Бразилийн
Ерөнхийлөгч Дильма Русеф төрийн өмчит газрын тосны “Петробрас”
корпорацийн авлигын хэрэгт холбогдсоноор түүнийг цаашид төрийн тэргүүн
хэвээр үлдээх эсэх дээр Конгрессын доод танхим болон Сенат хуралдан
шийдвэр гаргахаар болсон юм.
Эхний ээлжинд Конгрессын доод танхим
өнгөрөгч дөрөвдүгээр сарын 18-нд санал асуулга явуулж Дильма Русефтэд
хариуцлага хүлээлгэх нь зүйтэй гэж үзсэн учраас асуудлыг дээд танхим
буюу Сенат хэлэлцэхээр болсон юм. Хэдэн сар дамнан яригдаж буй
ерөнхийлөгчөө огцруулах эсэх асуудал өчигдөр /05.12/ Сенатын хурлаар орж
гишүүдийн 55:22 саналаар Дильма Русефийг Ерөнхийлөгчийн албан тушаалаас нь 180 хоног чөлөөлөх шийдвэрт хүрчээ. Улмаар Бразилийн дэд Ерөнхийлөгч Мишель Темер Ерөнхийлөгчийн үүргийг түр гүйцэтгэхээр боллоо.