Удахгүй Катарын Доха хотод сонирхогчдын боксын насанд хүрэгчдийн дэлхийн аварга шалгаруулах тэмцээн болох гэж байна. AIBA-гийн дүрэм шинэчлэгдэж тивийн аваргад амжилт гаргасан эхний долоон тамирчин ДАШТ-д оролцох эрх авсан. Уг дүрмийн дагуу монголын дөрвөн тамирчин ДАШТ-д орох болсон. Тэгвэл 56 кг-ын жинд өрсөлдөх Э.Идэрхүүгийн нэр Катараас Монголын боксын холбоонд ирүүлсэн урилгад байгаагүй бөгөөд хасагдсан байна. Учир нь зохион байгуулагч орныхоо давуу эрхийн дагуу 56 кг-ын жинд өөрийн тамирчнаа оруулж, Э.Идэрхүүг хассан гэх. Энэ талаар Монголын боксын холбооныхон Катар руу холбогдох захиадал илгээжээ. Ямартай ч захидлын хариуг хүлээж байгаа аж.