БНАСАУ цоо шинэ төрлийн баллистик пуужин хөөргөгч шумбагчийг танилцууллаа. Төрийн мэдлийн хэвлэлээр уг баллистик пуужин хөөргөх чадалтай шумбагчийг дэлхийн хамгийн хүчирхэг зэвсэг хэмээн мэдээлжээ.
АНУ-ын шинэ төрийн тэргүүн Жо Байден тангаргаа өргөх гэж байгааг угтан Умард Солонгос зэр зэвсгийн хүчин чадлаа харууллаа. Удирдагч Ким Жон Уны сонирхсон цэргийн жагсаал дээр хэд хэдэн пуужингуудыг харуулсны дотор хар, цагаан өнгийн дөрвөн ширхэг аварга пуужин багтжээ. Шинжээчдийн зүгээс эдгээрийг урьд өмнө харагдаж байгаагүй зэвсэг гэж онцлон тэмдэглэсэн байна. Умард Солонгос судлаач Анкит Панда “Шинэ жил, Шинэ Пукгуксон” хэмээн жиргэсэн бөгөөд Пукгуксон гэдэг нь баллистик пуужин хөөргөх чадамжтай шумбагчийн нэр ажээ.
Умард Солонгосын төрийн мэдлийн сувгаар дамжуулсан зурагт удирдагч Ким Жон Ун хар өнгийн савхин хүрэм, үслэг малгайтай инээмсэглэн Ким Ир Сений талбайд гараа далласан харагдаж байна. Пүрэв гарагт болсон цэргийн жагсаалд Умард Солонгосын тив хооронд харвах хүчин чадалтай хамгийн том баллистик пуужинг харуулаагүй ажээ.