүгийн болон сэтгэлзүйн дарамтанд өртөх явдал байсаар байгаагийн дээр энэ зүй бус үйл ажиллагаанд ББСБ-ууд оролцож байна гэсэн мэдээлэл сүүлийн үед зарим хэвлэл, мэдээллийн хэрэгслээр гарч буй нь анхаарал татаж байна.
Иргэний хуулийн 452 дугаар зүйл, Банк, эрх бүхий этгээдийн мөнгөн хадгаламж, төлбөр тооцоо, зээлийн үйл ажиллагааны тухай болон холбогдох бусад хууль, тогтоомж, Хорооноос батлан мөрдүүлж байгаа журам, заавруудаар ББСБ-ууд өдөр тутмын төлөлт нэхэх, 100 хувиар нэмэгдүүлсэн хүү тооцох нөхцөл бүхий “нэг өдрийн зээл” олгох эрхгүй болно. Хэрвээ ББСБ-ууд эдийн засгийн өнөөгийн хүндрэлтэй байдлыг далимдуулан ёс зүйгүй үйлдэл гаргаж, зохисгүй, хатуу нөхцөлтэй зээл олгон, зээлдэгчдэд өрийн болон хүүгийн дарамт үүсгэж, тэдний амьжиргааны эх үүсвэрийг барьцаалах үйл ажиллагаа явуулж байгаа бол үүнийг хууль бус гэж үзэх үндэслэлтэй тул Хороонд хандан, зохих хууль, журмын дагуу шийдвэрлүүлэхийг ард иргэд, бизнес эрхлэгчдэд зөвлөж байна.
Харин иргэд хоорондоо сайн дурын үндсэн дээр гэрээ байгуулж, зээлийн харилцаа үүсгэхийг Хорооны зохицуулалт болон хууль, журам, хяналт, шалгалтын арга хэрэгслүүдээр хязгаарлах боломжгүй боловч зээлийн гэрээг хэт нэг талыг барьж байгуулах нь тэгш зарчим, шударга ёс, эрх зүйн холбогдох хэм хэмжээгээр хориотойг сануулж байна. Зээлийн болон бусад гэрээ нь талуудын эрх, үүргийг тэгш хангаж, харилцан бололцоо олгосон нөхцлөөр хийгдэх ёстойг зохицуулсан эрх зүйн боломжийг ашиглан, шударга бус мөнгө хүүлэлтэд өөрийгөө болон гэр бүлээ өртүүлэхгүй байхыг анхааруулж байна.
Аж ахуйн нэгж байгууллагуудын 2016 оны татварын тайланг хүлээн авах хугацааг нэг хоногоор сунгаж, хоёрдугаар сарын 16-ны өдрийг дуустал авахаар болсон байна. Учир нь Татварын албаны цахим сайт саатаж, тайлан хүлээн аваагүй учраас тэрхүү хугацааг нөхөн ийн нэг өдрөөр сунгажээ. Хуулиараа аж ахуйн нэгж байгууллагууд жилийн эцсийн тайлангаа хоёрдугаар сарын 15-ны дотор харьяа татварын албандаа өгөх ёстой байдаг. 
Лондонгийн металлын биржид зэсийн үнэ гурван сарын дараа 0.3 хувиар нэмэгдэн тонн нь 6106 ам.доллартай тэнцлээ. Энэ нь Индонезийн Грасберг уурхайн зэсийн экспортод тавьсан хориг болон Чилийн Эскондида уурхайн ажилчид ажил хаяж цалингаа нэмэгдүүлэхийг шаардсанаас хамаарч байгаа гэнэ. 
Төгрөгийн ам.доллартай харьцах ханш он гарснаас хойш харьцангуй тогтвортой байна. Тухайлбал, нэгдүгээр сарын эхэнд 2489 төгрөг байсан бол энэ сарын эхээр 2459 болж буурчээ. Мөн юанийн ханш өнгөрсөн оны 11-р сараас хойш 350-360 төгрөгийн хооронд хэлбэлзэж байна. Рублийг 42, юанийг 363 төгрөгөөр борлуулж байна.
Монголбанк 2460.00 төгрөгийн хаалтын ханшаар 16.2 сая
2017 оны 1 дүгээр сарын 27-ны өдөр “I”, “II, “III” ангилалд бүртгэлтэй 30 хувьцаат компанийн 124,485 ширхэг хувьцаа арилжигдаж нийт 107,109,679.00 төгрөгийн гүйлгээ хийгдсэнээс 8 хувьцаат компанийн хувьцаа өсч, 15 хувьцаат компанийн хувьцаа буурсан бол 7 хувьцаат компанийн хувьцаа тогтвортой байлаа. Үүнээс “Дархан гурил тэжээл” компани хамгийн өндөр буюу 15.00-иар өссөн бол “Таван толгой” 7.55%, “Улсын их дэлгүүр” 3.48%-иар тус тус өслөө.
Дөрвөн Засгийн газар дамжин яригдаж буй 547 км үргэлжлэх Эрдэнэт-Овоотын төмөр замын төсөл хэрэгжих нь тодорхой болжээ. Хятадын төмөр замын судалгаа, зураг төслийн нэгдүгээр хүрээлэн уг төслийг санхүүгийн хувьд хэрэгжих үндэслэлтэй гэж үзсэн байна. Хятадын хоёр ч банкнаас авах зээлийн нэг шалгуур нь энэ байсан юм. Төмөр замын бүтээн байгуулалт энэ зунаас эхлэх нь тодорхой болсон боллоо гэж хэлж болох юм.