“Буянт-Ухаа 2” хорооллыг хүлээн авахаар Улсын комисс ажиллаж эхэллээ
“Буянт-Ухаа 2” хороололд байр авахаар захиалга өгсөн иргэд шинэ оноо шинэхэн байрандаа угтах нь. Энэ жил “Буянт-Ухаа 2” хорооллын 2592 айлын 48 орон сууцны барилгын барилга угсралтын ажил бүрэн дууссан байгаа билээ. Энэ онд эхний ээлжийн 30 барилгын 1620 айлын орон сууцны барилга бүрэн ашиглалтад ороход бэлэн болсон. Энэ дагуу Нийслэлийн ерөнхий төлөвлөгөөний газрын Барилга байгууламжийг ашиглалтад оруулах комиссын хуваарийг гаргажээ. Төрийн орон сууцны корпорацийн захиалгаар “Буянт-Ухаа 2″ хороололд баригдсан 1620 айлын орон сууцны Барилга байгууламжийг байнгын ашиглалтад хүлээн авах Улсын комисс өнгөрсөн арваннэгдүгээр сарын 30-ны өдрөөс газар дээр нь ажиллаж эхлээд байна. Долоо хоногийн эхний өдрүүдэд Улсын комиссын багийнхан “Буянт-Ухаа 2 ” хорооллын эхний долоон блок буюу 1001-1007 дугаартай орон сууцны барилга дээр ажиллалаа. Мөн өчигдөр 1008, 1019-1022, 1031-1032 дугаартай долоон блок орон сууцны барилга дээр ажилласан байна
Өнөөдөр улсын комисс “Буянт-Ухаа 2” хорооллын 1009-1018 хүртэл дугаартай орон сууцны барилгад ажиллах хуваарийг баталсан байна. Улсын комисс ажиллаж байгаа талаарх мэдээллийг албан эх сурвалжаас тодруулан удахгүй дэлгэрэнгүй мэдээлэх болно.