Буудлагын “Дэлхийн цом”-ын тэмцээн Германы Мюнхен хотод болж байна. Тэмцээнд нийт 88 орны 738 мэргэн бууч цэц мэргээ сорьж байгаа юм. Өнөөдөр тэмцээний 10 метрийн хийн урт бууны эмэгтэй дасгал, 25 метрийн спорт гар бууны тогтоол 30 сумны дасгалууд Улаанбаатарын цагаар 15.30 цагаас болох юм.
Манай улсаас Бээжингийн олимпийн мөнгөн медальт, гавьяат тамирчин О.Гүндэгмаа, ОУХМ Ц.Мөнхзул, Г.Нандинзаяа нар оролцож байна. Тамирчдыг Үндэсний шигшээ багийн ахлах дасгалжуулагч Л.Ундралбат, шигшээ багийн дасгалжуулагч Ж.Ганхуяг дасгалжуулж байгаа юм байна.